الموضوع: هل مسلسل الجماعة حقق الهدف منه؟

المشاركة الأصلية كتبت بواسطة tlrsiap

يا أخ pro-drive
مبدئيا ايه الاستفادة لما في وسط كلامك تتكلم عن حد ( و لو عن حد غير معين ) بالطريقة دي في حين ان كل جريمته انه تأثر بمسلسل ؟
هل من وجهة نظرك اللي تأثر بمسلسل ده لما يشوفك بتقول كده هايحس انه غلط و هايفكر في موقفه ؟
ولا هايشوف ان فيه حد بيشتمه و هايفترض ان الحد ده اخوان او ايا كان (زي ما حصل كده ) و هايعمق رأيه (اللي من وجهة نظرك غلط ده ) و بالتالي يبقى رد فعلك جاب نتيجة عكسية لهدفك اللي هو المفروض ان الكل يعرف الحق و الصح و يبقى وراه ؟

لأن اللي حيتأثر بالمسلسل - حيتأثر بالكلام عن حكمه الرئيس , حيتأثر بكلام انجازات الحكومه الذكيه و باقي الكلام الظريف :) , == حيبقي شخص مغيب ﻻ يعمل عقله بأي شكل ! و حيصدق اي حاجه تتقاله ! - يبقي تنطبق عليه الاوصاف اللي قلتها :)

باختصار الناس الواعية فقدت الثقة تماما فى التصريحات الحكومية والإعلام الحكومى المقروء والمسموع والمرئى

حاجة زى موقف البعض كده من أمريكا
أنا لو عرفت إن أمريكا بتعادى أى جهة أعرف ان الجهة دى صح ، ولو بتأيدها أعرف انها غلط الغلط

هو المسلسل و ضحلي أنا حاجة مهمة

كشفلي من هو وحيد حامد

بصراحة المسلسل حقق الهدف منه و زيادة كمان
أزاي ...

أنا هاتكلم عن نفسي دون الخوض في تفاصيل كتير ...

أولا .. أنا ماكنتش اعرف يعني أيه أخوان و كنت متصور أن هدفهم هو ديني فقط و انها جماعة أسلامية ..
و لكن بعد المسلسل اللي خلاني أقرأ عن الاخوان من مصادر متعددة و أسأل عنهم عرفت حقائق كثير أثبتت لي عكس ما كنت متخيل و عرفت الاتي :
1- الاخوان لسيوا كما يدعون أنهم تنظيم ديني بقدر كونهم تنظيم سياسي يلبس عباءة الدين و هذا في حد ذاته خداع
2- تشابه العمليات العسكرية (أن جاز عليها هذا الوصف) التي نفذها الاخوان مع عمليات العصابات الصهيونية في فلسطين فليس الجهاد هو قتل الابرياء من المدنيين و المسلمين

ثانيا .. الحكومة هي السبب الرئيسي في ميل الناس للأخوان منذ البداية بسبب فسادها و ديكتاتوريتها

ثالثا .. لا الحكومة و لا الاخوان أفضل لصلاح هذا البلد فكلاهما سواء و الحل هو الخلاص منهما معا و بالعربي كده زي مابيقولوا (ربنا بيسلط أبدان علي أبدان)

معلش يمكن رأيي ده مايعجبش ناس كتير و لكن لي أسباب و عندي من المعلومات مابنيت عليها رأيي الذي جعلني أصبح اكثر خوفا و ريبة في أمر الاخوان بقدر كرهي ايضا لحكومة الحزب الوطني و النظام القائم

مع خالص تحياتي
م/ سمير الشهاوي

المشاركة الأصلية كتبت بواسطة se_coralsea

بصراحة المسلسل حقق الهدف منه و زيادة كمان
أزاي ...

أنا هاتكلم عن نفسي دون الخوض في تفاصيل كتير ...

أولا .. أنا ماكنتش اعرف يعني أيه أخوان و كنت متصور أن هدفهم هو ديني فقط و انها جماعة أسلامية ..
و لكن بعد المسلسل اللي خلاني أقرأ عن الاخوان من مصادر متعددة و أسأل عنهم عرفت حقائق كثير أثبتت لي عكس ما كنت متخيل و عرفت الاتي :
1- الاخوان لسيوا كما يدعون أنهم تنظيم ديني بقدر كونهم تنظيم سياسي يلبس عباءة الدين و هذا في حد ذاته خداع
بصراحه انا متفق معاك في ده
2- تشابه العمليات العسكرية (أن جاز عليها هذا الوصف) التي نفذها الاخوان مع عمليات العصابات الصهيونية في فلسطين فليس الجهاد هو قتل الابرياء من المدنيين و المسلمين

انا مختلف معاك واعتقد ان الاخوان مش ممكن يكون بهذا السؤ لدرجة قتل الابرياء والمدنيين
ثانيا .. الحكومة هي السبب الرئيسي في ميل الناس للأخوان منذ البداية بسبب فسادها و ديكتاتوريتها

مظبوووووووووووووووووووووو وط
ثالثا .. لا الحكومة و لا الاخوان أفضل لصلاح هذا البلد فكلاهما سواء و الحل هو الخلاص منهما معا و بالعربي كده زي مابيقولوا (ربنا بيسلط أبدان علي أبدان)

مظبوط كلامك لكن مش لدرحة الخلاص منهم
معلش يمكن رأيي ده مايعجبش ناس كتير و لكن لي أسباب و عندي من المعلومات مابنيت عليها رأيي الذي جعلني أصبح اكثر خوفا و ريبة في أمر الاخوان بقدر كرهي ايضا لحكومة الحزب الوطني و النظام القائم

مع خالص تحياتي
م/ سمير الشهاوي

يااااااااه انت كده يقام عليك الحد هههههههههههههه

المشاركة الأصلية كتبت بواسطة se_coralsea

2- تشابه العمليات العسكرية (أن جاز عليها هذا الوصف) التي نفذها الاخوان مع عمليات العصابات الصهيونية في فلسطين فليس الجهاد هو قتل الابرياء من المدنيين و المسلمين

أى تشبيه هذا؟
شئ مؤسف إن يكون هذا اللى انتهيت إليه بعد قراءة! .. أى المصادر تلك التى طالعتها؟
هل قام الإخوان بعمليات إبادة للمصريين؟ وهل سمعت عنهم وقرأت من مصادرهم إستباحة دماء المسلمين والمدنيين؟
تشبيه غاية فى الظلم

انا قرات الموضوع متأخرا لاكنى هقول راى بامانه راى مواطن مصرى من ملاين المصرين
اولا
المسلسل مستهدف الاخوان المسلمين مائه بالمائه بدليل لو فى ديمقراطية والاخوان حبوا يردوا بمسلسل من انتاجهم سيتم منع عرضه نهائيا لانه هيكشف وحشية امن الدولة سواء معهم او مع اى شخص لا ينتمى لاخوان واقرب حادثة الشاب خالد سعيد وكيف ينقلب المجنى علية جانى وكيف تسخر وسائل الاعلام والحكومات والدوله كلها ضده
ثانيا
لو انت مواطن عادى جد لا اخوان ولا يحيزنون وحبيت تؤدى فرائض دينك وحبيت تنظف ايدك من الرشوة سواء اعطيتها او اخذتها وحبيت تأخذ حقك كما اعطاه لك الدستور سوف تكون فى هذه الحالة مواطن خارج عن القانون وسف تجد القانون سريعا حكم عليك بالسجن والبهدلة انت واسرتك والعكس صحيح لو انت مظلوم والظالم هو افراد الامن فى بلدك ستجد نفس القانون هو هو سوف يكون بطيئا بطا السلاحفاء يميتك حسره وانت حى
ثالثا
لو قدر لنا وكان عايش بيننا احد الخلفاء الرشدين عليهم رضوان الله كل منا يسأل نفسه ماذا سوف يلاقونهم من الحزب الحاكم هل سوف يؤيدهم ام سوف يحاربوهم انسى الاخوان والمسلسل وجاوبوا على هذا السؤال
رابعا
المسلس عمل رائع جدا لكنه غير مقنع من وجهه نظرى الشخصية للاسباب الاتية
عمل موجه ضد فئه معينه ليظهر جميع سلبياتها وفى نفس الوقت يظهر ايجابيات الطرف الاخر
واليكم السقطات التى وقع فيها المسلسل من وجه نظرى
1 - اظهار الاستاذ عمرو خالد بالاستغلالى وليتهم مثله نقدر نأخذ منهم شىء مفيد للبلد
2 - اظهار مباحث امن الدولة وكانهم محققين من كوكب تانى بيطبطوا على اللى بيحقق معاهم وهذه اشياء لا تدخل عقل طفل صغير انا بقسم بالله العظيم انا اعرف ناس دخلوا مباحث امن الدولة خرجوا متخلفين عقليا من كثرة انواع التعذيب الذين تعرضوا له
3 - الانتشار والتوسع لجميع فئات الشعب خلال فترة نشأه الاخوان المسلمين معقوله كل تلك البشر مضحوك عليهم للدرجه دى منهم المثقفين والبسطاء والازهرين
4 - انتهازين ومنتفعين طيب ماشى تعالوا نحكم بانفسنا ليس على القديم ولكن الحالى ايهم حقق مصالح من هذه البلد الاخوان ام اعضاء مجلس الحزب الوطنى التى نقرا يوميا اعضاء ووزراء متهمين بتهم تخجل لها الانفس والابدان وضياع مقدرات البلد على مدار ثلاثون سنه ماضية ام الاخوان لو احد منهم طفا على السطح يغرقوه ولا تقوم له قومه
5 - دعونا نلقى نظرة عامه على التغيرات الحاليه الدكتور البرادعى اهو مش اخوانى لكن حب يعمل حاجه حب يغير مقولته ان لم تشارك اليوم فلا تشتكى غدا واحنا والحمد لله كل يوم صباحا ومساءا فى العمل فى المنزل بنشتكى سواء من التعليم من التزوير من ضياع ثروات البلد من الغلاء من الامراض التى انتشرت فى السنوات الماضية باكثر من مثيلتها كبد سرطان فشل كلوى وكله بسبب المبيدات المسرطنه والمستوردون اصحاب الضمائر الميته ولو دورت على اصلهم هتجدهم اصحاب الحكم الذين مفروض يخافون علينا ورغم ذلك لا نشارك ولو بالكلمه ونقول موافقين على التغير مش للاخوان للدكتور البرادعى الذى اطلق حملة التغير
6 - كلكم بسم الله مشاء الله مثقفون ادخلوا النت شوفوا صفحه دكتور البرادعى والمؤدين له اليكترونيا كام فرد ستجدهم لا يتعدو 160 الف وانظر لصفحه الاخوان والمؤيدين لحملة التغير لدكتور البرادعى ستجدهم قاربوا على مليون الا ربع وده اكبر دليل على ان المسلسل موجهه ضد الاخوان

واخيرا
انا مش اخوانى ولكنى مسلم اولا مصرى ثانيا عربى ثالثا محتاج اعيش فى بلدى مخفش من الامراض تنهش جسدى سواء انا او اولادى وملكيش اعالجهم
محتاج اعمل فى عمل وقبل ان ابدا اكتب استقالتى حتى عندما صاحب العمل يريد ان يخفض العمالة يخفض بكل سهولة يعنى اكتب عقد العمل والاستقاله فى نفس اليوم
مش عايز اشوف طابور الخريجين عاطل بلا عمل بسبب سياسه عرجاء تحكمنا وجاثمه فوق صدورنا
محتاج اعيش فى مكان نظيف مش مكان الزباله تحوطه من كل مكان ورغم كثرتها لكنى للاسف بدفع ثمن ازالتها شهريا مع فاتورة الانارة شكوتنا اصبحت للداخل وليست للخارج هكذا اصبحنا وتقوللى اخوان
بلد يصارع شبابها للخروج منها ويتعرضون للموت فى عرض البحر من اجل ربع فرصه عمل ولو فى مكان اخر
واخيرا
فى مثل عندنا بيقول الرجل المناسب فى المكان المناسب فليسأل كل منكم هل المثل ده مطبق فى بلدنا ولا لا
لو نعم مكنش ده حالنا واللى وصلنا اليه مش بسبب الاخوان ولكن بسبب العباقرة التى تحكمنا
فاروق الباز - احمد زويل - مجدى يعقوب وغيرهم كثيرون لو وجدوا انفسم فى بلدنا واعطوهم فرصتهم للتغير كانت مصر حاجه تانية وكان فعلا كنا نقول الرجل المناسب فى المكان المناسب فى بلدنا

مسلسل حياتنا وواقعنا الذى نعيشة ونحن ابطال مسلسه اكثر واقعيه من مسلسل الجماعه الذين تتحاورن عليه كلنا نصرخ صرخه مكتومه مملؤه بالالم والحزن والهم نعيشه يوميا بلا فاعلية نترقب المجهول لبلدنا ونحن واقفون صامتون مقيدين فى سواقى مغمضى الاعين حتى لا نحس كثرة الدوار فنقع