تجربة عملتها بعد نصيحة أحد الأعضاء ،، و أدي النتييييجة

**smsm_nabawy** · 15-09-2010 03:15 PM

المشاركة الأصلية كتبت بواسطة hulk_jotun

انا اخر مرة الميكانيكى قالى اشتريلة منظف كاربيراتير من المحطة و طقم بوجيهات ngk كان السبراى عامل 19 جنية و البوجيهات كانت عاملة 32 جنية بس انا شفتة فك الكاربيراتير خالص و طلعة و فصصة حتة حتة و خلص السبراى كلة علية بقيت بقولة سيبلى حبة و كمان ساعتها غيرت بك السلانسية و كل ده ليه علشان كنت بفحص العربية علشان الرخصة و الدخان الاسود كان ماشاء الله سحاب بيطلع بس بعد ما الميكانيكى خلص قالى روح البنزينة و خلى الراجل يحط مسدس الميه فى الشكمان علشان ينضف او تمشى بالعربية مشوار حلو صح الكلام ده؟

هي العلبة كانت كام مللي حضرتك عشان يخلصها كلها ؟!!!

بالنسبة لحكاية صح ولا ،، طالما في نتائج مثممرة ،، يبقى خلاص ،، معنى كده أنها جابت نتيجة ،،

أما للحكاية دي ،، فأنا لا أحبذها الصراحة ،،

طويلة أوي ،، هو الأسبراي اللي أنا جايبه معمول عشان يترش على الكاربوراتير و هو راكب ، و بعد كده أدورها على السلانسيه ،، و أرش كام رشة و أشد البكرة بتاعت الأكسراتير ،، و خلاص

و أحب أنوه مرة أخرى ،، أنا عربيتي أنجيكشااااان ،، و عملت كده لتنضيف الرشاشات شوية و الرواسب اللي على البوجيهات و كده ..... و أخيراً عرفت فين مكان سنسور الهوا و نظفته بالمرة

**smsm_nabawy** · 15-09-2010 07:48 PM

اااه ،، بررة ،، لالالا ،، السكة بعيدة أوي ،، :))

طيب حمعكل ايه ،، والله العربيات غلباانة معانا ... فلتر و مركبين و تنظيف و بنظف ،، و برده بتتوسخ ،، بس أنا الحمد لله مش بعرف أفكه ،، و هو اصلاً أنجيكشان ،، فمعقد أكتر ،، لأني أنا لو بعرف أفكه والله كنت فكيته ،، انا مس بسيب حاجة في العربية بعرف أفكها ،، الا لما ألعبلي فيها شوية :))

آخر مرة كنت بحاول أفك كارتة الكمبيوتر بتاعت العربية ،، لمجرد أني أشوف شكلها ،، و مداخلها و مخارجها و أتتبع السلوك اللي دخلاها دي جيه منين :)) و الحاج لما شافني و سألني بتعمل أيه و قللتله على نيتي بحسن نية و صفاااااء ،، "طلع يجري ورايا بالكوريك ،، و قاللي مش عشان في كلية هندسة خلاص تبقى مهندس ،، سيبها متلصمة و ممشيانا ،، بدل متبوظلي كارتة ب 5 الاف "