طيب واية الجديد فى كدة احنا عارفين الكلام دة
سؤالى عن الريد زوون الى تديك اقوى عزم للغيار من غير ماتضر المكنة النقطة الى انا اغير عندها يعنى
عرض للطباعة
1- اقصى عزم لموتور السيراتو عند 4200 rpm واقصى قدرة حصانية عند 6200 rpm
2- الفتيس الستبترونيك عمره ميسمحلك تخش في الرد زون, الكلام ده عن تجربة ومن الكتالوج و اصلا مش منطقي انه يدخلك في الرد زون لان القدرة الحصانية في الرد زون بتبقى اقل مش اكتر
3- الستبترونك مبينزلش نقلات لتحت الا لما تقف تماما, برضه عن تجربة وبرضه من الكتالوج.
لو النقطة رقم 2 مش واضحة هاشرح اكتر: كل ال rpm مايزيد كل ما القدرة الحصانية تزيد, لغاية نقطة معينة ال peak الي عندها اقصى قدرة حصانية, الرقم بتاع ال peak ده هو اللي بيتحط في الاعلانات. يعني مثلا السيراتو 124 حصان مش معناها ان الموتور دايما بيطلع 124 حصان, وانما معناها ان ده اقصى قدرة حتطلع عند rpm معين, اللي هو 6200 في حالة السيراتو.
الرد زون دي مش المنطقة اللي الموتور حينفجر فيها او عمره يقصر او اي حاجة, ببساطة الرد زون هي المنطقة اللي القدرة الحصانية تبدأ تقل فيها عن اقصى قيمة. ده السبب انها حمراء واسمها رد زون, لانك ببساطة دست بنزين لحد ماوصلت لاقصى قدرة وكملت لحد مالقدرة نزلت تاني, يعني ملهاش لازمة من الاخر عشان كده معموله حمراء.
الصورة دي صورة تقريبية لموتور السيراتو اعتقد توضح الموضوع, الخط الازرق هو العزم, والاخضر هو القدرة الحصانية
http://2.bp.blogspot.com/_uMugxB_JF8...s320/GAMMA.jpg
يا رجااااااااااااااااالة
الستيب ترونيك بينقل لوحده لنقلة أعلى لو دخل على الريد زون
وبينزل نقلة لوحده لما الrpm يهدى خالص
يعنى تتفكرو لو بجرى وعايز احس بالموتور اكتر امشى ستيب ترونيك واخليه ينقل لوحده لما يفصل النقله كلها ولا ايه رايكم ؟
يا باشا هل معنى كدة ن لو عربية أقصى قدرة حصانية ليها عند 4200 rpm هيعملوا الريد زون من أول 4000 لفة ؟
اللي أعرفه ان المشي على الريد زون بيقلل من عمر مكونات الموتور وبيحمل عليها
Can driving in the red zone of rpm of my car cause damage to the engine if it was done only for seconds ? - Yahoo! Answers
مافيش موتور بنزين القدرة الحصانية القصوى بتاعتة واطية كده, اقل حاجة انا شخصيا شفتها هي بتاعت الموتور ال A5D بتاع ريو موديل 2003 - 2005, عند 5600 rpm
ده مبدأ اساسي في تصميم المواتير البنزين, حتلاقي مواتير الديزل هي اللي بتدي قدرة حصانية عند سرعات منخفضة وعشان كده بتبقى نقلات الفتيس بتاعتها اكتر بكتير (10 نقلات او اكتر في بعض عربيات النقل الكبيرة)
طبيعي ان كل ال rpm مايزيد كل ما الموتور بيتاكل اكتر, بس يتاكل اكتر دي مش زي ما احنا متخيلين ان الموتور هيطرقع يعني, اهم حاجة دورة التبريد والزيت تمام, والزيت بيتغير في معاده, حتلاقي الموتور يعيش اكتر من عمر العربية حتى لو انت بتطحن فيه.
احنا مشكلتنا بس في مصر ان القاعدة العريضة من العربيات موديلها قديم جدا, و تكنولوجيا صناعة المواتير اتقدمت واختلفت جامد عن زمان, امتى اخر مرة شفت عربية موديل 95 مثلا وطالع موتورها مفوت الا لو صاحبها بيتغابا عليها؟
انا حاقلك انا باعمل ايه عن نفسي: انا مش باستخدم الاوتوماتيك الا لو على طريق طويل بسرعة ثابتة (نفسي كان يبقى عندي كروز كنترول بالمرة), اما داخل المدينة فانا على طول شغال ستيبترونيك, بس ده عشان انا باحب اتحكم في النقلات وباحب صوت الموتور عالي واخد كل القدرة الحصانية اللي يقدر يدهاني.
انا مش باقول ان ده احسن حاجة, هو ده اللي انا باعمله وممكن تجربه. بس برضه عشان محدش يفهمني غلط انا ابدا مش مع الجري والغرز وشغل العيال التعبانة ده.