الشكمان سليم

**elshinzawy** · 13-09-2010 11:53 PM

ياجماعه بجد اغيتونى روحت لبتاع الشكمان النهارده بص على العربيه من تحت قاللى الشكمان تمام مفيهوش حاجه قولتله علبة البيئه مسدوده قاللى مفيش اى حاجه
بس كلامه مش مظوط انا كشفت لى العربيه مرتين بالاسكانر وقالولى الصوت العالى ده من الشكمان
المهم الحكايه تتلخص فى انه لما بكون على الطريق وقافل الزجاج بلاقى صوت العربيه عالى جدا وفى الاول ولاتانى السحب تقيل وبحس ان العربيه مكتومه ولما بعمل مشوار طويل بلاقى تحت فرامل اليد فى سخونه ياريت تقولولى ده عيب ايه علشان انا زهقت من الصنايعيه وانتو عارفين التوكيل لو روحت حيقولى غير وشيل وركب ومصاريف علفاضى

**ahmed_mido1889** · 14-09-2010 04:03 AM

ممكن يكون العجل اللي ورا قافش شويه

**Car's Sniper** · 14-09-2010 06:19 AM

المشاركة الأصلية كتبت بواسطة elshinzawy

ياجماعه بجد اغيتونى روحت لبتاع الشكمان النهارده بص على العربيه من تحت قاللى الشكمان تمام مفيهوش حاجه قولتله علبة البيئه مسدوده قاللى مفيش اى حاجه
بس كلامه مش مظوط انا كشفت لى العربيه مرتين بالاسكانر وقالولى الصوت العالى ده من الشكمان
المهم الحكايه تتلخص فى انه لما بكون على الطريق وقافل الزجاج بلاقى صوت العربيه عالى جدا وفى الاول ولاتانى السحب تقيل وبحس ان العربيه مكتومه ولما بعمل مشوار طويل بلاقى تحت فرامل اليد فى سخونه ياريت تقولولى ده عيب ايه علشان انا زهقت من الصنايعيه وانتو عارفين التوكيل لو روحت حيقولى غير وشيل وركب ومصاريف علفاضى

تصدق انا عندى نفس المشكلة بالظبط..وزيادة على كدة لما باشيل رجلى من على البنزين سرعة العربية بتقل كأنى بادوس فرامل بالظبط
واللى متأكد منه انه مش من العجل لانى لما بادوس دبرياج بلاقى العربية ماشية عادى على سرعتها ومش مكتومة
ياريت لو حضرتك اكتشفت السر تعرفنا..وانا شاكك بنسبة كبيرة انها هاتكون علبة البيئة

**mely** · 14-09-2010 12:32 PM

الحراره الى عند فرامل اليد سببها العازل الى فوق الجكمان فى المنطقه دى ممكن يكون متشال لان فيه بهاوات محترمين بيشيلوه من العربيات

**تامر.محمد** · 14-09-2010 12:48 PM

كان عندي المشكلة دي بصورة جامدة زمان و رحت لبتاع الشكمانات و قال لي مافيش حاجة
و اتحلت في التوكيل بتركيب علبة بيئة (او علبة رنانة مش عارف)

حاليا عندي مشكلة مشابهة ( صوت عالي نوعا ما ) , و ناوي ان شاء الله اروح اكشف على الشكمان في ابو اليزيد

**elshinzawy** · 15-09-2010 03:39 AM

يعنى رأى حضراتكم انها علبة البيئه ولا مشكله تانيه

**zocor742** · 15-09-2010 05:11 AM

جرب تركب ماسورة بفلنشات بدل علبة البيئة
وجرب فية فرق ولا لأ وانت مش خسران حاجة المسورة مش هتعدى ال50ج
وكدة كدة فية ناس بتبدلها بعلبة البيئة عشان يزودوا الاداء .
بس على فكرة هيا النوبيرا تقيلة فى الاول والتانى لحد اربى ام 3 زى الاوكتافيا

انا بقى عندى كنت مغير علبة شجمان النص ومن ساعتها وصوت الجكمان بقى اعلى من الاول
ولما بكبس بنزين فى اول المشى بحس ان العلبة فيها رنة كدة غير الاول .
انا فى الاول قولت دى لسة هتكربن وهتبقى عادى بس بقالها شهر والصوت مقلش كتير .

**karimfahmy99** · 15-09-2010 05:28 AM

المشاركة الأصلية كتبت بواسطة haroun707

باشا من فضلك انا ليه سؤال صغير

هو ابو اليزيد ليه فرع فى القاهرة ؟؟ ويا ترى فين بالظبط ؟

فى المصنع فى 6 اكتوبر يوجد ورشة صيانة

و فى ورشة ابو اليزيد فى الملك الصالح

شوف الموضوع دا :

http://www.nilemotors.net/Nile/178045-a.html

**elshinzawy** · 15-09-2010 02:51 PM

متشكر جدا لردودكم فى واحد قاللى ممكن اعملك علبة تركب مكن علبة البيئه ب 80 جنيه اعملها واجرب ولا ايه رايكم

-

الموضوع: الشكمان سليم

LinkBack

أدوات الموضوع

عرض

الشكمان سليم - انشر الموضوع فى :

-

-

-

-

-

المواضيع المتشابهه

سليم العوا

ازاي اعرف الكومبريسور سليم ولا مش سليم

حساس الشكمان كان بينور ثم طفى هل ذلك الحساس سليم ولا بايظ

توزيع ضغط العادم داخل مسلك العادم (الشكمان) وفكرة الشكمان الرياضي Sport Exhaust path

محمد بن سليم و نيسان Gt-r

الكلمات الدلالية لهذا الموضوع

المفضلات

المفضلات

ضوابط المشاركة