تقرير عن السيارات من وجهة نظري الشخصية (شارك برأيك) وبدون زعل

**amrnagy** · 06-09-2010 02:39 AM

كمال باشا انت معاك كروز اه خلاص بقي بلاش اتكلم في باقي العربيات اللي كنت عايز اتكلم عنهم علشان الكروز كانت منهم
بس للامانة انا مجربتش الكروز لغاية دلوقتي بس اللي سمعته عنها ان عيبها الوحيد توكيلها المقرف

**mhmdalsaadany** · 06-09-2010 02:47 AM

يا باشا احنا مش زعلانين
احنا معاك في اللي بتقوله بس كل ما هونالك ان انت حطيت ايدك علي الجرح مش اكتر فكله طلع اللي جواه
احنا اسعارنا مبالغ فيها جدييييييييييييييييييييييي يي هههههههههههههه
وعلى فكره تقريبا كيلو اللحمه سنه 99 كان ب18 او 20 جنيه حاجه كدا يعني فكل حاجه في ال10 سنين الخرنين بقت 5 اضعاف مش بس العربيات
يارب اكون وضحت كلامي
وتحياتي ليك يا كبير

**amrnagy** · 06-09-2010 02:57 AM

كلامك صح يا باشا بس انا فعلا مقصدش اضايق حد انا بس الفكرة بعرض سعر العربية والاوبشن اللي فيها لكن مش بتكلم عن عيوب لان مفيش عربية في الدنيا مفيهاش عيوب يا راجل ده برنامج توب جير مش سايب عربية في حالها حتي الفيراري والبورش والبوجاتي
سؤال بقي علشان واحد صاحبي حيحجز الكروز ايه اخبارها في الثبات والجري واستهلاك البنزين والتوكيل اخباره ايه وقطع الغيار موجودة ولا لا
هوه كان بيفاضل بينها وبين السيراتو بس انا قلت له ميزة الكروز ان شكلها افخم كتير ومش شعبية زي السيراتو

**amrnagy** · 06-09-2010 03:01 AM

وبالنسبة للفيرنا واللانوس انا مش بهاجم عيوب فيها علشان اكيد حلاقي مليون واحد حيهب فيا
انا بتكلم ان حرام 64 الف في عربية من غير اوبشن مش بتكلم علي عيوب
الموضوع انا مش عاملة عن العيوب عن الاسعار المبالغ فيها
ويمكن اللي مميز الفيرنا واللانوس ان قطع غيارهم ببلاش تقريبا واي صنايعي ممكن يشتغل فيهم علشان كدة انتشارهم رهيب

**mhmdalsaadany** · 06-09-2010 03:05 AM

بص يا باشا بالنسبه للثبات فدا اكتر حاجه محبباني في العربيه ياراجل انا والله 180 ومش حاسس اني علي 100 حتى والله ولكن البنزين زي اي 1600 2كامه بالتكييف 180كم بالعافيه في الصفيحه ودا عيب فيها علي فكره العربيه تقيله واتوماتيك وقطع الغيار انا بصراحه عمري ما سأت عليها مش هقدر افيدك بس الكوري كله عامه ميتخفش منه في قطع الغيار لانها هتكون منتشره جدا

**Ahmed Samy** · 06-09-2010 03:07 AM

معظم تعليقك على السعر قبل كل عربية

يبقى انت كلامك صح

ما فيش عربية فيكي يابلد تستاهل فلوسها ....

**hazemhassan** · 06-09-2010 03:16 AM

المشاركة الأصلية كتبت بواسطة amrnagy

وبالنسبة للفيرنا واللانوس انا مش بهاجم عيوب فيها علشان اكيد حلاقي مليون واحد حيهب فيا
انا بتكلم ان حرام 64 الف في عربية من غير اوبشن مش بتكلم علي عيوب
الموضوع انا مش عاملة عن العيوب عن الاسعار المبالغ فيها
ويمكن اللي مميز الفيرنا واللانوس ان قطع غيارهم ببلاش تقريبا واي صنايعي ممكن يشتغل فيهم علشان كدة انتشارهم رهيب

طيب انتا قولنا نركب اى ؟
لو قليت عن 60 انتا قولت علب سردين اشحال احنا 4 افراد0

وثانيا كل واحد وامكانياتة فى ناس بتكون امنت مستقبلها وبعد كدة بتفكر تركب عربية نضيفة
مش واحد بيبدا مستقبلة هيجب عربية ب120 الف
وبالنسبة للاسعار بلدك حرمية هنعمل اى ؟

**amrnagy** · 06-09-2010 03:17 AM

شكرا يا باشا علي ردك وانا فعلا قلت له كروز ثم كروز ثم كروز بس .... لانه كان بيفاضل بينها وبين السيراتو
لكن فيه حاجة هوه عايز يجيب الكروز الكاملة بس مش الجلد اللي هيه تقريبا ب 140 الف تقريبا انا حاولت اقنعه بالمازدا 3 مرضيش ؟؟؟؟ بيقولك قطع الغيار مصيبة سودا ممكن تبيع هدومك علشان تشتري قطع غيار(عنده حق فعلا) بس عربية رهيبة بجد

يعني بمعني اخر الاسعار هنا في مصر فعلا محطوطة اعتباطا مفيش حد بيسعر عربية غير بالمزاج تقريبا
كروز كوري 155 الف تويوتا ياباني 160 الف ماذدا 3 ياباني 150 الف ؟؟؟؟؟
يعني البديهي الكروز طالما بتوصل ل 155 الف يبقي متخليش فئة تانية وماركة تانية المفروض اعلي منها بنفس السعر
يا ترخص الكروز يا تغلي الماذدا والتويوتا

**amrnagy** · 06-09-2010 03:19 AM

المشاركة الأصلية كتبت بواسطة ahmed samy

معظم تعليقك على السعر قبل كل عربية

يبقى انت كلامك صح

ما فيش عربية فيكي يابلد تستاهل فلوسها ....

احمدك يارب حد نصفني اخيرا

**amrnagy** · 06-09-2010 03:23 AM

المشاركة الأصلية كتبت بواسطة hazemhassan

طيب انتا قولنا نركب اى ؟
لو قليت عن 60 انتا قولت علب سردين اشحال احنا 4 افراد0

وثانيا كل واحد وامكانياتة فى ناس بتكون امنت مستقبلها وبعد كدة بتفكر تركب عربية نضيفة
مش واحد بيبدا مستقبلة هيجب عربية ب120 الف
وبالنسبة للاسعار بلدك حرمية هنعمل اى ؟

ياريت يا باشا كنت جبت انا عربية بدل الصيني اللي راكبها رغم اني مش بشتكي منها لاني بستخدمها قليل
وفعلا بلدنا كدة حنعمل ايه مش حنقدر نغير شئ
وبعدين هوه فيه عربية ب 120 الف حلوة ياريت ههههههههههه بهزر طبعا