الموضوع: اوبل استرا هاتشباك الجديده 2010 ولا برافو

أستاذ abdo_kmal رأيك يحترم طبعاً و على العين و الراس بس بعد إذنك مكنش في داعي لكلمة تأليف ،لو حضرتك تعرف الباشمهندس غازي كويس مكنتش تقول كدة ،هو مش من الناس اللي بتتكلم بدون علم هو لما كان بيتكلم مكنش قصده على خامات ولا فرز أول أو تاني كان بيتكلم على مواصفات و عوامل أمان ،و قال ليون مواصفاتها في مصر كذا و برافو كذا ،و بيقول بلاش كلام على مواصفات برافو 150 حصان .تحياتي .

هل البرافو ال150حصان فيها ثلاجه في التبلوه بتاعها وشكرا

[QUOTE=abdo_kmal;3873005763]

المشاركة الأصلية كتبت بواسطة ghazy12

الفكره بقى انك تفرق بين الـ150 حصان اللي فيها كل عوامل الامان
و الكماليات و الموتور القوي و عليه اتقيمت بالشكل ده,
و بين الـ120 حصان اللي في مصر, اللي هي مافيهاش حاجات كتير
من كل ده و اللي تقلل كتيير من تقيماتها زي جودة الخامات و ESP
[QUOTُُE/] k




هو - مع احترامي الشديد ليك - احنا كده ابتدينا سنة تأليف ولا إيه ؟؟!! في حاجة اسمها - بالنسبة لعربية اوروبي -إنك تفرق بين اللي في مصر واللي بره ؟! هو الكلام ده ممكن يمشي مع الصيني و الكوري اللي عندهم فرز أول وتالت وكده ودايما بيدونا الحاجات التعبانة لكن مع الاوروبي ماعتقدش إن الكلام ده صحيح .... طب ولو الكلام ده صحيح يبقى برده يطبق على السيات اللي بتنزل مصر وده حيقلل جدا من تقيمها برده ولا إيه ؟؟!!!
وبالنسبة ل نقطة الموتور دي .... حرجع وأقول تاني إن موتور ال 120 هو هو 150 حصان والفرق في حجم التربينة ( ودي مش تبع الموتور عشان ميحصلش لبس ) وال fuel mapping اللي في ال ECU ..... و الفرق ده هو هو سواء هنا في مصر ولا بره (عشان العربيات هي هي واللهِ, مش عارف حضرتك جبت الكلام ده منين ) وبالنسبة ل موضوع الامان ده حضرتك بتقول إن العربية اللي في مصر مواصفات امانها اقل من اللي في اوروبا, ده على أساس إن فيات مثلا بتعمل عرابياتها بمواصفات اماان مختلفة حسب العربية دي حتتباع وحتتوزع في انهي بلد ؟؟!!! معتقدش إن الكلام ده منطقي خالص
وعلى فكرة ال esp مش موجود في 120 حصان عامةً يعني اللي في اوروبا كمان لإن ببساطة الإتنين واحد. وزي ماقال الأستاذ esslynx إن ال tcs اللي في الليون مش بالقوة الكافية وإن اختبارات الثبات بتتعمل و الانظمة دي off عشان نقدر نحكم وزي ما قلت لحضرتك قبل كده ...... التجربة هي اللي بتحكم لأنها الدليل القاطع مش كلام وارقام وخلاص ....وأنا بصراحة شايف إن -عمليا - ثبات الإتنين واحد مفيش فرق بينهم .
نيجي بقى لحتة جودة الخامات دي عشان دي غريبة شوية وترجعنا لنفس النقطة تاني .... حضرتك محسسني إن فيات وهي بتصنع العربية بتشوف هي هتتباع فين , فـلو لقيتها حتتباع في مصر تقولك اطلعلي بالخامات التايواني عشان نشتغل بيها ولو العربية دي حتتباع في اوروبا يبقى الخامات الاصلية !! زي الحتة بتاعت الحصان في الاهرامات في فيلم احمد حلمي الجديد عسل اسود " الرهواان التااااني " ....لا تعليق !



وطبعا النقطة اللي أنا بأتكلم فيها من زماان ..... يارييت كلامنا يبقى عن تجربة ودلائل مش مجرد كلام وارقام وخلاص .....وأنا على فكرة مش فارقة معايا لما الناس تجيب فيات أو سيات أو استرا ومش حكسب حاجة من ورا الموضوع ده ...أنا بس حبيت أتكلم من واقع أنا شفته وخبرة مريت بيها و حابب الناس كلها تعمل كده .... أنا الحمدلله مقتنع بالبرافو تماما وجبتها بعد مقارنة مع عربيات كتير منهم الليون اكييد وشايف إن البرافو أحسن منها بكتير في كل حاجة تقريبا و كمالياتها أحسن منها ....لكن مش بكتير لإن كماليات الليون برده محترمة جدا لكن البرافو أكتر وأنا بتكلم عن el-120 هه ! ماعدا ال gear box زي ماقلت أنا قبل كده في المقارنة اللي عملتها بينهم بموضوعية وفي النهاية أنا حابب أساعد واعرض اللي عندي لعل الناس تستفيد منه ......وشكرا

كلامك صح 100% ولازم التجربة العملية عشان الواحد يدى رأى مبنى على خبرة لكن تسمحلى ردك كان فية شوية تجريح أعتقد مش مقصودة لأنك تحمست زيادة شوية ولأنل بأكد على رأيك إن البرافى أفضل بكتير من أى عربية فى نفس الفئة عن تجربة فعلية .

وللتأكيد الموتور اللى فى البرافو 120 هو اللى فى الجراند بونتو بنفس التوربو وهو اللى ففى البرافو ال 150 بس التربو أكبر (من حيث الكمبرسورز) لكن نفس الأبعاد

وأنا عندى حالياً الجراند بونتو ال 120 حصان وركبت التربو الأبارث 155 حصان

وعملت التعديلات التالية :


Original IHI Brand New Abarth Turbo

Forge Front Mount Inter cooler

Forge Coolant Hoses Kit

Forge Front Strut Braces to enhance handling

Eibach Pro Springs (Lowering 3 cm front & 3 cm rear)

Ragazzon Downpipe with decat

Bonalume Wide Band Second Lambda Sensor (because I removed the catalizer)

Fredreich (Master of Sound) Non-resonated Cat-Back Exhaust

Full Turbo-Back heat shield Exhaust Wrap

AEM Cone Air filter(made in USA

Full Original Abarth Model Signs (Dashboard, front, rear, & Both sides)

Full Original Abarth Floor Mats

طبعا بما إن حضراتكم شايفين إن ردي كان قاسي شوية - مع إني واللهِ ماأقصد - يبقى أكيد وجب الاعتذار للأستاذ غازي وأنا لم اقصد ان يأخذ ردي الاتجاه لكن طالما ده اللي اتفهم يبقى لازم نعتذر
على فكرة يا جماعة أنا كلامي كان على البرافو ال 120 زي ماأنا موضح في كلامي مش على ال 150 ...اللي زي ما أنا قلت قبل كده إنها خارج المقارنة تماما ....وكان كل كلامي إن ليه أستاذ غازي بيفترض إن ال 120 حصان اللي بتنزل مصر خاماتها مش بجودة اللي بره ؟؟!! وإيه دليله على كده ؟؟!!! و معلش اشمعنى افترض ده في البرافو ومفترضوش في السيات ؟؟!!يعني لو هنقول الكلام ده يبقى نقوله على الإتنين ! أنا رأيي إن الكلام ده والفرض -مع احترامي - في ظلم شوية ومع احترامي برده أنا شايف إن ده مش صحيح لإن مفيش شركة محترمة حتعمل كده

على فكرة موضوع الكوميديا ده هو اللي كان مقصود من ردي فعلا واللهِ .... أنا حبيت ابين اعتراضي مع سنة هزار كده لكن يمكن هي اتفهمت غلط فـعشان كده وجب الاعتذار زي ما قلت قبل كده !! بس أنا على فكرة لم افترض سوء النية ولا حاجة وكل اللي كنت عايزه إن حضرتك مشكورا تقولي إيه دليلك على كلامك ...... وبعد اذنك برده أنا مش بأتكلم على test drive للبرافو ماهو ناس كتير من هنا ركبوها أنا بتكلم عن النقطة اللي حضرتك أثارتها عن موضوع إن خامات العربية اللي بتنزل مصر غير اللي بره واللي أنا شايفه مش صحيح وفيه ظلم .... يعني وأنا افترض إن كلام زي ده اقوله مثلا لما أكون جربت عربيتين برافو ... واحدة "مصرية " والتانية "اوروبية " للاثبات .... ورمضان كريييم