الموضوع: سؤال عن زيت الموتور

المشاركة الأصلية كتبت بواسطة best2010

غريبة انا قريت على المنتدى هنا ان زيت الموتور له فترة صلاحية .. بس مادام التوكيل قال كده يبقى ماشى كلامه

انا بردو قريت نفس الكلام ...بس انا اما اتصلت بالتوكيل الموظف اللى رد عليا قالى لا

اعتقد كانت الاخت hoppy
قالت انا فتره الصلاحيه 10000 كليو او 12 شهر ايهما اقرب....ياريت هى بردو تحاول تتاكد من المعلومه

المشاركة الأصلية كتبت بواسطة abo_farah

انا بردو قريت نفس الكلام ...بس انا اما اتصلت بالتوكيل الموظف اللى رد عليا قالى لا

اعتقد كانت الاخت hoppy
قالت انا فتره الصلاحيه 10000 كليو او 12 شهر ايهما اقرب....ياريت هى بردو تحاول تتاكد من المعلومه

ايوه فعلا ياجماعة الكلام كلام مهندس حسام نفسه ان زيت ال5000 يقعد 5000 او 6 شهور .. وزيت ال10000 يقعد 10000 او 12 شهر

وانا كان لازم اسأل السؤال ده لانى بمشى قليل بالعربية فكان ضرورى اعرف المعلومة دى

مع احترامى لكلام موظف خدمة العملاء انا اشك فى كلامه بصراحة وهم اصلا اغلب كلامهم من خبرات الناس يعنى بيبقى مش صح

والموضوع سهل عموما اى حد فى بنزينة حيقول نفس اللى بقوله ده ... اعتقد الكلام مش غريب

ولو حد تانى عنده معلومة اكيد ياريت يدلنا .... شكرا

المشاركة الأصلية كتبت بواسطة moh_ibrahim

انا شاكر جدا لكل الناس المحترمه اللى ردت
بس اللى انا اعرفه ان الزيت 10000 كم اخره 6 شهور و الله اعلم

ده كده يبقى حرام حضرتك ازاى زيت 10000 يقعد بس 6 شهور ممكن 10 لكن 6 ده قليل قوى

المشاركة الأصلية كتبت بواسطة amrelzawawy

يا جماعه حاجه من الاتنين يا فى ناس بتفتى يا التوكيل بيقول لكل واحد غير التانى وعلى ما اظن الاولى اصح رجعت من التوكيل وكل المهندسين قالوا كلمه واحده بعد عشره الاف ومش هيخسروا حاجه لو صممت اغير الزيت قبل كده لانه على حسابى فاكدلى متقلقشى والزيت ليه صلاحيه سنه واحده فقط لا 6 شهور ولا غيره تقدر تحسبها لو خايف من تاريخ الافراج الجمركى اللى رخصت بيه وده اللى حط فيه التوكيل الزيت بمعرفته.......خلص الكلام

ده هو نفسه اللى بقوله مع ملاحظة ان الزيت هو 9000 كوارترز ... يعنى السنة دى بالنسبة لزيت 10000 مش حاجة تانية

انا كده مش فاهم حاجه على الاطلاق....انا و اتصلت بالتوكيل وقالى الكلام ده.....مش عارف اعمل ايه

مين هو الصح؟؟؟؟؟؟؟؟؟؟؟

المشاركة الأصلية كتبت بواسطة moh_ibrahim

انهارده قلت لما اشوف لما اكشف على الزيت بنفس و لقيت الملاحظات التاليه

1. الزيت فقد لزوجته خالص عشان كده انا نويت اغيره على الرغم من انى عامل 3200 كم ؛ بس انا شارى العربيه اول شهر 6 و هيه متصنعه شهر 3 ( يعنى تقريبا 6 شهور يبقى انا شايف اغير الزيت )

2. و انا بشوف منسوب الزيت لقيت ان الزيت معدى علامة max الى موجوده على الدراع اللى بيقيس منسوب الزيت
( مكتوب فى الكتالوج ان لو الزيت اعلى من علامة max يبقى فيه مشكله و يجب اذهب للتوكيل)

كنت عايز رايكم فى الكلام ده و ايه الصح اللى يتعمل

1. حضرتك بتحدد لزوجتة إزاى ده زيت تخليقى وشبة مستحيل يتحدد بالإيد لأنه غير الزيوت التانية

2. لو قيست والعربية سخنة يبقى طبيعى انك تلاقيه فوق الماكسيميم قيس الصبح قبل متدور واول مره امسح المقاس و قيس تانى وطمنا ومتقلقش من موضوع الزيت لسه بدرى