موضوع العيد للمناقشة: 2000 سي سي افضل في استهلاك البنزين من 1600!

**hani945** · 13-09-2010 09:10 AM

شوفوا الفيديو دا كده بيثبت فيه إن BMW M3 اقتصادية
فى استهلاك البنزين أكتر من تويوتا Prius مع العلم بإن الـBMW M3
السعة اللترية بتاعتها حوالى 4000 سى سى

والتويوتا Prius هجين تعمل بمحرك كهربائى وآخر بالبنزين

[youtube]http://www.youtube.com/watch?v=dKTOyiKLARk[/youtube]

يبقى هو كده بيثبت إن اسلوبه فى قيادة السيارة ذات السعة اللترية الكبيرة بيقدر يخليه يوفر فى الاستهلاك احسن من السيارة ذات السعة اللترية الصغيرة

**hani945** · 13-09-2010 09:21 AM

يبقى هو كده بيثبت إن اسلوبه فى قيادة السيارة ذات السعة اللترية الكبيرة بيقدر يخليه يوفر فى استهلاك البنزين أحسن من السيارة ذات السعة اللترية الصغيرة

**SSGG** · 17-09-2010 01:50 AM

أنا لا أتوافق تماما مع حضرتك أنا عايش في الامارات(حيث البنزين اللي مش رخيص ولا حاجة بالعكس ده غالي جدا) وعندي عربيتين واحدة هيونداي توسان 2000 سي سي وواحدة نيسان صني 1600 سي سي طبعا أنا مبقارنش بين العربيتين بس برضه الفرق في استهلاك البنزين فرق شاسع جدا جدا

**Hegazio** · 17-09-2010 07:38 PM

حضرتك عندك حق في أن الاختلاف بين الاتنين كبير جدا
بس ده مش الفرق بين 1600-2000
انت بتتكلم عن عربية زيادة في وزنها بتاع50% و ال drag force بتاعها سيء جدا لأنها تعتبر من عائلة ال4*4نوعا ما

ده انا استهلاك عربيتي التانية تيجو 1600 زيادة عن الميجان 1600
20%لنفس الاسباب
لازم توحد العربية او علي الاقل مواصفاتها

**omaroof** · 22-09-2010 03:18 AM

مع احترامى لكل الاراء ومعظمها صحيح الا انها بتتكلم عن عزم ومواتير واستهلاك بشكل عام وتناسو اللى بيشترى العربيه محتاج ايه
1- انا محتاج عربيه مشاوير جوه البلد وماليش فى الجرى والسحب كدا انا 1300 بالنسبه لى تمام حتى لو بسافر على فترات
2- محتاج عربيه اجرى بيها ومحسش انها بتان مع الشد والجرى وطبعا موتور قوى 1600 هى اكيد اللى محتاجها
محتاج عربيه قويه جدا وسحبها رائع اكيد 1800
عاوز اجمد يبقى 2000 ومافوق
بس كل انواع هذه المواتير لها مزايا وعيوب
نتفق جميعا انها كلما كانت اصغر كلما كانت موفره للبنزين داخل المدينه
لكن فى الطرق الخارجيه استهلاكهم جميعا متساوى مع فروقات بسيطه جدا(مع الوضع فى الاعتبار انه كلما كانت المواتير اكبر كلما كان السفر مريح وسحب العربيه افضل حتى مواصفات الامان بتختلف فى السيارات كلما زادت السعه اللتريه وعزل صوت احسن بكتير فى العربيات الكبيره وطبعا اوبشن فضل بكتير )
ومن هنا نخرج باستنتاج اذا كنت تريد عربيه اختار عربيه حسب استخدامك وحسب ميزانيتك
عربية مدينه من 1000 الى 1600 عربيات موفره واقتصاديه
عربيات سفر من 1800 فمافوق تستحمل السحب والجرى والامان بها عالى ولن تكون مستهلكه للبنزين على الطرق الخارجيه