مش عارف السبب فين (ممكن مساعدة)

**devilishtigers** · 15-09-2010 03:51 PM

تم عمل صيانة ال 10000 كم وتم الكشف على التكييف والفرامل والهاند بريك وتربيط عفشة.
وتم تغيير زيت موبيل ب 225 (كان نفسي في شيل بس مش لقيت اي بنزينة شيل وانا ماشي)وفلتر ب 50 وتغيير (كف) مرايا يمين ب 85 وميكانيكا وكهرباء ب 155 ضريبة ب 51.75 خصم نايل موتورز 34.25 الاجمالي 535 جنيه.
وبالنسبة للرعشة مع الفرامل قالي عيب الطنابير وقالي لو كدا ممكن يخرط الطنابير وقالي لو بتمشي فوق ال 140 كتير اعملها ولو مشيك لغاية 120 يبقى ممكن تعملها في صيانة ال 20000 ووراني الطنابير بتتعملها خرط ازاي في الورشة فقررت اعملها في ال 20000 .
وكان في صوت تزييق في وانا ماشي قولتلهم عليه ولسه الصوت زي ما هو.
شكلي هروح وارخم عليهم تاني.

**wael2sh** · 15-09-2010 03:55 PM

مش داخلة دماغي الال طنابير ممكن تبوظ على 10 أو 20000 كم
بس عاوز أعرف إيه المشكلة
لما ترجع من التوكيل قلنا المشكلة كانت إيه؟

**wael2sh** · 15-09-2010 03:59 PM

معلش أنا آسف مكنتش قرأت ردك
بس ليه هتستنى lel-20000 ميخرتهالك دوقتي

**devilishtigers** · 15-09-2010 06:19 PM

المشاركة الأصلية كتبت بواسطة wael2sh

معلش أنا آسف مكنتش قرأت ردك
بس ليه هتستنى lel-20000 ميخرتهالك دوقتي

قولت اعملها لما اجي اعمل صيانة ال 20000 يمكن اغير التيل لو احتاج خصوصا اني لاقيته ب 500 جنيه.
وانا كل فين وفين لما اعدي ال 140 لما بروح اكتوبر وغير كدا كل المشاوير داخل القاهرة.

**M!SHO** · 16-09-2010 08:28 PM

ألف مبروك وعقبال ال 100 ألف على خير ان شاء الله

بس عملت الصيانه فين ؟؟

والأسعار غليت ولا أنا متهيألى

**devilishtigers** · 19-09-2010 01:29 PM

المشاركة الأصلية كتبت بواسطة هشام حمزه

ألف مبروك وعقبال ال 100 ألف على خير ان شاء الله

بس عملت الصيانه فين ؟؟

والأسعار غليت ولا أنا متهيألى

انا اسف والله على التأخير بس النت عندي ما كنش قادر يفتح اي صفحة
الله يبارك في حضرتك وفعلا انا حاسس ان الاسعار غليت (المهندس قالي تيل فرامل ب 500 جنيه) والصيانة انا عملتها في قليوب.
بس شكلي هروح تاني علشان الفرامل عندي مش عجباني. لو خرط الطنابير هيجيب نتيجة وهو السبب هعملها. ولو التيل هغيره.
معلش سؤال صغير هو انا لو هغير التيل لازم بردو يخرط الطنابير.؟؟؟ ولما اغير التيل اغيره ل sumitomo الاخضر مش كدا.؟؟؟؟؟

**tarek250** · 19-09-2010 02:59 PM

السلام عليكم
ان شاء الله بسيطة كما قال الاخوة الافضل دة عيب طنابير لازم الطنابير تتمس بالمخرطة+ زبط زويا+ترصيص عجل +ظبط هواء العجل +مع مراجعة كاملة للعفشة وان شاء الله هتظبط العربية

**M!SHO** · 19-09-2010 03:42 PM

المشاركة الأصلية كتبت بواسطة devilishtigers

انا اسف والله على التأخير بس النت عندي ما كنش قادر يفتح اي صفحة
معلش سؤال صغير هو انا لو هغير التيل لازم بردو يخرط الطنابير.؟؟؟ ولما اغير التيل اغيره ل sumitomo الاخضر مش كدا.؟؟؟؟؟

ولا يهمك يا باشا

هى غريبه حكاية خرط الطنابير بعد 10000 كم خصوصاً أن التيل أصلى

واللى أعرفه أن التيل لو ناشف ( غالباً مش أصلى ) هو اللى يبوظ الطنابير

الأفضل أن حضرتك تغير الطنابير طالما عملت عالى وواطى

ولو مفيش امكانيه أخرطهم ( كفايه سعر التيل )

وفى الحالتين هتضطر تغير التيل وفيه نوعين فى التوكيل بس أسمع أن الأخضر أحسن

**M.Nasr** · 19-09-2010 04:49 PM

انا شايف انك تخرط الطنابير احسن قبل ماتغير التيل وتخليهم يكشفولك على تربيط العجل والعفشة عشان المشكلة ماتزدش اكتر من كده

**darkangel007** · 19-09-2010 06:46 PM

السببين الرئيسين لموضوع الطنابير دة
نوعية تيل مش نضيف
او
العربية بتتغسل كتير بعد ما ترجع من مشوار فالطنابير بتبقى حرارتها عالية جدا فايجى ماية ساقعة عليها فتآدى لاعوجاجها
فا حاول متغسلش العربية كتير فى الجراج بتاعك و هيا لسة راجعة سخنة!
عموما الطنابير سعرها
350 كورى
450 يابانى
دة من برة التوكيل طبعا
و كف مراية زى الاصلى ب 25 :)