الموضوع: هعترفلكم بحاجة بس محدش يتريق عليه

بصفتي راجل مش بقرف وممكن عادي وانا عايز اشرب او اكل الاقي نوموسه او دبانه اقوم اخليها تضرب غطس زي مارسولنا قال واكمل عادي
وبصفتي متزوج من واحده بتقرف من ابنها حتي ولو شافت حاجه علي الاكل او الشرب مش بس بتقرف دي بترجع وتفضل كام يوم من غير اكل وبجد بجد مش بتاكل خالص

بعد كل ده اقدر اقولك انك هتتعبي قوي لاني بصراحه اوقات كتيير ببقي مخنوق ومدايق وساعات تانيه بتبقي صعبانه عليا

بحس ان الموضوع مش مستاهل كل ده

المره الوحيده اللي كنت مش مدايق فيها كانت قرفانه من اللحمه والفراخ والسمك وانا كنت اقلها ماتكلي ياحبيتي وهيا تقولي قرفانه وانا مكدبش خبر واقولها طيب هاتي بقي عشان اللحمه متبوظش ههههه

بس اكتر حاجه بجد خنقتني موضوع انها تقرف من ابنها وياسلام لما كانت والدتي تشوفها كده مش عايز اقولك بقي علي الكلام واللي كانت بتعمله فيها

المشاركة الأصلية كتبت بواسطة pro_samir

موضوع انك تقرفي من نفسك ده مش طبيعي طبعا ماهو لسانك مليان ميكروبات هتعملي فيه ايه ههههههههه

بس بدل ما بتتحرجي من الناس وييجي علي دماغك اتعاملي عادي والناس هتتعود يمكن يتضايقو مره ولا اتنين وبعد كده خلاص الموضوع هيتعرف ويبقي ده الطبيعي

لسه انهارده كان عندي اتنين اصحابي واحد منهم بيتصرف بتلقائيه تخنق بجد أول ما دخل راح قاعد علي المكتب قلتله علي فكره المفروض متقعدش مكان صاحب البيت الا لما تستأذنه

شاف بلوك نوت راح ماسكها وبيقرا اللي مكتوب قلتله افرض انا كاتب حاجه ومش عايزك تشوفها مثلا ! واتضايقت جدا

كتاب احمر محطوط يقولي وريني الكتاب ده كده قلتله لأ (اصله كتاب عن الصحه النفسيه هههههههههه)

جه نازل هو وصاحبي التاني واقفين علي الباب والمفروض اتفقنا ان هنصلي العصر و اوصله في طريقي لاقيته بيقول لصاحبنا التاني خلاص هستني مع محمد وننزل سوا قلتله لا معليش استناني في الجامع لسه هتوضي واغير واجيلك علي الصلاه

طبعا من النادر ما بقفلها كده مع حد بس بجد طالما بيعمل حاجات بتضايقني يبقي لازم يعرف ومش هقعد انا ساكت كده لما يجيبلي الضغط كل ما ييجي عندي حتي لو كان مش واخد باله وبيتصرف بعفويه لازم انبهه حتي لو هيتضايق مره بس بعد كده ياخد باله من تصرفاته

بس ده اسمه فضول ومن حسن اسلام المرء تركه مالا يعنيه
والفضوليين بيخنقونى جدا ومزاج عندى اكبسهم وزمايلى فى الشغل دايما اقول الفضول قتل القطة يا قطة