انفراد : شهادة التوحيد بخط يد كاميليا شحاتة

**Eng. Rafy Samy** · 15-09-2010 02:23 PM

يا عم لا تفضالي ولا افضالك ولا تحلل ولا تعلل ...
الكلام كتير مبقاش ليه لازمة ... ويبقى الوضع على ما هو عليه وعلينا اننا نستحمل او نهج..
كل شهرين تلاتة تتعمل مدبحة وتعدي وتيجي اللي بعدها لحد لما حنخلص ..

**dr-mohamed** · 15-09-2010 02:32 PM

المشاركة الأصلية كتبت بواسطة eng. Rafy samy

يا عم لا تفضالي ولا افضالك ولا تحلل ولا تعلل ...
الكلام كتير مبقاش ليه لازمة ... ويبقى الوضع على ما هو عليه وعلينا اننا نستحمل او نهج..
كل شهرين تلاتة تتعمل مدبحة وتعدي وتيجي اللي بعدها لحد لما حنخلص ..

ماهو انت متنقلش من مواقع قبطية متشددة وتقولي اخد كلامك على انه حقيقي او صادق

ومتختارش اللى انت عايزه بس من اللى انت بتنقل منه وتسيب بقية الشتيمة والسب في المسلمين اللى في المقالة الاصلية وتقولي خلاص

وما دمت انت مقتنع بكدة يبقي الحل التاني اسهل ما دمتم بتكدبوا الكدبة وتصدقوها

عايز تنقل حاجة يا اما تنقلها وتسمع لما حد يطلع لك ان كل اللى انت ناقله كذب يا اما متنقلش

اللى يقول حاجة يتحمل نتيجتها

**M.Radwan** · 15-09-2010 02:37 PM

المشاركة الأصلية كتبت بواسطة fadod

حلوه قوى الدين الى ممكن فيه شخص يشرب ويتنفس زى اى بنى ادم انه يحط ويشيل زى ماهو عايز
على فكره دا مش تهكم دا انا بعلق فقط على الكلام اللى انت كاتبه بس

هو مش فيه فتاوي من شيوخ ومشيخه الازهر ،لدرجه إنه ممكن آية واحده تفسر لتفسيرين مختلفين ،لدرجه إن السعودية منعت الفتاوي إلا لدار الافتاء اللي اعضاؤها معينين من قبل الملك..هل تعتبر دة تلاعب بالأديان ؟

...البابا هو ممثل السيد المسيح علي الارض ،وله السلطه لإصدار قرارات بابوية زي موضوع الزواج بالظبط ودة عمره ماكان تلاعب ،من واجبه الحفاظ علي العقيده بالطريقه اللي يشوفها

هناك فرق شاااااسع.

مفيش حد مسلم على وجه الارض يقدر يقول انه ممثل الله أو الرسول عليه الصلاة والسلام
والفتاوى اللى بتصدر دي فتاوي مبنيه على الأصول الثابتة للاسلام (القرآن والسنة) ويقاس على المسائل التي قضى الله ورسوله فيها قبل ذلك.

الآيه تفسر تفسيرين في حالة انها ظنية الدلالة..يعني تعطي بعض ألفاظها أكثر من معني في معاجم اللغة العربية المستقرة منذ الأزل، مش بمزاج المفسر.
وللعلم، علم التفسير أساسا مبني على القرآن والسنة..فبعض آيات القرآن تفسيرها موجود في القرآن نفسه، والبعض فسره النبي عليه الصلاة والسلام. وما لم يفسره القرآن والنبي فسره العلماء بناء على اللغة العربية (لأنها لغة القرآن الكريم).

قصة السعودية دي لا علاقة لها بالاسلام فى شيء، دي يسأل عنها ملك السعودية!

كل شيء في الاسلام منضبط بالدليل الصحيح الموثق علميا، اللى مفيش معاه دليل على الكلام اللى بيقوله من القرآن أو السنة اللى هما مصادر التشريع، يبقى كلامه ولا ليه لازمة في الاسلام حتى لو كان أعلم علماء المسلمين على وجه الأرض.

أما ان كل بابا من حقه التبديل والتغيير طالما شايف ان ده فى مصلحة العقيدة، فأنا أحسدك على اقتناعك بهذا الكلام حقيقة!

**بحري** · 15-09-2010 02:39 PM

تفضى لإيه وللا لإيه يا دكتور محمد..دي كمية المذابح والمجازر اللي اتعملت دي عاوزه لجان دولية تقعد تدرسها سنين طويلة وفي الآخر هيطلع المسلمين في مصر هم سبب حرائق كاليفورنيا وهم اللي أكلوا الجبنة
وليه تخلصوا يا رافي..مش إنتم بتقولوا إنكم عشرين مليون..هتخلصوا برضه بكام حادثة من دول...يا راجل ده اللي بيموتوا على الطريق سنويا بيعدوا الـ 8000 آلاف
وهتخلصوا ازاي وإنتم بتقولوا إن كل يوم بيدخل أعداد كثيرة جدا من المسلمين في النصرانية
وهتلخصوا ازاي وعندكم تجارات واستثمارات بالمليارات في كل أنواع الاستثمار..حقيقي يصعب علي مثلي تصور هذا الاضهاد مع كل هذه المليارات والكنائس والأديرة بطول البلاد وعرضها وكل هذه المباني الخدمية

وطالما إنت من اسكندرية..شفت الكورنيش كان عامل ازاي في رمضان..من أوله في أبوقير وحتى نهايته في رأس التين ثم العجمي والساحل الشمالي..شفت كمية النصارى الموجودين على الشواطئ بياكلوا ولابسين مايوهات وعايشين حياتهم..في رمضان
شفت كام أتوبيس رحلات واقفين حول الكنائس وجايين من كام محافظة

حقيقي نوع مختلف من الاضهاد

**dr-mohamed** · 15-09-2010 02:43 PM

المشاركة الأصلية كتبت بواسطة فادى

انا لا اقول انه يجوز لشخص تغيير دينه لمصلحة ما,
أنا اقول انه لا يجوز التفتيش فى الضمائر, فقد يكون هذا الشخص غير دينه عن اقتناع تام او قد يكون بغرض ما, و فى النهاية لا يسعنا التفتيش عن الضمائر,
و انا قلت اننى ضد تغيير الديانات فى مصر حاليا على الاقل لأن المجتمع ليس مستعدا لذلك خاصة بالنسبة للمرأه,
كاميليا لو كانت اسلمت (اقول لو) فهى قبل ذلك امراه اعصت زوجها و خرجت عن طوعه و هو ما لا تقبله المسيحية و لا يقبله الاسلام أيضا,
هناك الكثير من الرجال المسيحيين يسلمون فى مصر بدون احتجاز و تسارع الدولة بترتيب اجراءات تغيير الديانة, و معظمهم يكون لغرض الزواج أو الحصول على مكاسب مادية و لا يحتجزون و انا اعرف صاحب المكتبة اللى عندنا تحت البيت كان مسيحيا و اسلم و تزوج بمسلمة لم يحتجز و لم يحدث له أى مكروه.

بص يا فادي
1 - كلامك عن انه لا يجوز التفتيش في الضمائر انا معاك فيه
2- ضد تغيير الديانات في مصر يا اما تطبق على الكل يا اما لا تطبق لكن المتنصر زي نجلاء الامام ومحمد البروسعيدي ياخدوا حريتهم الكافية وييسبوا الدين الاسلامي ورسول الاسلام والمسلمين وكاميليا تتخطف وتتسلم للكنيسة وتخفي متهيالي كدة العملية مش مظبوطة
برغم اننا في دولة اسلامية دستورها بينص على ان الشريعة الاسلامية هي المصدر الرئيسي للتشريع والمفروض تطبق فيها احكام الشريعة الاسلامية ولا يوجد فيها تغيير دين الا للاسلام وعلشان كدة نجيب جبرائيل هيموت ويغير المادة دي من الدستور
يا سيدي الدول اللى فيها اغلبية مسيحية زي الغرب بتطبق الشريعة المسيحية واحكامها كقوانين زي منع تعدد الزوجات وغيره واللى بيخالف القوانين دي بيتسجن
اشمعني في الدولة الاسلامية مش عايزينها تطبق الشريعة الاسلامية

3- موضوع ان كاميليا لو اسلمت ريح نفسك يا فادي هي اسلمت وفيه اوراق كتيرة اتنشرت في موضوعات هنا بخط يدها يظهر فيها اسلامها والشريط المفبرك الى الكنيسة سربته واعلنت انه لا تعرف مصدره وضح بشده انه ملفق وانها ليست كاميليا التى في الشريط

4- كاميليا بما انها اسلمت فالقاعدة في الاسلام انه لا طاعة لمخلوق في معصية الخالق يبقي بالتالي لا تيطع لا زوجها ولا راس الكنيسة ولا شيخ الازهر اذا كان ما يريدونه منها ضد كلام الله وهو فعلا ضد اوامر اله لانهم يطلبون منها العودة لديانة غير الاسلام بعد ان خرجت منها

5- صاحب المكتبة اللى بتقول عنه ده انا معرفش عنه اي حاجة بس اللى اسمع عنه وقرات الحادثة في الجرائد المسحية اللى تزوجت مسلم واهلها قتلوه في وسط الشارع من شهور وكاميليا ووفاء وغيرهم من اللى الدولة سلمتهم للكنيسة ومحدش يعرف عنهم حاجة

5- التعايش بين المسلمين والمسحيين في مصر صدقني لو بعد عننا بتوع اقباط المهجر والاقباط قادمون والاقباط الاحرار واللى زيهم والله هنعيش مستريحين ومتهيالي محدش سمع عن الكلام ده غير بعد ما ظهروا
ويا ريتهم يريحونا منهم بقة ويسيبوا الشعب المصري مسلمين ومسيحيين يعيش واللى مش عاجبه يسيب البلد ويمشي

**أبومعاذ** · 15-09-2010 07:59 PM

في ناس بتجادل لمجرد انه ميطلعش كان طول عمره بيتبع السراب رغم إنه لو فكر شوية مع نفسه هيلاقي ان احسنله يطلع غلطان في الدنيا احسن ما ييجي يوم القيامة وتظهر الحقائق و ساعتها لا ينفع الندم

**dr-mohamed** · 15-09-2010 08:23 PM

وفيه اللى بيجادل ويقولك احنا مضطهدين وبنتقتل وبناتنا بتتخطف في الشارع مع انه هو نفسه عايش وسط مسلمين وبيتعاملوا معاه بشكل طبيعي ولو حد منهم اتخانق معاه بيتخانقوا علي حاجة مالهاش علاقة بالدين ده خبط عربية ده ولا دي نشرت الغسيل وشر مية على دي وفي الاخر ييجوا على النت يقولك علشان انا مسيحي
وبيرددوا كلام اقباط المهجر ومواقعهم رغم انهم بينهم وبين نفسهم عارفين انه كدب بس لو صدقوا انه كدب هيواجهوا الواقع ويعيشوا مشاكل البلد زي ما الكل عايشها لكنهم بيوهموا نفسهم انهم عايشينها لانهم مسيحيين

**ahmed-moga** · 15-09-2010 09:44 PM

المشاركة الأصلية كتبت بواسطة eng. Rafy samy

يا عم لا تفضالي ولا افضالك ولا تحلل ولا تعلل ...
الكلام كتير مبقاش ليه لازمة ... ويبقى الوضع على ما هو عليه وعلينا اننا نستحمل او نهج..
كل شهرين تلاتة تتعمل مدبحة وتعدي وتيجي اللي بعدها لحد لما حنخلص ..

علي فكره يابشمهندس رفيق كل ماذكرت من نقل هو ده اللي
بيثير الفتن والأحقاد في النفوس المسيحيه البسيطه التي لاتعي معني كلمة فتنه وبغضاء بين البعض مسلم ومسيحي وهذامايصل بالفعل لأقباط المهجر
ويصور ان المسيحيين مضطهدين في مصر كنت اظن انك معتدل في رآيك ووجهة نظرك تجاه الوحده الوطنيه بيننا وذلك ماشاهدته من خلال مشاركاتك السابقه في موضع تم حذفه لكن للأسف وجدتك من المتشددين في نظرتك لنا حسبنا الله ونعم الوكيل في اللي كان السبب في اقناعكم بأنكم مضهدين واننا نكرهكم ونستبيح دمائكم واموالكم ونسائكم
سأستعير جمله صلاح الدين الأيوبي في فيلم الناصر صلاح الدين التي قالها لريتشاد قلب الأسد حين كان يتحدث عن اضطهاد المسيحيين ("انكم تحرقون اغصان الزيتون")