هعترفلكم بحاجة بس محدش يتريق عليه

**bmya** · 04-09-2010 02:33 AM

انا صحابي مسميني شريف ديتول هههههههههههههههه
من كتر ما انا بحاول احافظ على النظافه يعني مثلا لو هاكل في مطعم كشري مثلا بجيب علبه ومعلقه بلاستيك وطبعا بكسهرم 100 حته عشان الضمير المصري الغائب
لو هشرب حاجه بحاول تكو كوبايه بلاستيك وبرده بتلقى نفس مصير المعلقه لو مضطر اشرب في كوبايه زجاج بحاوول امسحها كويس بمنديل او بايدي قبل ما اشرب منها اهو اي حاجه تصبرني
بس انا طبعا مجيش نقطه في بحرك :))
ربنا يعينك

**engahmedsamy** · 04-09-2010 02:40 AM

المشاركة الأصلية كتبت بواسطة icehearted girl

عاوزة أسألكو في أمر كبير

بس يا ناس الأمر خطير

قولي يا آيس السر وماله

بس بشرط السر فبيــــــــــر

انا مش عارفة ابدأ منين ولا أقول ايه بس اصلها بصراحة كدا حاجة تكسف

عارفين بعض الناس اللي ربنا بيرزقهم بشوية ابتلاءات وأمراض نفسية وعقد مزوبعة

اهو انا واحدة منهم بقي والحمدلله ربنا ابتلاني بحاجة كدا وهي موضوع (القرف)

مش اني مقرفة لالالالا انتو فهمتوا غلط

اني بقرف بطريقة موسوسة فوق ماتتصوروا

يمكن بوصل لدرجة اني لما بشرب من كباية مثلا مبشربش منها تاني الا لما اغسلها بالرغم

من انها مكاني مش مكان حد تاني

وطبعا من رابع المستحيلات اني استخدم كباية حد استخدمها حتي لو اتغسلت..

ومن خامس المستحيلات اني استخدم اي حاجة مكان حد... مش عشان العدوي وكدا لا هو في

الاول وف الاخر موضوع نفس... لدرجة مرة حد غصب عليه اشرب عصير من بتاع عصير القصب فلكباية
ونا رافضة تماما لحد مغلش عليه جدا.. وخلاص كنت هشرب لقيت فلاش باك شغال لكل الناس

اللي ممكن يكونوا شربوا فلكباية دي فجأة لقتني بتخنق وبكح جامد جدا

وروحي بتطلع بدون مبالغة

فصدوقني ومخلونيش اشرب

المشكلة بقي انا مش مضايقة من نفسي بكن بقيت اضايق من اللي حواليا انهم شايفنني مجنونة

ومش طبيعية وعادي جدا ان ازازة مية يشرب منها كذا شخص او كباية حد يستعملها

كنت ببقي لسه فاتحة الازازة الاقي حد بيستأذني يشرب اسبهاله واتلكك باي حجة عشان امشي

قبل ميرجعهالي تاني

او بشرب بيبسي ولسه هفتحها الاقي واحدة بتقولي ممكن اخد بق ولا بتقرفي؟؟

سيادتك يعني اقلك ايه منتي بتحرجيني بالذوق.. مش عارفة ليه كل الناس متخيلين نفسهم معقمين

انا والله مش فدماغي الحاجات اللي بسبها دي اد مفدماغي انهم شيفينني غلط ومريضة

ويقولولي المفروض انتي مسلمة يعني نفسك تكون حلوة

ايه علاقة الارف دا بالنفس الحلوة

لا وفرمضان الامر زاد لأني تقريبا كل يوم بفطر برا البيت

ابقي هموت ومستنية المغرب تأذن علشان اشربلي اربع خمس ازايز مية ولسه بقول بسم الله

الاقي واحدة تقولي ممكن اشرب؟؟

.. مع ان قدامها ميت مصدر للمية اشمعنه اللي هشربها دي يعني

وبسبها برده وافضل هموت ملعطش لحد مقدر اخرج واجيب مية تاني
ولا من كام يوم لسه هفطر انا وزمايلي لقيت واحد زميلي بيقولي بتاكلي اي فنا حلفت عليه يقعد ياكل معانا عادي يعني راح شادد مني المعلقة.. وراح ضايق حاجة كدا وقالي لا دا وحش اوي

وراح مرجعلي المعلقة.. ونا المفروض بقي اني استخدمها... بغض النظر اني ولعت فيها بجاز بعد كدا

الا انه احرجني جامد جدا لاني يادوب كنت لسه هاكل.. طب اتحجج بإيه؟؟؟ عملت نفسي بطني وجعتني فجأة ..و آآآآآآآآآآآآآآآه آآآآآآآآآآآآآآآآآآآآآآآآآ آه مش قادرة وقعدت اولول

علشان ابرر اني مش هاكل من الالم...

زمان مكنش بيهمني واللي ييجي يشرب مكاني اقوله بقرف..بس دلوقتي ميصحش احنا ناس كبار وزمايلي وصحابي وكدا مقدرش احرجهم ومبعرفش احرج حد للأسف

انا رغيت كتير معلش بس فعلا الموضوع دا تاعبني ومش عارفه اتصرف ازاي

انا كدا بس مش لدرحة تفسي

**Donzi** · 04-09-2010 03:08 AM

( قل لن يصيبنا الا ما كتب الله لنا )

مهما الواحد عمل احتياطات لو ربنا كاتبلو حاجة هايشوفها مهما عمل

حاولي تخفي من الموضوع شوية عشان ماتتخنقيش بعد كدة

**medo_2060** · 04-09-2010 04:10 AM

انتى عندك حق فى حاجات وحاجات لأ .... يعنى متاكليش ومتشربيش من ورا حد دا الطبيعى لكن باقى الى ذكرتيه غريب شويه..
لانك النهارده ممكن تتعرضى لموقف محرج بخصوص الموضوع دا مع صحابك او اهلك ودا عادى وفى الغالب الموضوع هيبقلب بهزار وهتعدى...
لكن الفتره الجايه ان شاء الله لما يكون فى خطوبه وبعده جواز الموضوع دا هيعمل مشاكل بمعنى الكلمه.... فحاولى تظبطى الامور
يعنى الى بيخاف من الضلمه طريقه من طرق العلاج يواجه الخوف ويقعد فى اماكن ضلمه
اعملى كدا هاتى سته سبعه من اصحابك وهاتوا صينيه كبيره وحطوا كل الاكل فيها وكلوا مع بعض وياريت لو فى نص الاكل تبدلوا المعالق هههههههههههههههههههههه

**mr_vampire** · 04-09-2010 04:15 AM

المشاركة الأصلية كتبت بواسطة skybird

ده وسواس قهري
مرض نفسي ومحتاج علاج

اسمع ان الفنان محمد عبد الوهاب كان موسوس نظافة لدرجة انو بيغسل الصابونة لما يشتريها

يغسل الصابونة ازاي يعني. يغسلها بصابونة. والصابونة اللي بيغسل بيها كانت مغسولة بصابونة قبل كدة برده. نفس قصة البيضة والكتكوت مين جه الاول.

**Mohammmed** · 04-09-2010 04:18 AM

عااااااااادى جدا دا مش مرض نفسى ولا حاجة انا كدا برده
وناس كتير كدا وسيبك من اللى يقولك اشربى او كلى و الناس كلها شربت منها ومحصلش حاجة والكلام دا
انتى كدا ماشية فى الطريق الصح

**نور القمر** · 04-09-2010 04:58 AM

اها عشان كدة لما جيتي عندي مكنتيش عايزة تشربي حاجة
بس على فكرة انا بغسل كويس ولازم الكلور مع الصابون حتى اسألي آيه وفايزة
عموما الحالة دي هتروح منك بمجرد ما يبقه عندك اطفال وبامبرز والذي منه
انا اول ما جبت ابني الاولاني كانت بتجيلي حالة قيء من تغيير البامبرز دلوقت اخدت مناعة