تقرير عن السيارات من وجهة نظري الشخصية (شارك برأيك) وبدون زعل

**Car's Sniper** · 06-09-2010 04:23 AM

كله بتمنه

**ahmedsamir5edr** · 06-09-2010 04:56 AM

كل عربيه علي قد سعرها .. بتااخد اللي انتا عاوزه

**د.محمود صلاح** · 06-09-2010 06:31 AM

للأسف مافيش عربية خالية من العيوب سواء غالية أو رخيصة .

**x512** · 06-09-2010 06:56 AM

و الصراحه بحييك علي شجاعتك انك عملت الموضوع دا...انا فكرت اني اعمل حاجه زي كدا بس قولت هاخد بالشلاليط

**meemo** · 06-09-2010 09:14 AM

المشاركة الأصلية كتبت بواسطة x512

عداك العيب و قزح والله....مفيش عربيه في مصر تستحق تمنها...خصوصا الفئات اللي اتكلمت عنها ....يعني لو مفيش جمارك و نهب و جشع التوكيلات و التجار....الماروتي دي اتمنها ب 7 الاف و البيكانتو و السبارك ب 12 الف...و الفيرنا ب 20....هتقولو اني ببالغ...بس شوفو دول الخليج و السعوديه...العربيات دي لو نزلت هناك و ادو الناس فلوس عشان يشتروها مش هيرضو.....حاجه تانيه برضو بالنسبه للعربيات اللي زي مرسيدس و بي ام...ازاي سعرها منزلش برغم انها بتتجمع في مصر يعني مفيش جمارك + فرق جوده التقفيل ... انا شايف انو في مجال السيارات السرقه و الاستغلال عيني عينك و الناس ما بيدها حيله

مين قال ان الخليج مفهوش العربيات دي انا شغال في الكويت وفيه الالتو والبيكانتو والسبارك وi10
اه طبعا مش نفس انتشار الباجيرو ولا الكامري ولا الكابرس ولا الاند كروزر
بس موجودة يعني مثلا الالتو والi10 وكمان الديهاتسوا السيريون شغالة في المطعم يعني لتوصيل الطلبات وعلي فكرة ده مش تقليل من شأنها بالعكس ده معنه لامؤاخذة واسف في اللفظ ان العربية دية(حمارة شغل)وطبعا في طرق مصر المحروسة تشتغل الله ينور
اما بالنسبة للاسعار يعني انا مثلا كنت عايز اشتري افيو زيرو فول اوبشن السنة اللي فاتت 1400 سي سي كان تمنها 3100 دينار واضرب في عشرين او اقل شوية يعني حوالي 60 الف
وانا معاي هنا في مصر ماروتي اه تمنها 36 الف اه كتير بس لما ادفع كل سنة 3000 جنيه اشتراك باص المدرسة للاولاد يبقي عقبال ميخلص الابتدائية هكون جبت اكتر من نص حق العربية يبقي اجيب الماروتي توصله للمدرسة والجشع مش التجار وتوكيلات العربيات بس ادفع كل ده اشتراك في مسافة مش عارف اقول ايه؟؟؟؟
وزي الاساتذة الافاضل ماقلو انا عايز ايه من العربية وكله علي اد فلوسه

**تامر.محمد** · 06-09-2010 11:51 AM

صدقت يا رجل

**amrnagy** · 06-09-2010 01:35 PM

المشاركة الأصلية كتبت بواسطة د.محمود صلاح

للأسف مافيش عربية خالية من العيوب سواء غالية أو رخيصة .

بالظبط كدة يا دكتور ده برنامج توب جير بيجيب كل حاجة عن العربية من مميزات وعيوب وبصراحة ناس محترمة جدا يعني مهما كان نوع العربية بيجيب عيوبها بكل صراحة أينعم ساعات بيجيب عيوب بسطة لا تذكر لكن هما عندهم امانة مش هنا في مصر
العربيات كلها حلوة ومفيهاش عيوب
اقربها موضوع تويوتا وسحب عربياتها من كل الدول لما مصر الوحيدة اللي مطلعش فيها ولا عربية بايظة ؟؟؟

**amrnagy** · 06-09-2010 01:42 PM

المشاركة الأصلية كتبت بواسطة x512

.....حاجه تانيه برضو بالنسبه للعربيات اللي زي مرسيدس و بي ام...ازاي سعرها منزلش برغم انها بتتجمع في مصر يعني مفيش جمارك + فرق جوده التقفيل ... انا شايف انو في مجال السيارات السرقه و الاستغلال عيني عينك و الناس ما بيدها حيله

للأمانة يا باشا بتفرق شوية يعني انا سمعت ان ال إس كلاس المستوردة ب 2 مليون لكن التجميع المصري اسمع انها بمليون و400 الف
بس معلش يعني اللي معاه ملايين ويجيب العربية ديه تقفيل مصر يبقي رمي فلوسه في الارض لان التقفيل المصري زي الزفت
يا راجل ده انا معايا اسبيرانزا صيني تقفيل مصري وصاحبي معاه واحدة بس تقفيل صيني والله العظيم التقفيل المصري ده فعلا سئ جدا