الحمد لله المشكلة اتحلت النهاردة , رحت للكهربائى و قاللى نفس الكلام اللى اتفضل بيه المهندس سمير , طالما مؤشر سرعة العربية شغال يبقى العيب مش فى سلك الاشارة اللى جاى من الفتيس و لا فى الفيشة اللى فى الفتيس و لكن العيب فى العداد ذاته , و بالتالى توجهت الى المحلات المتخصصة فى قطع الغيار الاستيراد و هناك حسيت قد ايه احنا محظوظين بسياراتنا الدايو لان اى حاجة تخطر فى البال موجودة فى العربية متوفرة و بكثرة فى قطع الغيار الاستيراد , الراجل حاول يدينى تابلوه العدادات كامل ب 250 جنيه لكنى اصريت اخد عداد السرعة و الكيلومتر فقط , و فعلا اخدتهم ب 120 جنيه , و رحت على الكهربائى فك التابلوه بكل سهولة فى اقل من 3 دقايق و سألنى تحب نصفر العداد الجديد؟ قلتله لأ و طلبت منه يضبطه على القراءة الحقيقية للعداد و خد مصنعية 10 جنيه و جربته و شغال زى الفل الحمد لله , شكرا للمهندس سمير و لكل من تفضل بالرد و المشاركة.