::: ماذا تفعل لو صدمت سياره وصاحبها غير موجود :::

**pro_samir** · 07-09-2010 12:52 AM

المشاركة الأصلية كتبت بواسطة abomar77

بسم الله ماشاء الله ....
جزاكم الله خيرا كل الرجاله بيسيبوا أعتذارات ... ايه الجمال ده
أمال انا عربيتي ببتخبط كتير وهي واقفة وملقيتش ولا اعتذار ولا حتى نمرة تليفون .
أكيد انا لو حصلي كده هسيب نمرة تليفوني

والله انا عايز اقول كده برضو ، عربيتي محكوكه من الأربع زوايا والرفرف الخلفي شمال حكه محترمه ومقشره الأكصدام معاها وعمري ما لاقيت حد سايبلي ورقه

الغريب ان مره وانا في الشغل كنت واقف قدام العماره بتكلم في التليفون وايامها كان معايا لانوس واقفه تحت عماره جنبنا وفي ناس بينزلو عفش بالونش اديت المفتاح لواحد صاحبي قلتله غير مكانها احسن حاجه تقع عليها ، جاب العربيه و اول ما جه قدامي صعقت لاقيت الرفرف الأمامي شمال منظره بالظبط زي ما تمسك علبه الكانز وتطبقها من النص البومبيه بتاع الرفرف مفرود خط مستقيم من أول الرفرف لأخره بالطول ، صاحبي افتكر ان العربيه مخبوطه مني وركب وطلع بالعربيه عادي

خلصت التليفون وروحت اتكلم مع الراجل بتاع الونش لاقيت البهوات اصحاب الحاجه جايين يتكلمو معايا يقولولي اصل العفش وقع عليها !!!! يعني قله أدب مفيش كده وشايفين صاحبي بيمشي بالعربيه ومحدش فيهم فكر يكلمه اصلا !!! مع انهم المفروض ناس محترمين ومعاهم توكيل ملابس كبير مش فقرا يعني ومع ذلك مفيش دم ولا ضمير

**rompo6** · 07-09-2010 03:23 AM

لو عربيه ملاكي هادور علي صاحبها ولو مالقتهوش هاسبله رقمي لكن لو ميكروباص هامشي ويولع في نفسه

**Sharky** · 08-09-2010 10:31 PM

ما شاء الله

85% من اعضاء المنتدى بتحملوا مسئؤلية الخطأ

**MAX_PIN** · 09-09-2010 02:56 AM

الحمدلله الدنيا لسه بخير

**ahmedeg1** · 09-09-2010 03:17 AM

السلام عليكم
انا بقى يا شباب النهارده الظهر بعد لما خلصت الشغل فى ميدان روكسى بمصر الجديده و كان معايا تليفون على الموبيل المهم رحت دخلت العربيه و دورت و سوقت و كنت فرحان بقى بأجازة العيد و لما وصلت الهرم و نزلت من العربيه فوجئت بالرفرف الشمال متقوص لجوا و فى مكان حكه زى ما يكون حد رجع عليا و طبقلى الرفرف الشمال لجوه خالص و عربيتى لسه مكملتش 13000 ك و لا لاقيت اعتذار و لا كارت امت اتعكننت اوى و اتحسبنت و الحمد لله

**Ahmed Nouh** · 09-09-2010 03:25 AM

المشاركة الأصلية كتبت بواسطة sharky

ما شاء الله

85% من اعضاء المنتدى بتحملوا مسئؤلية الخطأ

المشكلة كلها ان الاستفتاء يتضمن اعضاء المنتدى بس

لو كان استفتاء لعينة عشوائية فى الشارع كان الوضع اتقلب

**SeiffoZ** · 09-09-2010 03:32 AM

أنا عربيتى بتتبهدل و هى راكنة! ... و أخر مرة نزلت لقيت الباب مطحون و القائم بتاعه معووج !! .. لدرجة مكنت الزجاج فيه إتسكرت!

و بردوا هحط ورقة فيها رقمى ( مش جايز تطلع واحدة حلوة )

**mr_sameh** · 09-09-2010 03:58 AM

كنت في راس البر وكانت في عربيه اوكتافيا 2010 وكان راكن قدامها عربيه ربع نقل في شارع فاضي وبعدين بتاع الربع نقل كان تقريبا ضعيف في السواقه ورجع علي العربيه لانه كان مزنوق وخرشم الاوكتافيا جامد وطلع بالعربيه ولابص علي الاوكتافيا بالرغم ان كان صوت التكسير جامد
كتبت رقم العربيه الربع نقل ومواصفاتها وسبتها علي القزاز

**mohamed_mohsen** · 09-09-2010 04:10 AM

المشاركة الأصلية كتبت بواسطة SeiffoZ

أنا عربيتى بتتبهدل و هى راكنة! ... و أخر مرة نزلت لقيت الباب مطحون و القائم بتاعه معووج !! .. لدرجة مكنت الزجاج فيه إتسكرت!

و بردوا هحط ورقة فيها رقمى ( مش جايز تطلع واحدة حلوة

)

مع إضافة ملحوظه (لو كنتي مش حلوه,,,ما تتصليش ,,,,, و استعوضي ربنا :)

-

مشاهدة نتائج الإستطلاع: ::: ماذا تفعل لو صدمت سياره وصاحبها غير موجود ؟ :::

الموضوع: ::: ماذا تفعل لو صدمت سياره وصاحبها غير موجود :::

LinkBack

أدوات الموضوع

عرض

-

-

-

-

المواضيع المتشابهه

ماذا تفعل اذا صدمت شخص بسيارتك ؟؟( تجربة واقعيه )

ماذا تفعل لو صدمت سياره وصاحبها غير موجود ؟

ماذا سوف تفعل بعد نعم او لا

ماذا تفعل؟؟؟؟؟؟؟؟؟؟؟؟؟؟؟

ماذا تفعل لو كنت مكاني

الكلمات الدلالية لهذا الموضوع

المفضلات

المفضلات

ضوابط المشاركة