الموضوع: انا عايزة اتجوز واجيب بيبى واطلق!!!!!!!!!!!!!

المشاركة الأصلية كتبت بواسطة shnory

كده الكلام انتهي مع حضرتك
علشان ردودي مش حتنفع بعد كده

على فكرة أنا مغلطش في حضرتك, ده مثل شعبي معناه ان انا بتكلم في حاجة وحضرتك بترد زي ما تكون مش مقريتش كلامي. مجرد ابداء للدهشة من الردود اللي سايبة جوهر الكلام الي بنقوله و ماسكين في نقطة واحدة مش شايفين غيرها.

و على كل انا باعتذر لحضرتك لو الجملة دي زعلتك لأني فعلا ما أقصدش غير المعنى اللي شرحته.

وانا صغير زماااااان لما كان عندي 7 سنين كده او 10 في الحدود دي اللي كان بيسئلني هتتجوز بنتي ولا الحركات دي كنت اقولهم لالالا ابدا انا مش هتجوز
انا هجيب شقه و غساله و الاكل هجيبه من اي مطعم و انا مجنون اتجوز واحده تاخد كل فلوسي عشان تتطبخ و تغسل " الكلام ده وانا عندي بتاع 10 سنين كده" بس تصدقوا بقي ان الواحد شكله كده كان عندو حق و كان ليه نظره مستقبليه قويه فعلا :)

و تقريبا رائي مش هيتغير بعد اللي قرأته هنا و كل الناس بتثبت اني كنت صح :d

المشاركة الأصلية كتبت بواسطة motorx

جمله غريبة جدااااااااا وما اعتقدش ان عدم القدرة على إقناع الغير يديكي الحق انك تقولي جمله زي دي.

المشاركة الأصلية كتبت بواسطة medo_2060

بصى حضرتك...
مبدئيا عشان الموضوع راح لخد تانى خالص الى حضرتك بتذكريه كل شويه وهو ان الزوج ما بيشكرش زوجته لما تعمله حاجه....
دا مش موضوعنا ومش محتاج نتكلم فيه خالص اى زوج زوجته بتقدره هيشكرها ويقدرها ولو معملش كدا يبقى هو الغلطان... تمام كدا؟ تانى حاجه برضه مش عايزين نتكلم فى حته الموده والرحمه الى كل ردود النساء لان دا اساسى فى الزواج الى ليه مستقبل وللطرفين الى ناويين يستمروا مع بعض.. يعنى النقطتين دول بتلفوا عليهم ودول مش موضوعنا واحنا قولنا متفقين فيهم عشان منتناقش فيهم تانى......
الخلاف فين بقى
- بتقولى شرع ربنا واحنا مش مألفينا طب تمام يبقوا تلتزموا بكل حاجه وكل واحد عارف الى ليه والى عليه.
لما حضرتك تقولى الكلام دا

طب دا كلام ؟ يعنى برضه مش بتغلطى البنت تبقى بتفكر بالاسلوب دا وتقولى مش لاقيه حد يملى عينيها معلش انا اسف يعنى دى عايزه واحد يخزق عينيها مش يملى عينيها


وبرضه هل دا كلام يتقال ؟؟
كلامك دا بيوضح ان الستات ملايكه وقاعديم فى بيوتهم مفيهمش غلطه والرجاله بقى الى مستويات والبنات مستنيه لما يجى واحد كامل زيها...
وانتى شايفه البنات مش شايفين رجاله يعنى؟ ومفيش رجاله فى البلد؟ طيب بلاش ارد على الحته دى احسن.

أنا مقولتش معاها حق خااااااااالص و لا ده ينفع و لا يرضي ربنا طبعا .

و على فكرة احنا بقالنا 20 صفحة بنقول اننا مش بنطلب من الست ما تعملش حاجة في بيتها بس برضه الشرع مش بيلزمها بده. و دكتور محمد جاب من الأخر و نقل لنا رأى الشرع في حقوق الزوجين و مشوفتش واحدة منا قالت على حاجة فيها ده كان زمان و ينفعش يطبق دلوقتي زي ما أنتوا بتقولوا.

و بعدين حضرتك و الأستاذ موتورأكس زعلاين قوي ان أنا بقول البنات اللي مش بتتجوز مش لاقيين رجالة بجد؟؟ طيب و ال20 صفحة هجوم و شتيمة للستات و الزوجات و العرايس و اللي يقول مبقاش فيه تربية و اللي يقول حليهم يعنسوا ........ مالفتوش انتباهكم خالص؟؟

أنا على فكرة ولا قولت البلد مافيهاش رجالة و لا أقدر أقول كدة. طيب ما أنا الحمد لله متجوزة أحسن راجل في الدنيا و أعرف ستات كتير متجوزين رجالة زي الفل.

أنا قلت اللي مش بتتجوز مش بتبقى من قلة العرسان بس بتبقى مش لاقية فيهم راجل بجد لكن مش عشان الرجالة أكتر من الستات. زي بالظبط ما رجالة كتير بيقولوا مبقاش فيه بنات تفتح بيت و الكويسين قليلين.
و الطرفين معاهم حق لأن نسبة الأخلاق الكويسة عند الناس بقت في النازل. مفيش سبب يخلي أي واحد يزعل من الكلام ده.

المشاركة الأصلية كتبت بواسطة hh

نقول تور يقولوا احلبوه!!!!!!!!


من الأخر البنات مش بتتجوز مش عشان مش لاقيين عرسان, انما عشان مش لاقيين رجالة

وحضرتك شايفة إن دي الجملة الوحيدة اللي تستحق الإعتذار ، دا جملتك الأخيرة دي اهانت الرجالة كلهم ، وهارجع اقول لحضرتك تاني مش معني عدم قدرتك على إقناع الآخرين انك تقولي جملة زي دي.