تقرير عن السيارات من وجهة نظري الشخصية (شارك برأيك) وبدون زعل

**x512** · 07-09-2010 04:23 AM

للأمانة يا باشا بتفرق شوية يعني انا سمعت ان ال إس كلاس المستوردة ب 2 مليون لكن التجميع المصري اسمع انها بمليون و400 الف
بس معلش يعني اللي معاه ملايين ويجيب العربية ديه تقفيل مصر يبقي رمي فلوسه في الارض لان التقفيل المصري زي الزفت
يا راجل ده انا معايا اسبيرانزا صيني تقفيل مصري وصاحبي معاه واحدة بس تقفيل صيني والله العظيم التقفيل المصري ده فعلا سئ جدا

هو فعلا موضوع المرسيدس اس دا صحيح...كانت بتيجي من المانيا ب 2.5 مليون و دليوقتي بتتقفل في مصر و بتتباع ب 1.25 مليون...بس لسه فيه الc و ال ُe كل دول اسعارهم غاليه برغم انهم بيتقفلو في مصر

**x512** · 07-09-2010 04:26 AM

ا راجل ده انا معايا اسبيرانزا صيني تقفيل مصري وصاحبي معاه واحدة بس تقفيل صيني والله العظيم التقفيل المصري ده فعلا سئ جد

دا بيبقي راجع لجوده خط الانتاج و العمال...يعني علي سبيل المثال في تركيب الكراسي او الطابلو في خط التجميع..المفروض في مكنه او اداه لحمل الكرسي او الطابلو و وضعه في مكانه...هنا لأ العمال بيشيلو الكرسي و حط يا عم و دق المسامير..الحاجات البسيطه دي هي اللي بتعمل فروق التقفيل

**x512** · 07-09-2010 04:32 AM

مين قال ان الخليج مفهوش العربيات دي انا شغال في الكويت وفيه الالتو والبيكانتو والسبارك وi10
اه طبعا مش نفس انتشار الباجيرو ولا الكامري ولا الكابرس ولا الاند كروزر
بس موجودة يعني مثلا الالتو والi10 وكمان الديهاتسوا السيريون شغالة في المطعم يعني لتوصيل الطلبات وعلي فكرة ده مش تقليل من شأنها بالعكس ده معنه لامؤاخذة واسف في اللفظ ان العربية دية(حمارة شغل)وطبعا في طرق مصر المحروسة تشتغل الله ينور

ماشي موجوده بس زي ما حضرتك قلت...توصيل الطلبات...يعني تشيل احمال خفيفه و تمشي جوا البلد...هي لو شالت 4 افراد مثلا وسافرت بيهم 300 كيلو مش هتقول لأ بس مع كتر الاستخدام دا هيأثر علي كفاءه الموتور و العربيه ككل...يعني زي الفزبه هنا في مصر..مينفعش اجيب فزبه اركب عليها 3 و اطلع بيها من القاهره ل اسكندريه هبقي بطحنها و بفتري عليها ...في السعوديه برضو مينفعش حد يجيب عربيه من الفئه دي و يسافر بيها مسافه 700 600 كيلو مثلا...مع كامل احترامي لرأي حضرتك و لملاك هذه السياراات جميعا...

**x512** · 07-09-2010 04:37 AM

وزي الاساتذة الافاضل ماقلو انا عايز ايه من العربية وكله علي اد فلوسه

ما هي قد فلوسه دي اللي بنتكلم فيها

..ازاي يبقي معايا 15 الف مثلا و مركبش عربيه زيرو زي شيفورليه سبارك او السليريو

... ازاي عربيه 3 سلندر و حجمها صغير تتباع باكثر من 50 الف

..كتيييييير قوي

**amrnagy** · 07-09-2010 03:59 PM

المشاركة الأصلية كتبت بواسطة x512

ما هي قد فلوسه دي اللي بنتكلم فيها

..ازاي يبقي معايا 15 الف مثلا و مركبش عربيه زيرو زي شيفورليه سبارك او السليريو

... ازاي عربيه 3 سلندر و حجمها صغير تتباع باكثر من 50 الف

..كتيييييير قوي

ههههههههههههههههه علي فكرة شكلي انا وانت حنضرب بعد رمضان هههههههههههههههه

بس برضة عندنا حق مفيش عربية سعرها هنا صح كله نصب وسرقة

**kono** · 07-09-2010 05:31 PM

طب هو حضرتك عاجبك ايه بالظبط ؟؟؟

**amrnagy** · 08-09-2010 10:53 AM

المشاركة الأصلية كتبت بواسطة kono

طب هو حضرتك عاجبك ايه بالظبط ؟؟؟

والله انا معايا جراند بونتو 2010 وعاجباني ولو قريت الموضوع كويس حتلاقي اني معترض علي الاسعار
يعني الجراند بونتو ديه في نظري اخرها 85 الف مش 105 الف
السيراتو مثلا اخرها المفروض يبقي 105 الف

**el_hagrasy** · 08-09-2010 11:32 AM

المشاركة الأصلية كتبت بواسطة amrnagy

ولو علي التوقيع يا جماعة اغيره
انا كنت حاطط صورة كاسيت بس زهقت منه

بتحط الصور ازاى فى التوقيع لانى مشعارف انزل اى صورة

**amrnagy** · 08-09-2010 11:48 AM

المشاركة الأصلية كتبت بواسطة el_hagrasy

بتحط الصور ازاى فى التوقيع لانى مشعارف انزل اى صورة

بص يا باشا خش علي لوحة التحكم بعد كدة ادخل علي تعديل التوقيع حتلاقي في اخر الصفحة بيقولك ارفع صورة سواء من النت او من علي جهازك اختار اللي انت عايزه بعد كدة قوله حفظ التوقيع .. بس كدة

**el_hagrasy** · 08-09-2010 11:55 AM

المشاركة الأصلية كتبت بواسطة amrnagy

بص يا باشا خش علي لوحة التحكم بعد كدة ادخل علي تعديل التوقيع حتلاقي في اخر الصفحة بيقولك ارفع صورة سواء من النت او من علي جهازك اختار اللي انت عايزه بعد كدة قوله حفظ التوقيع .. بس كدة :s_thum1[1]:

عملت زى منت بتقول بص الصورة مبتنزلش