انا كرهت الجولف وندمت اني جبتها

**cOrn** · 05-09-2010 01:33 PM

كان عندى مشكلتك بس مش بالظبط اوى الموضوع كان اقل شوية من كدة , و الموضوع كان فى الافوميتر و الحمدلله العربية اتظبطت اكشف على الافوميتر اللى هو جابهولك و المفروض الافوميتر اللى يجيلك ميكونش مفتوح لأنه لو مفتوح يبقى مالوش اى لازمة زى الموبايل كدة لو مفتوح مبيتباعش , موضوع ان الار بى ام يطلع وينزل دة من الايدل و الافوميتر هو اللى بيبظبط الايدل و لو الافوميتر فى مشكلة هتحس انك مش راكب جولف خالــص , انا معرفش حد بتاع جولف بس اكيد حد هنا هيفيدك لأنهم كتير اوى فى الحرفيين و نصيحة , اوعى تسيب عربيتك لحد حتى لو كان ميـــن لأن محدش هيخاف على عربيتك و فلوسك زى مانت بتخاف عليها و ربنا يكفيك شرها و شر مصاريفها

**skeedu** · 05-09-2010 01:38 PM

المشاركة الأصلية كتبت بواسطة adham

انا فاهم انة لسة مغير رشاشات من بوست حضرتك

بس هل تثق انة مركب رشاشات فعلا و جديدة

كلام الاخ اللي بيشكك في ذمة الميكانيكي يخلينا نشك انة يكون حاطط فيها رشاشات قديمة و بتسيل, ان بعض الظن أثم

بس حضرتك غلطان

انا عمري ما اسيب العربية عند ميكانيكي و هو كمان اللي يشتري حاجتها, لأنة لازم يعمل مصالح, انا باشتري الحاجة و اقف اشوفها و هي بتتركب والافضل كمان لو تاخد القديمة و ترميها بمعرفتك علشان مايلبسش فيها حد تاني

بس لو مافيش هباب اسود في الشكمان يبقى فية تسريب بنزين من التنك او الوصلات

يا شباب الراجل اداني كل حته فكها وغيرها

الاير فلوميتر (الافوميتر) القديم - والايدل - والرشاشات - وتيل الفرامل

وكان قالي انه غيرت الرشاشات علشان كانت بتسرب بنزين

طيب محدش يعرف ميكانيكي محترم وشاطر؟؟

**skeedu** · 05-09-2010 01:39 PM

المشاركة الأصلية كتبت بواسطة matrixco

كان عندى مشكلتك بس مش بالظبط اوى الموضوع كان اقل شوية من كدة , و الموضوع كان فى الافوميتر و الحمدلله العربية اتظبطت اكشف على الافوميتر اللى هو جابهولك و المفروض الافوميتر اللى يجيلك ميكونش مفتوح لأنه لو مفتوح يبقى مالوش اى لازمة زى الموبايل كدة لو مفتوح مبيتباعش , موضوع ان الار بى ام يطلع وينزل دة من الايدل و الافوميتر هو اللى بيبظبط الايدل و لو الافوميتر فى مشكلة هتحس انك مش راكب جولف خالــص , انا معرفش حد بتاع جولف بس اكيد حد هنا هيفيدك لأنهم كتير اوى فى الحرفيين و نصيحة , اوعى تسيب عربيتك لحد حتى لو كان ميـــن لأن محدش هيخاف على عربيتك و فلوسك زى مانت بتخاف عليها و ربنا يكفيك شرها و شر مصاريفها

أيوة يا باشا هو ركب إير فلوميتر جديد (استيراد) ومقفول بإحكام

والقديم إداهولي حتى انا كنت معلك القديم بعلامة علشان اعرف غيره ولا لاء لقيته فعلا غيرة

**M.Mostafa80** · 05-09-2010 07:52 PM

عليك وعلى سيد عبده فى جسر السويس
او رشاد فى الحرفيين بيبداء شغل الساعه 12 باليل بس بيفهم

**tifa43** · 07-09-2010 09:57 AM

لو ممكن تروح الحرفيين فى واحد هناك هيخلصك من القصه ده
انا بتغامل معاه من اكتر من 4 سنيين
ولو نويت انا ممكن اروح معاك اعرفك عليه

**skeedu** · 07-09-2010 11:51 AM

المشاركة الأصلية كتبت بواسطة tifa43

لو ممكن تروح الحرفيين فى واحد هناك هيخلصك من القصه ده
انا بتغامل معاه من اكتر من 4 سنيين
ولو نويت انا ممكن اروح معاك اعرفك عليه

باشا متشكر جدا لاهتمامك وعرضك الجميل ده
انشاء الله استلم العربية واجربها ولو متظبتش انشاء الله هتوكل على الله ثم عليك ونروح للراجل بتاعك

شكرا

م/ مدحت شوقي

**kamalsalem** · 07-09-2010 11:59 AM

انا رأيي انه العربية اللي معاك دي كنز... هي بس عايزة شوية اهتمام وهتلاقيها ماشية معاك حلوة ان شاء الله

أكيد احسن من البولونيز اللي فضلت اهري فيها وتهري فيا لحد ما طلبت العمرة واتكلفت 4000 جنيه قطع غيار بس

**skeedu** · 07-09-2010 12:03 PM

ربنا يكرم انشاء الله

متشكر جدا يا أحسن منتدى في الدنيا، على اهتمامك وردودكم

**tifa43** · 07-09-2010 11:51 PM

المشاركة الأصلية كتبت بواسطة skeedu

باشا متشكر جدا لاهتمامك وعرضك الجميل ده
ان شاء الله استلم العربية واجربها ولو متظبتش ان شاء الله هتوكل على الله ثم عليك ونروح للراجل بتاعك

شكرا

م/ مدحت شوقي

ربنا يقدم اللى فيه الخير وده نصيب بتاع ربنا
قل لان يصيبنا الا ماكتب الله لنا
قول الحمد لله وربنا يعوضك خير

وانا موجود فى اى وقت

م/ محمود الجاكى

**moooooomooo** · 08-09-2010 12:54 AM

بقولك ايه بعها أحسن ومتتعبش نفسك والخسارة القريبة ولا المكسب البعيد انته جايب عربية قديمة و1800 يعنى بتحرق بنزين ومستهلكة أكثر من 24 سنة منتظر منها ايه دى هتقرفك بلاش فكر تبعها أحسن وهات حاجة معقوله ويكون بنزينها قليل علشان متكلفكش كتير ده رأى الشخصى أنا لو مكانك هعمل كده