انا مش عارف كل لما اجي اقرر اجيب عربيه تقفلوني منها

**osamy** · 12-09-2010 03:39 AM

المشاركة الأصلية كتبت بواسطة EgyptianTune

راجع الموضوعات ديه وسيبك من الفتايين اللى إحنا مش معاهم

http://www.nilemotors.net/Nile/92114-a.html (يا جماعة انا جبت البرافو الأوتوماتيك للمهتمين فقط)

http://www.nilemotors.net/Nile/126157-120.html (كيفية إستخدام فتيس البرافو 120 حصان دوال لوجيك)

http://www.nilemotors.net/Nile/12025...0hp-t-jet.html (حصريا: تقرير شامل عن Fiat Bravo 1.4L, 150HP, T-Jet)

وأى إستفسار بخصوصها أنا تحت أمرك

تمااااااااااااااااام

**osamy** · 12-09-2010 03:39 AM

المشاركة الأصلية كتبت بواسطة noctis

أنا رأيي مدام الشباب هنا قفلوك من كل العربيات هات موتسيكل ومتقولش لحد هنا انك جبته

**osamy** · 12-09-2010 03:40 AM

ايه دا انتوا قلبتوا الموضوع كهربا :(

براحتكوا بهزر :)

**Sh3rif** · 12-09-2010 04:32 AM

أنا رأيى انك تأجر العربية دى 12 ساعة و تشوف وضعها
او لو العربية مع حد قوله انا عاوز اشترى كذا كذا و عاوز اجر عربيتك اجربها و انت معايا او روح التوكيل قولهم انا عاوز اعمل drive test زى اى حته فى الدنيا جايز ينفع

**osamy** · 12-09-2010 06:28 AM

المشاركة الأصلية كتبت بواسطة sh3rif

أنا رأيى انك تأجر العربية دى 12 ساعة و تشوف وضعها
او لو العربية مع حد قوله انا عاوز اشترى كذا كذا و عاوز اجر عربيتك اجربها و انت معايا او روح التوكيل قولهم انا عاوز اعمل drive test زى اى حته فى الدنيا جايز ينفع

هوه في معرض تأجير عندو برافو؟

واعتقد فيات مابتعملش دريف تيست

**amrseba** · 12-09-2010 07:12 AM

ياعم سوق الجراند بونتو بماتور 77 حصان اهه هوا هوا و شوف العربيه بس لما ركبتها عجبتنى جدا وواسعه من ورا و كنت قاعد ورا و التكييف مسقع فى فتره مش كبيرهو عجبتنى وفعلا لو معايا فلوسها هشتريها ولو زودت شويه هشترى البولو خطيره شوفتها و عدت من قدامى و هيا جايه كنت فاكرها جولف بس عرفت انها بولو من الفوانيس الى ورا

نصيحه ليك شوف البولو او السيات ابيزا 1600 هيعجبوك و عادى بس ياريت ياريت ياريت متحكمش على عربيه من السمع

وياريت تكلم فى الفئه ديه بلاش البرافو عشان لسه فيه تأمين و بتاع فخليك متزنقش نفسك و شوف اللينيا خلاص فاضل 3 شهور

**mohamedmmm2** · 12-09-2010 06:15 PM

انا معايا بولو 2009 الموتور الجديد اللى هو 1400 85 حصان اللى نازل فى الموديل الجديد.. كان قبلها معايا سيينا 1400 71 حصان موديل 2001 ... نفس السحب مع الاحتفاظ بمتعه القيادة مع فيات.. صوت الموتور والحرق والكلام الجميل دة...
سيبك من اللى بيتكلم وتوكل على الله... فيات لا غبار عليها ومتعه جميله وانت سايق وشياكه وراحه...
واهم من دة كله العشرة... العربيه دى لو ربنا كرمك وعاوز تغيرها باعلى مش هاتقدر تفرط فيها... كانك بتبيع حد من عيالك

**moh.aboelkheir** · 12-09-2010 06:38 PM

حضرتك انا لسة مجرب الجراند بونتو 77 حصان انهاردة .... بجد ماشاء الله مريحة جدا في السواقة و مش بطة خالص مدام حضرتك مش بتاع شد ... و لو اتزنقط في مرة سقط نقلة و احرق ل 65 rpm هتأدي معاك ... و بجد الفرامل بتاعتها بالمس ماشاء الله .. انا بسوق ماتركس و بجد انا بهرس فراملها علشات تقف لكن الجراند ما شاء الله بمجرد اللمس !