الموضوع: اوبل استرا هاتشباك الجديده 2010 ولا برافو

المشاركة الأصلية كتبت بواسطة abdo_kmal

أنا أحب دايما يبقى كلامنا في المقارنات ده عن تجربة مش مجرد كلام وخلاص !! يعني مثلا مينفعشي أقول البطيخ أحسن مليون مرة من الشمام وخلاص كده من غير دليل ولا إيه ؟!! لازم أجيب دليل على كلامي من الواقع ....كذلك الحال بالنسبة لمقارنة السيارات ببعض.

وبالنسبة للبرافو ....طبعا لو بنتكلم على ال 150 حصان فـ دي خارج المقارنة تمااما لأنها وبكل أمانة تطحن السيات ليون وأفضل من الاسترا كمان , وبالنسبة لل 120 حصان لازم الأول نقول حاجة إن موتور ال 150 حصان هو هو بتاع ال 120 حصان لكن الفرق بس في حجم التربينة (أكبر) وكمان في نسب خلط البنزين والهواء (fuel mapping ) طبعا الكلام ده لاني شفت ناس بتقول إن الموتور مختلف وده طبعا غير صحيح ..... إنما الفرق بين الإتنين في بعض الكماليات وبس.

لو حنقارن بين البرافو 120 و الليون .... ناخدها كده واحدة واحدة .... نبدأ بالشكل والتصميم , طبعا منكرش إن شكل الليون جذاب لكن البرافو شكلها أحسن 100 مرة وماعتقدش إن في خلاف على كده(ولا إيه ؟) .... أنا العربية معايا باسم الله ما شاء الله مبتعديش في حتة إلا وتلاقي الخلق كلهم مبحلقين فيها
ندخل على الموتور ..... طبعا مفيش مقارنة بين الاتنييين نهائي , واحدة 1600 و 102 حصان ....والتانية 1400 تربو 120 حصان وعزم تسارع 206 (وهمي ) وعلى فكرة صحيح ..... البرافو ال 120 دي مطلعتش 120 !!! دي طلعت 135 وشوف اللينك ده http://www.nilemotors.net/nile/12291...135-stock.html وعن تجربة .... أنا طلعت بيها من 318 i وياعيني صاحبها كان حيتجنن !
نيجي للأمان والثبات .... البرافو حصلت على 5 نجوم في اختبار السلامة الاوروبي و السيات حصلت على 4 نجوم فقط , إذن البرافو تتفوق ايضا , بالنسبة للثبات ... أنا ركبت الإتنين وملاحظتش فرق ! طبعا أنا ركبت البرافو أكتر بحكم إنها عربيتي والحمدلله أنا شايف إن ثباتها باسم الله ما شاء الله جيد جدا على الطريق مع السرعات العالية وملفات وكده ....يعني أساسا العربية عريضة وجنوط 17 يعني معرفش على أي أساس الكلام اللي بيشكك في ثباتها ده !!!

نيجي للكماليات .... أنا عايز أسأل سؤال للناس اللي بتقول إن كماليات السيات أكتر .... إيه اللي موجود في السيات مش موجود في البرافو ؟! أنا لو قعدت أعد كماليات البرافو مش حخلص .... يا راجل ده كفاية الإزاز الفاميه والجنط 17 و الفوجات اللي بتتحرك مع الدركسيون .... ده غير ال blue & me و ال voice commands , ولا التلاجة ولا ولا ولا ...مش حنخلص! يا ترى السيات بقى فيها الكلام ده كله ؟!!!

بعد كل اللي اتقال فوق ده ..... أقدر أقول بكل ثقة إن البرافو أحسن من الليون 50 ألف مرة !! يمكن النقطة الوحيدة اللي تتفوق فيها الليون هي الجير بوكس dsg اللي هو أفضل من dual logic بتاع البرافو .... و أنا على فكرة ليَّ واحد أعرفه معاه ليون لما أنا جبت البرافو وركبها وشاف اللي فيها وكده قال لي ابصملك بالعشرة:ta_clap[1]:


أما بالنسبة للاسترا .... فـأنا شفتها ووبصيت عليها ولكن حسيت إن كتير قوي المبلغ اللي حيدفع فيها وصرفت نظر عنها ... بصراحة مفيهاش جديد للدرجة (بستثناء الشكل,اللي أنا شايف إنه متغيرش قوي من قدام لكن من ورا بقى أفضل بكتير ) يعني وكماليات عادية كعادة الالماني ..... لكن أكيد جودة عالية جدا وعربية معمرة وتعيش كعادة الالماني برده .

وأنا الحمدلله قبل مااجيبها عملت survey كويس وارتأيت انها بالفعل الأفضل من المقارنات دي وأنا على فكرة أنا بقارن عربيات ببعضيها يعني أنا لم اتعرض لموضوع الوكيل واعادة البيع وقطع الغيار والكلام ده .....أنا بتكلم عن السيارة الأفضل بغض النظر .

تمام اوي انت جبت من الاخر بس فيه كذا حاجه

الجنط بتاع ال 145 قالولي 16 مش 17 فهل كده هيفرق في الثبات
وهل الي ب145 الفوجات بتتحرك مع الدركسيون؟
وياريت حكايه الفرق بين العفشتين حد يشرحهولي

م الاخر يا باشا... الفيات عايزة الركيب اللي هيعرف ياخد باله منها وتفضل فبريكا وان شاء الله متعملش مشاكل

الاوبل معمرة اكتر بس مش هنحس وانت جوا انه فيها حوارات كتير.... انزل اركب الاتنين وهتعرف انا بتكلم ف ايه.. وياريت تركبهم دايرين عشان تقدر انا بقول ايه... البرافو سفينة فضاء وهي دايرة

المشاركة الأصلية كتبت بواسطة osamy

يعني ايه ياخد باله منها
يعني ماتقعدش ست سبع سنين؟

يا جماعة مع احترامي بس أي عربية في الدنيا محتاجة اللي يحافظ عليها لأنها مش حتستحمل لو صاحبها مبهدلها أي كان نوعها ...و بعدين إزّي بيتكلموا على الفيات في حاجة زي كده ؟؟!!! انزلوا بصوا في الشوارع شوفوا كمية الفيات 127 و 128 و 132 ! عربيات بقالها فوق ال 20 سنة ومبتقولش لأ ! وبرده الكلام ده عن تجربة لإن أنا أول عربية كانت عندي كانت 128 موديل 85 وكانت معايا سنة 2006 أيام ماكنت لسة داخل الكلية جديد و كنت بتعلم عليها ....وكانت ماشية معايا تماااااام وشافت مني بهدلة لكن استحملت وعلى فكرة أنا في الآخر بعتها وكانت حالتها جيده .... من الآخر عربيات الفيات معمرة جدااااااااا والدلييل احنا بنشوفه في شوارعنا كل يوم !

المشاركة الأصلية كتبت بواسطة osamy

تمام اوي انت جبت من الاخر بس فيه كذا حاجه
الجنط بتاع ال 145 قالولي 16 مش 17 فهل كده هيفرق في الثبات
وهل الي ب145 الفوجات بتتحرك مع الدركسيون؟
وياريت حكايه الفرق بين العفشتين حد يشرحهولي

أيوه ياباشا ال 145 دي فوجاتها بتتحرك مع الدركسيون وفيها كل الكماليات اللي في ال 153 ألف ....لكن الاخيرة تزيد عنها في إنها جنط 17 وعتب وسبويلر وفرش لونين ورشاشات فوانيس ....يعني مفيش فرق قوي الحاجات دي ممكن تعملها أنت بسهولة وعلى فكرة مفيش فرق في العفشة ..... البرافو بتنزل بره بجنط 18 يعني ممكن تركبه لو حبيت وبالنسبة للثبات هي أكيد ب جنط 17 اثبت لكن بفارق بسيط r 16 205/55 و r17 225 /45
هي أصلا ثابتة جدا سواء كده أو كده

أنا رأي إن البرافو ممتازة جدا وأحسن بكتيييييييييير من الليون وأحسن كمان من الاسترا ....وتحت أمرك في أي استفسار

بستغرب قوي بصراحه من الناس اللي بتتكلم وتقول كلام مش منطقي ومش عن تجربة مين قال إن الليون الثبات اعلى من البرافو بالمنظر اللي أنا شيفه ده الحقيقة غير كده خالص البرافو سبتها زي الليون تقربا مفيش اختلاف وعن تجربة وفيه حاجة لازم الناس تاخد بالها منها علشان مش شيف حد واخد باله فيه فرق مابين احساسك باثابت والثابت الفعلي وال برافو عربية لا جدال عليها والأسترا شرحو وال ليون بس أنا شيف احسنهم تجمعا للمميزات هي البرافو ك سعر وامكنيات

شووف اللينك ده http://www.nilemotors.net/Nile/102712-t-jet.html