الموضوع: انا كرهت الجولف وندمت اني جبتها

والله اى عربية مستعمل قديمة بتبقى كدة , صاحبها الاصلى بيبقى واخد على مشاكلها و عارف يتعامل مع عربيته لكن انت لسة جديد على العربية وفاكر ان كل حاجة فيها مظبوطة و دة طبعا من غير الطبيعى انك تلاقى كل حاجة فى العربية مظبوطة و 100 100 , و اقسملك بالله لو ظبطت العربية دى مش هتبقى عايز تغيرها طول عمرك , بس الموديل يحكمك و تجيب الموديل الاحدث انشاء الله

المشاركة الأصلية كتبت بواسطة corn

والله اى عربية مستعمل قديمة بتبقى كدة , صاحبها الاصلى بيبقى واخد على مشاكلها و عارف يتعامل مع عربيته لكن انت لسة جديد على العربية وفاكر ان كل حاجة فيها مظبوطة و دة طبعا من غير الطبيعى انك تلاقى كل حاجة فى العربية مظبوطة و 100 100 , و اقسملك بالله لو ظبطت العربية دى مش هتبقى عايز تغيرها طول عمرك , بس الموديل يحكمك و تجيب الموديل الاحدث ان شاء الله

انشاء الله، ربنا يباركلك كلامك بلسم

ريحت قلبي

معلش انت اصبر عليها شويه و اهم حاجة انك تغير الميكانيكي ده و تروح بءي لواحد تكون سمعته كويسه جدا شوف كده في الحرفيين ممكن يكون في هناك ميكانيكيه كويسين بتوع فولكس

و بعدين محدش ابدا يودي عربيته للميكانيكي و يسيبها تعد عنده بالاربع و الخمس ايام ليه يعني هو بيعمل ايه كل ده هي مش عمرة يعني عشان تعد كل ده عنده و بعدين سواء الميكانيكي ده او غيره انت لازم تقف علي ايده و هو شغال و تشوف بيعمل ايه و بيجيب قطع الغيار منين و تتدخل في كل صغيرة و كبيرة انا عمري ما سبت عربيتي عند الميكانيكي و مشيت ابدا

بص انت متضايقش نفسك وديها بس لواحد كويس و ان شاء الله هتتظبط معاك و اتعب شوية معاها في الاول عشان ترتاح بعد كده.

المشاركة الأصلية كتبت بواسطة seashark

و بعدين محدش ابدا يودي عربيته للميكانيكي و يسيبها تعد عنده بالاربع و الخمس ايام ليه يعني هو بيعمل ايه كل ده هي مش عمرة يعني عشان تعد كل ده عنده و بعدين سواء الميكانيكي ده او غيره انت لازم تقف علي ايده و هو شغال و تشوف بيعمل ايه و بيجيب قطع الغيار منين و تتدخل في كل صغيرة و كبيرة انا عمري ما سبت عربيتي عند الميكانيكي و مشيت ابدا
.

صح الصح

انا مرة زمان كنت سايب عربيتي الهوندا عند ميكانيكي و معرفة من سنين و رحت استلمها لقيتها ماشية 900 كيلو, طبعا شطت فية و مكانش عارف يرد ازاي العربية تمشي 900 كيلو في يومين تلاتة اربعه ازااااي !!! كان مشغلها ميكروباص

متشكر يا شباب على اهتمامكم وآرائكم

على فكرة المشكلة طلعت في الميكانيكي (سيد فكري) حسبي الله ونعم الوكيل فيه

انا رحت الحرفيين لكهربائي اسمه حسين بلية، لقيت المشكلة عندي في الحساس بتاع بوابة البنزين بايظ
راح شايل الفيشة وعمل قفلة بلمبة صغيرة كده، العربية هديت والار بي ام هدي خالص وبقا قبل ال 10 بشرطة وصوتها هدي خالص

اتضحلي ان سيد فكري غيرلي البوابة ببوابة بايظة

هروح اعمل معاه مشكلة واخليه يجبلي بوابة سليمة او يديني 200 جنية حقها

ادعولي ربنا يباركلي فيها لاني خلاص فلست :)