الموضوع: طريقة عمل انذار يقوم بالاتصال بك عند فتح الباب (( حصري لنايل موتورز قسم الدايو ))

المشاركة الأصلية كتبت بواسطة bakkarahmed

فكره كويسه ياريت توضحها اكتر بس انا عايز اعرف relay ده بيتجاب منين وبكام ومواصفاته ايه؟ والفكره دي هاتكون افضل من فكره الباب علشان هاتغطي الاربع ابواب والكبوت والشنطه لانها هاتشتغل مع يونيت الانذار ككل بدل ما نعمل توصيله مستقله لكل باب وكمان واضح في الفيديو اللي في المشاركه السابقه ان استخدام ال relay بيخلي الموبايل في وضع stand by علي طول بعد سبيد دايلينج لانه بيمسح الرقم بتاع السبيد دايل بعد الاتصال
تاني حاجه في حاله التوصيل من نفس الزرار اللي في الباب انا كنت عايز اعرف ازاي ممكن يتوصل علي نفس الزرار اللي في الباب علشان انا فكيت الزرار اللي في الباب عندي لقيت سلك واحد فقط متوصل بكلبس (يعني مش طرفين) معلش علشان علي قدي شويه في المسائل الكهربيه دي
وكمان عايز استفسر علي حاجه تالته متعلقه بالسرينه؟؟ كده لازم نستخدم الريموت صامت علشان لو ادي اي اشاره هايشغل الجهاز علي الفاضي !!!

بالنسبه للريليه سعره لايتعدي 5 جنيه وبيتباع في كل محلات قطع الغيار الالكترونيه واشهرهم النخيلي في باب اللوق في التحرير
مواصفاته 12vdcولما تقول للبياع هايعرفه علي طول يعني هو مش حاجه صعبه منتشر جدااا
http://w3bma5t3r.com/store/images/relay_12.jpg

بالنسبه لزرار الباب مايفضلش انك توصل عليه لاانه بيقطع طرف واحد في السللك مش الطرفين ولو لاحظت هاتلاقي في حلقه معدن ملامسه لمسمار التثبيت بتاع الزرار ودي بتعمل عمل الطرف التاني من السلك وكمان لما توصل عليه هاتبقي واخد الاشاره من باب واحد وعيب التوصيل علي البا ب ان الحراميه معظمهم بيكسروا الازاز يعني النظام ده مش هايشتغل غير علي فتح الباب انما لو اخدت الاشاره من الانذار علي ما اظن هاتبقي افيد ولو عايزها مع الابواب خدها من لمبه الصالون
وعموما انت ممكن تاخد الاشاره من اي مكان مافيش حاجه ماتنفعش بس بتبقي محتاجه شويه توصيلات

بالنسبه لموضوع الريموت انا مش فاهم قصد حضرتك بس لو قصد حضرتك انك لما تشغل الريموت ان الجهاز هايشتغل طبعا وجهه نظر كويسه بس ممكن ناخد خرج من اليونيت بتاعه الكنترول بتاعه الانذار وانا هاحاول انزل دياجرام ليها وابص عليها اكيد فيها منفصل عن بتاع السارينه وحتي لو مفهاش زي ماقولت لحضرتك مافيش حاجه ملهاش حل علي فكره الموضوع ده سهل يعني يتعمل بكل سهوله وكل ما الواحد بيفكر فيه حتي وانا بكتب بتطلع تعديلات للاحسن الواحد عايز يقعد يمخمخ
نكتفي بهذا القدر واتمني اكون وضحت لحضرتك واي استفسار انا تحت امر حضرتك والسلام عليكم

المشاركة الأصلية كتبت بواسطة maadi

الأرضي يجعل الكتاوت يقوم بعمله فالإجابه نعم. فالكتاوت أو الrelay ما هو إلا ملف (سلك كهربي ملفوف) عند مرور كهرباء به يولد مجال مغناطيسي. المجال المغناطيسي يعمل على تحريك ذراع لتلامس ذراع أخرى(contacts)

ففي حالة تشغيل الكتاوت بإشاره أرضي يتم توصيل فرده موجب من البطاريه بطرف المللف و الفرده الأخرى بالسلك إللي لما يبقى أرضي يبقى الكتاوت هيشتغل.
و الأفضل من الكتاوت هو دائره إلكترونيه تقوم بعمل الكتاوت بواسطة الترانزستور (electronic relay) بتعيش مده أطول لأن مفيهاش أجزاء متحركه.
ولو وصلت الكتاوت أو الدايره الإلكنرونيه على التوالي مع تور الصالون فلن يهمك مين ياخد أرضي و مين ياخد موجب لأن الأمبير هيمشي في المللف و يشغله.

و بالنسبه لجهاز ال call car فبفكرتك يمكنني تنفيذ خصائصه كلها و بتكلفه لا تتعدى 400 جنيه بالعليه. هما ايه اللي زودوه عن فكرتك يعني؟ حط latch لفصل الكهرباء عن السياره؟ سهله نوصل كتاوت بطريقه اللlatch و هي طريقه لتوصيل الكتاوت معروفه عند بعض الكهربائيه تعتمد على أنه لما الكتاوت يعمل مره واحد فقط يظل مغلق (قافل على السلكين حتى لو الإشاره اللي واصله للملف بتاعه إتقطعت) و دي بتتعمل بانك توصل أحد الrelay contacts بالمللف فحتى لو إنقطع الكهرباء عن المللف يظل الcontact يغدي المللف. و بردو الأفضل هنا عمل electronic latch

أحييك على:
1- الذكاء
2- البساطه keeping it simple and stupid
3- الكرم بمشاركة الموضوع معنا

برافو عليك
فعلا كانت غايبه عني موضوع ان الارضي يشغل الكتاوت هو فعلا كده كده الدائرة يتم غلقها ولا فرق بين الارضي والكهرباء

إذا يتم اخذ طرف كهرباء للكتاوت من اي مكان ويم ادخال السلك اللي واصل نور الصالون لها وهي اللي تقفل دائرة نور الصالون

وعلي دراع الكتاوت النحاسي اللي بيتحرك يتم تركيب سلكي الموبايل بطريقة ما
وهذه الخطوة سهلة جدا وبكده الأربع أبواب يشغلوا الاتصال

شكرا علي المعلومه ولا داعي لتغيير زر باب العربيه او تزويدها بزر اضافي وستم التنفيذ ان شاء الله

المشاركة الأصلية كتبت بواسطة bakkarahmed

تفكير ممتاز.
احب اضيف للفكره حاجه كمان الا وهي انك ممكن تعمل نفس اللي عملته في زرار رقم 2 مع باقي زراير الموبايل علشان تغطي التلات ابواب الباقين والشنطه والكبوت وتخلي الموبايل يعمل برده سبيد دايل لنفس الرقم.
بس انا ليا ملاحظه.. ان بعد ما الموبايل يطلب رقمك بيفضل علي الشاشه رقم السبيد دايل الاساسي ( مثلا رقم 2 اللي انت مستخدمه) معني كده انك لازم تمسحه ( وفكره انك توصل السلوك الخاصه بالزرار الاحمر مع اوكره الباب نفذتها ازاي) ؟؟

انا قمت بتعديل بسيط وسأقوله في مشاركه تاليه

اولا قمت بتغيير المويايل من 1110 ال 1100 نوكيا لأن به زر (c) وهو من خلاله يتم الخروج مما علي الشاشه وليس له وظيفه اخري غير الكشاف وتم نزعه

وتم نزع الميكروفون وتعطيل الهزاز ووضعه في علبه وتثبيته وإخراج زر الباور خارج العلبه كما في الصورة






وتم توصيل شاحن السيارة عن طريق سلكين وطالما الموبايل موصول بكهربة العربيهحتي لو باظت بطاريته مش مهم لأنها لا فائده منها فهي مجرد وسيط فقط




وتم تركيب جاكات بطرفيها لتظهر العلبه بدون اسلاك ولسهولة تحريكها خارج السيارة وثبات الوصلات




أما عن زر الخروج فتم اختيار زر توصيل الحرارة للتليفون الارضي عند حمل السماعه ووجدت به ميزة جميله عن طريق الصدفه وهو ان الزر طالما كان مضغوطا فهو يفصل التوصيل وعندما يتم تركه يقوم بالتوصيل لكنه لا يعوق تشغيل زر اخر



بمعني انك لو ضغطت زر الموبايل واستمريت في الضغط فلن تتمكن من استعمال زر اخر الا بعد ترك الزر المضغوط




والزر الذي استخدمته لا أعرف لماذا يقوم بالتوصيل ثم الفصل حتي لو كان في وضع التوصيل
وتم زرع الزر وراء قبضة الباب بمقياس معين بحيث تظل القبضه ضاغطه عليه وعند جذبها تترك الزر فيقوم بمسح الشاشه فورا تمهيدا لعمل زر الاتصال وبهذا تم حل مشكلة اي خطأ متوقع






وسيتم تركيب الكتاوت ان شاء الله

وما زلت افضل ابعاد هذا الامر عن جهاز الانذار

طبعا الشغل اللي حضرتك عامله اكثر من رائع عبقررررررررري
بس ممكن اعرف حضرتك معترض علي ربطه بالانذار ليه علشان موضوع ان كل ما الباب يفتح الجهاز يشتغل ده هو اللي مقلقني
بس برده جاتلي فكره انه ممكن التوصيل من لمبه الصالون من علي السليكتور بمعني ان ممكن اما ادخل العربيه اغير السيلكتورواخليه علي وضع عدم الاضاءه مع الباب وفي الحاله دي يبقي طول ماهو علي الوضع ده مش هايشتغل الموبايل واما اجي نازل من العربيه اعمله علي وضع التشغيل مع الابواب بتهيالي ده حل وسط للي مش عايز يشغله علي الانذار