الموضوع: طريقة عمل انذار يقوم بالاتصال بك عند فتح الباب (( حصري لنايل موتورز قسم الدايو ))

المشاركة الأصلية كتبت بواسطة motoxp

بالنسبة لموضوع اللى يتصل غلط ويسمع دقيقة انا بقول ايه فى العربية ( ممكن تكون اسرار عمل مثلا) او حد فى البيت بيسمع انت بتكلم مين او بتشتم واحد سواق ميكروباص رمى عليك مثلا ههههه ودى حاجة وارده اوى

الحل بسيط
نجيب موبايل symbian وليكن 7610 وننزل برنامج black list ونضبطه على وضع رفض الجميع ما عدا رقمى reject all except number xxxxxx
وبكده مفيش حد حيرن عليك ولا هيسمعك ايه رأيكوا بقى

رأي سديد لأن الخطورة هي ان يقوم احد المقربين اليك بأخذ الرقم واعتقد ان فضول الزوجات قد يدفعهن لذلك بل من المؤكد

لذلك لابد من التصرف في هذا الامر يا إما تختار العربيه أو تختار مراتك
وفكرة تغيير الموبايل مطلوبه فعلا و ممكن كمان برنامج تسجيل وميموري كبيره ويتحول الموضوع الي صندوق اسود للسيارة

المشاركة الأصلية كتبت بواسطة magyver

ياسلام ياسلام
الدماغ لما بتفكر بتكون حلوة قوي
طيب ممكن تركبهلنا بقي تبقي خدمتنا

هههههه تحت امرك تعالي دمنهور

المشاركة الأصلية كتبت بواسطة ahmedeg1

'طيب ما نشغل video call ويبقى عندنا صوت و صوره للشخص اللى سرق العربيه و ممكن نشيل الكاميرا الاماميه من الموبايل و نضعها فى وسط التابلوه فى فتحة التكييف و ممكن نعملها على موبايل انى نحط الكاميرا بتاعته فى الزجاج اللى ورا حتى علشان لا قدرالله و اتسرقت ممكن من غير لف ولا دوران نعرف هيا فين و نروح بمفتاحنا العادى و ندور العربيه و نمشى و ممكن نضبط اعدادات الجهاز على استقبال المكالمات الفيديو فقط بالنسبه للموبايل الخلفى و الأمامى ممكن على الاتنين مادام مظبطين الفتح التلقائى للمكالمه
و على فكره انا هجرب موضوع الكاميرا ده

جرب ومنتظر النتيجة

المشاركة الأصلية كتبت بواسطة pro_samir

فكره حلوه وبسيطه الله ينور عليك

خليني اسرح معاك شويه كده ...

ممكن استخدام اسلاك لمبه الصالون بدلا من تركيب مفتاح اضافي في الباب ، وكذلك لضمان التشغيل مع أي باب وليس باب السائق فقط

لكن هيتم تركيب جزء عليه بحيث لما ياخد كهربا من سلك نور الصالون يقوم بتوصيل طرفي سلك الإتصال السريع

وبرضو لو عايز توقف الخدمه في اقتراحين:
- لو خدت وصله من بعد نور الصالون يبقي مع فصل مفتاح نور الصالون الأتصال مش هيتم لأن كده النور مش هيشتغل مع الباب

- أو عمل مفتاح تاني صغير علي سلوك الإتصال يكون تحت الكرسي أو مستخبي في أي مكان وتفتحه بعد ما تركن

بالنسبه لوصله الكهربا يستحسن تكون من البطاريه علي طول لأن سلوك فيشة الولاعه مش هتاخد كهربا الا لو الكونتاك مفتوح وكده ممكن بطاريه الموبايل تفضي مع الوقوف فتره طويل خصوصا ان انها قديمه

وفي فكره برضو لكن هتبقي معتمده علي الإنذار وهي انه تاخد كابل من اللي رايح للسرينه أو النور و أول ما الإنذار يشتغل هيوصل سلوك الإتصال السريع ،، وفيها ميزه وعيب

- الميزه انه هيشتغل مع حساس الإنذار حتي لو الباب متفتحش وحد خبط العربيه مثلا

- العيب لو الحرامي عطل الإنذار يبقي السيستم باظ

أو ممكن تتعمل بالطريقتين مع الأبواب و مع الإنذار والأمر لله



و أهم طريق للحمايه .. بعد ما تركن وتقفل العربيه وتاخد بالأسباب ، قول " اللهم إني أستودعك سيارتي هذه " :)

شكرا علي الموضوع

فكرتك في البند الاول عظيمه لو كان زر الابواب يفصل قطب الكهرباء للمبة الصالون كان الامر سهل جدا لأنك في هذه الحالة ممكن تركب كتاوت صغيره تقوم بتلميس الكهرباء عند فتح الباب مثل كتاوت الكلاكس مثلا او كتاوت النور وتقوم بوضع سلكي الموبايل علي الريشه النحاس في الكتاوت بدون ان تلمس جسم الريشه نفسها يعني بعازل بلاستيك بأي طريقه

والسؤال

هل الارضي يجعل الكتاوت تقوم بعملها مثل الكهرباء ؟؟

يا رب تكون الاجابه نعم كان الوضع يتغير تماما للأسهل

بالنسبه لمفتاح الفصل فقد تنساه
اما الشحن فأنا عامل كده فعلا وواخد الكهرباء من سلك واجهة الكاسيت لأنها من غير كونتاك وليس الكاسيت نفسه

اما الانذار فغير مجدي

اما التوكل علي الله واستوداعه كل شئ فذلك هو أفضل السبل

المشاركة الأصلية كتبت بواسطة abo_hosni

العملية شكلها كده هترسى على موبايل سيمبيان مستعمل فيه كاميرا أمامية و جي بي اس، في اقتراحات تانية؟

منتظرين التنفيذ

المشاركة الأصلية كتبت بواسطة pro_samir

المشكله يكون الإبن معانا في المنتدي

او حتي الحراميه ياخدو خبر بالموضوع ده

تلاقيهم عرفوا من وقتها

ثم كلهم شايفين لمبة الانذار العادي ايه المشكله يعني

المهم الاختلاف في مكان وضع المايك والموبايل وسرية وضعهما

وسأقوم بتفكيك الموبايل ولصقه في اماكن متعدده حتي تتوه معالمه

المشاركة الأصلية كتبت بواسطة timtim

مكلف جدا ! بكام يعني؟ وايه الاماكن اللي مفيهاش الخدمة دي ؟!

موضوع الجي بي اس مش هايكلف اكتر من 500 ج لو موبايل htc مستعمل موديل tytn وفيه موبايلات تانية ارخص .. يعني تقريبا تكلفة انذار عادي
ومش ممكن يكون فيه مكان مفيهوش خدمة تحديد المواقع لان الموضوع مرتبط بالاقمار الصناعية وملوش دعوة خالص بشبكة الاتصال.. يعني في اي حته في العالم..
والموضوع عن تجربة مش محتاج ضبط كتير.. مجرد تحميل برنامج على الموبايل يبعت لك احداثيات المكان الموجود فيه في رسالة..

وعلى فكرة الاخ اللي عرض الانذار اللي ب 3000 ج كان بيتكلم عن انذار بال جي بي اس .. مش انذار بيتصل بالموبايل.. يعني نفس الفكرة اللي بتكلم عليها..

وبرضه ارجع واقول ان الموضوع دا ممكن ياخد وقت ولو الحرامي فصل البطارية يبقى بالكتير 3 او 4 ايام والموبايل يبقى ميت..
وفكرة انك هاتسمع الحرامي مش شايف انها مفيدة اوي .. هو مهما يتكلم هايقول ايه يعني يفيد في تحديد مكانه؟؟ متهيألي انك توصل سماعات الموبايل على سماعات العربية وتعمل له رعب أحسن
مع ملاحظة ان اغلب اللي بيسرقوا عربيات بيفكوها ويرموها مش بيستخدموها ..

عموما هي الفكرة طيبة .. وانا كنت شايف انها هاتبقى مع فكرة الموبايل بالجي بي اس هاتبقى متكاملة اوي ..
بحيث ان يبقى فيه تنبيه بالسرقة وبعد كدا سهولة تحديد مكان السيارة.. والموضوع فعلا غير مكلف ..
لعل احد يطبق الفكرة

الحقيقه ليست عندي معلومات كافيه ومؤكده عن الــ gps

لذلك لن أفتي في الأمر

ومنتظر تنفيذك لفكرتك ونستفاد جميعا