الموضوع: اوبل استرا هاتشباك الجديده 2010 ولا برافو

المشاركة الأصلية كتبت بواسطة EgyptianTune

البرافو تكسب بالثلث كقيمة وقوة وتميز مقابل السعر للأباب التالية:

أولاً : جودة خامات (تابلوه بإحساس الكاربون فايبر مش بلاستيك) وأوبشنز وشكل متميز البرافو أعلى بكتير من االليون .

ثانياً : الأداء والقوة أعلى بكتير من أى عربية فى فئتها وبتطلع من بى ام 318 و316 ومينى كوبرالعادية والسيفيك يعنى 80% من العربيات اللى فى مصر (أنا بتكلم عن ال 120 حصان) .

ثالثاً : فتيس البرافو مش أتوماتيك عادى ولكن سيمى أتوماتيك Dual Logic وفية Clutch ووحدة كمبيوتر منفصلة وليه سواقة خاصة بيه (طريقة دوسك على دواسة البنزين بتحدد للكمبيوتر إنت عايز تعمل إيه) والنتشة اللى بين النقلات سببها الكبس على دواسة البنزين للأخر لكن لو ماشى عادى مش هاتنتش منك ومش هاتحس بالنقلة خالص ، يبقى اللى بيشتكى بتبقى غلطة سواق مش عارف إمكانيات عربيته .

رابعاً: اللى بيشتكى من نظام تعليقها أعتقد إنه عيب سواق بردوا لأن السواق الصح يعرف إمكانيات عربيته ويتصرف على أساسها والحدفة بتاعت العربية من الخلف ممكن لأن العربية عالية من الخلف جداً وممكن تحس بيها فقط لو بتاخد غرز عنيفة على سرعات فوق ال 170 وديه بتختلف من درجة تمكن اللى بيسوق من أسلوبه فى الغرز اللى بياخدها ، ولو الحدفة ديه مدايقة حد حلها بسيط جداً Sports Coil Overs أو على الأقل Sports Springs to be installed to the original Shock Absorbers والسوست مش هاتتكلف أكتر من 2000 جنيه بتركيبهم .

في بس نقطة احب اضيفها للموضوع و هي ان السيارات الالمانية اعلى في الreliability من السيارات الايطالية .. و الكلام ده معروف من زمان عن كل الماركات الايطالي زي الفا و حتى فيراري ..هي سيارات جميلة جدا و عالية التكنولوجيا لكن يظهر فيها مشاكل بعد فترة .. على فكرة الكلام ده كمان على الموتسيكلات الايطالي زي الدوكاتي و الابريليا مثلا معروف قوتهم وسرعتهم في السباقات لكن مزعجين في الصيانة المستمرة , على فكرة الكلام ده الايطاليين هم اللي معترفين بيه عن صناعتهم , تصميمات وهمية وتكنولوجيا لكن اعتمادية متوسطة , مش كل حاجه جري و اداء , افتكروا كده ال الفا روميو 156 اول لما نزلت كانت بتبهدل العربيات كلها لكن بهدلت ملاكها مشاكل. الطلاينة بصراحة يقلقوا خاصة مع التكنولوجي العالية قوي دي.

انا كنت عايز ارد بس abo_kmal تقريبا قال كل اللى يتقال و هى فعلا الريفيوهات و الفيديوهات مش اللى بتخلى واحد ينزل يجيب عربيه عميانى و الا منتدى زى ده لازمته ايه؟ و لسه برضه عند نفس المثال فى عربيات كتير مش بتبان فى الاول و بالنسبه للفولكس هو فعلا مفيش اى مقارنه بينها و بين فيات فى اى حاجه ده مجرد تفكير بسيط فىكميه الشركات اللى تحت فيات يخض !!!
تالت حاجه عجبانى الاشكال الامان اللى فى ليون اول مره اشوف عربيه بتكسح السواق و تتطلع اللى معاه احسن منه

منين جبت معلومه التورشن بيم احسن فى مصر بسيط و مش مكلف و بيوفر مساحه و لو حصل حادثه تغيره بالكامل سهل
و بعدبن ابه فى كلامى فهمك انى بقول اودى منزلاه مخصوص لمصر؟؟؟ فى شركات كتير بتستخدمه لانه ساعات بيقى افضل حل و اودى عملت كده و شوف السايت ده هو مختصر بس بيتهيالى كافى
AutoZine Technical School - Suspension

السؤال الرفيع ده ملهوش اى معنى غير انه حضرتك شايف انه ليون هى جولف الشكل مختلف و ده مش صح لانه بالطريقه دى هقولك جولف ولا الفا ولا لانشيا عدم الرد على السؤال انه يترد عليه بسؤال زيه و زى ما abo_kmal قال لو سيات هى الواجهه الرياضيه تبقى مسكينه اوى جنب الليله الايطالى التانيه دى و عموما سيات و سكودا الناس بتحببهم لمجرد انهم بقوا جزء من فولكس فاجن مش اكتر نظام اى حاجه من ريحه الحبايب !!

بالنسبه لل reliability بيجو من اسوء الشركات بس لسه فى بيجو من 30 و 40 سنه ماشيه هنا الفكره انى مش بحب اخد الريفيوهات و كلام المواقع كشئ مسلم بيه ماعدا الncap انما غير كده راى واحد او اتنين من الملاك للعربيه بيقى اكتر من كافى لانه عنده فرصه و جرب العربيه تحت كل الظروف بس

اتمنى اكون وضحت الفكره

المشاركة الأصلية كتبت بواسطة abdo_kmal

اعتقد إن ده حيكون آخر رد ليَّ على الموضوع ده لإن أنا حاسس إن الموضوع ممكن يقلب ل جدال وأنا ما عنديش استعداد أشارك فيه.... في النهاية الموضوع مش مستاهل يعني سواء دي أو دي واللهِ الاتنين حلويين الاتنين طعمين وفي الاخر دي اذواق ...وردي ده عشان أوضح كام حاجة كده

لا حول و لا قوة إلا بالله...

يا سيدي رأيك يحترم و مافيش اي مشاكل, و ده لما تقوللي مثلا انك بتحب البرافو.. هقولك رأيك يحترم

انما مثلا تقولي البرافو افضل من العربيه الفلانيه, يبقى طبيعي اسأل ليه, و ايه الدليل على كده؟؟؟

و لما ندخل في نقاش يبقى الدليل هو الفيصل مش الرأي, و لو حجتك قويه تقنعني, او تقتنع بكلامي

مبدئياً لو شايف ان الكلام هيدخل في جدال, و ده ردك الاخير في الموضوع... ( انت حر )

و انا مافيش بيني و بين البرافو اي شئ, غير اني جربت العربيه بنفسي و ماعجبتنيش و عندي اسبابي
و اكبر دليل على ده, اني شايف ان الـ150 حصان احسن لانها فيها ESP, و خاماتها افضل..!!

خليني ارد على كلامك من الأول خالص...

أولا: انت عايز دليل على ان خامات البرافو دون المستوى... العربيه تحت البيت عندك بص كويس
فيها, و اخطف رجلك على اقرب فرع لتوكيل سيات, و بص على الليون, و شوف انت الفرق,
لو شايف ان خامات البرافو احسن و خلاص... يبقى بردو انت حر, و ده رأيك

ثانياً: سعادتك ما قولتش اي اسباب لتفوق البرافو في رأيك على الليون..!!! هي فين الاسباب دي!!!

انا اثبتلك بالدليل ان الليون تتفوق على البرافو في الأمان حسب الاختبار... ولا ده مش اثبات؟؟؟

قولتلك ان نظام التعليق في الليون افضل من البرافو, حتى و الليون بدون TCS يا سيدي علشان
ماتقولش انه مالوش لازمه, خلينا ننساه خالص, بردو اداء المالتي لينك افضل و اكثر ثبات من التورشن بيم

قولتلك ان الجير بوكس افضل في الليون...

قولتلك ان الكماليات اعلى في الليون...

قولتلك الليون فيها TCS, حتى لو كان هيفرق 1% في الاداء, احسن من مفيش خالص في البرافو

كل ده و انا ماقولتش دليل بردو..!!!!!!!!!!!!!!!!!

البرافو تتفوق في قوة الموتور, السعر, قاعدة العجلات... فعلا مافيش حاجه تاني!!!

ثالثاً: انت شكلك شايل قوي من فولكس..!!! و شايفك عصبي جدااا مش عارف ليه..!!!

بقى ده كلام يتصدق..!؟؟؟ فولكس بتعمل انصاف سيارات هي و اودي و سكودا و سيات..!!!

مجموعة فولكس فاجن العالميه, صاحبة براءة اختراع للجيربوكس الـDSG و المواتير الـTSI
مابتعرفش تبحث و تطور و تعمل عربيات..!!! و على كده بتبيع ليه بقى؟؟؟ واسطه مثلا؟؟؟

عايز نتكلم عن السوبر كارز امثال الفيراري, يبقى نجيب البوجاتي يا باشا و نتكلم للصبح...

و بعدين ايه كمية (الطحن) دي..!!! طلع برافو مع ليون كوبرا TSI مثلا, و قوللي رأيك؟؟
صدقني البرافو مش هتشوف نمر الليون حتى...!!! طلع موتور تيربو مع تيربو علشان تقدر تحدد

و بعدين انت مش زعلان ان فيراري عملت فتيس البرافو, و زعلان ان فولكس عملت فتيس الليون..!!!!

و ايه اللي مزعلك ان الموتور و الفتيس و الشاسيه كمان من فولكس..؟؟؟ مش سيات ملك لفولكس 100%
يبقى ايه العيب في ده؟؟؟ يعني ده براند مسؤله عنه فولكس و عن تطويره, يبقى بالذمه منطقي تقوللي
ان الليون مكوناتها مش من سيات..!!! و البرافو كل مكوناتها (فياتيه)..!!!!

انت بتقارن عربيه بعربيه, ولا بتقارن اللي جوه العربيه مين اللي صنعه, و تفرق ايه معاك..!!!

و هي لما BMW بقت بتعمل مواتير لبيجو, و بتتعاون معاها, بقت بيجو وحشه..!!! مش Pure بيجو..!!!

لما مرسيدس عملت اتفاقية شراكه مع رينو, ده يقلل من مرسيدس او رينو..!!!!

على كده بقى اودي دي عربيات اي كلام, لان فولكس بردو تملكها و هي اللي بتنزلها مواتيرها و غيره..!!!
و اودي و سيات و سكودا مجرد ظل لفولكس..!!! طيب ماهما ملك لفولكس اصلا, يبقى يعملوا
موتور لاودي, و موتور لسيات, و موتور لسكودا و موتور لفولكس..!!! ازاااااااااااااي..؟؟؟؟

و كمان سيات هي النسخه الرخيصه..!! ههههههههه, و على كده البرافو تبقى هي الغاليه يعني؟؟

و هل منطقي اني اقارن البرافو بالليون, و اشيل من الليون مكواناتها و تقوللي كده يبقى البرافو احسن..!!

ده فعلاً اكبر دليل على ان البرافو مش هتبقى احسن من الليون إلا اذا شيلت منها مكوناتها

هل ده كلام منطقي..!!! و المفروض اقول ان ده رأيك و هو اصلا الكلام مش صحيح بالمره؟؟

و بعد كل ده.... طلعت (فولكس فاجن) من اشهر و انجح مصنعي السيارات في المانيا و العالم
بتاخد على الجاهز... و تقوللي انا اللي مش متابع... و الله شكلك انت اللي مش متابع فعلاً

مش عارف اقولك ايه فعلا, لكن لما تبقى عربيه زي الجولف مثلا بتاخد كل سنه سيارو العام
ده يبقى اسمه ايه؟؟؟ واسطه بردو؟؟؟ و لما الموتور الـTSI ياخد موتور العام..؟؟؟ دفعوا رشوه؟؟؟

افضل جيربوكس دلوقتي هو الـDSG من صنع فولكس, ده على الجاهز بردو؟؟؟

و النجاح اللي فيه مجموعة فولكس فاجن ده من فراغ؟؟؟ و حجم المبيعات؟؟؟ و الجوده؟؟؟ و الاعتماديه؟؟؟

دي ناس مش بتطور و تبحث و تضيف تكنولوجيا لعالم السيارات..؟؟؟؟

اقولك ايييييييه بس...؟؟؟

عموماً انا هقولك اللي يريحك زي ما طلبت مني... ده رأيك, و رأيك يحترم, و البرافو فياتيه اصيله

الموضوع فعلا مش مستاهل كل ده... و ربنا يباركلك في البرافو و يديك خيرها

المشاركة الأصلية كتبت بواسطة egyptiantune

البرافو تكسب بالثلث كقيمة وقوة وتميز مقابل السعر للأباب التالية:

أولاً : جودة خامات (تابلوه بإحساس الكاربون فايبر مش بلاستيك) وأوبشنز وشكل متميز البرافو أعلى بكتير من االليون .

ثانياً : الأداء والقوة أعلى بكتير من أى عربية فى فئتها وبتطلع من بى ام 318 و316 ومينى كوبرالعادية والسيفيك يعنى 80% من العربيات اللى فى مصر (أنا بتكلم عن ال 120 حصان) .

ثالثاً : فتيس البرافو مش أتوماتيك عادى ولكن سيمى أتوماتيك dual logic وفية clutch ووحدة كمبيوتر منفصلة وليه سواقة خاصة بيه (طريقة دوسك على دواسة البنزين بتحدد للكمبيوتر إنت عايز تعمل إيه) والنتشة اللى بين النقلات سببها الكبس على دواسة البنزين للأخر لكن لو ماشى عادى مش هاتنتش منك ومش هاتحس بالنقلة خالص ، يبقى اللى بيشتكى بتبقى غلطة سواق مش عارف إمكانيات عربيته .

رابعاً: اللى بيشتكى من نظام تعليقها أعتقد إنه عيب سواق بردوا لأن السواق الصح يعرف إمكانيات عربيته ويتصرف على أساسها والحدفة بتاعت العربية من الخلف ممكن لأن العربية عالية من الخلف جداً وممكن تحس بيها فقط لو بتاخد غرز عنيفة على سرعات فوق ال 170 وديه بتختلف من درجة تمكن اللى بيسوق من أسلوبه فى الغرز اللى بياخدها ، ولو الحدفة ديه مدايقة حد حلها بسيط جداً sports coil overs أو على الأقل sports springs to be installed to the original shock absorbers والسوست مش هاتتكلف أكتر من 2000 جنيه بتركيبهم .

يعني الجيربوكس... عيب سواق..!!!!

و نظام التعلييق عيب سواق بردو..!!!!!!!!!

جديده دي... طيب ما ينزلوا البرافو بالسواق الايطالي المخصوص بتاعها كمان...

و انت معترف ان في حدفه, و لو هتضايق صاحب العربيه اللي شاريها (زيرووو)
ينزل يضيف شوية تعديلات علشان (يوزن) عربيته و تبطل تحدف منه..!!!
اللي هي اصلا و في الاساس من فيات العريقه جداا في عالم السيارات...

كلام جميل...

في الاخر بس انا عايز اقول حاجه بسيطه...

فيات فعلا من اعرق صانعي السيارات في العالم, و لا خلاف على ده...

مجموعة فولكس فاجن كمان من اعرق صانعي السيارات في العالم و انجحهم
و بردو لا خلاف على ده...

انا مش ضد البرافو كعربيه, لكن ضد التورشن بيم, في ظل عدم وجود esp
و ده في اي عربيه, مش بس البرافو...

و كل ده بعيداً عن الليون تماماً...

الفكره من المقارنه مش التقليل من عربيه لحساب عربيه تانيه,
لكن الهدف منها توضيح الفروقات و نقاط الضعف و القوه بشكل موضوعي
بين كل عربيه و الثانيه, و ده مش عيب في حق اي عربيه,
لأن الطبيعي ان كل عربيه ليها مميزات و عيوب, لكن المهم في كل ده
ان العيب مايكونش جوهري, او بيأثر في الاساسيات زي الثبات و الامان
و الموتور, و العفشه, و نظام التعليق........ و غيره من الاساسيات

يبقى المفروض ان احنا مش مختلفين على المبدأ...

و بردو هرجع و اقول... انا مش ضد البرافو, ولا عندي مشكله منها

و ربنا يبارك للي معاه البرافو, و اللي معاه الليون...

سلام عليكم...