الموضوع: انفراد : شهادة التوحيد بخط يد كاميليا شحاتة

في موضوع مهم لكل فرد فينا طريقك للنجاحhttp://www.nilemotors.net/Nile/67408...tml#post829138
نا فعلاً مقتنع ان مجرد الابتسامة ممكن تغيير حاجات كتير....
وعن تجربة صدقني لما الواحد بيقوم من النوم الصبح مبتسم اليوم كله كله بيبقى جميل وسلس ومفهوش مشاكل وتحس انك حابب الحياه واللي حواليك وراضي بكل حاجة برنا ادهالك..
انما لما الواحد بيقوم مقريف ومقريف كل حاجة بتبقى كئيبة واليوم بيبقى كله مشاكل...!!!!!
ولو مش مصدقني جرب..
انا اظن ان اكتر حاجتين نقصينا ومخليه الواحد دايماً سلبي هما ( الرضا - التفائل )
1- الرضا بكل حاجة حوالينا وكل حاجة ربنا ادهلنا والاقتناع ان كل واحد عايش في احسن حالة ممكن يكون فيها ...
2- التفائل : ان مهما الوضع كان سئ وكان الواحد بيقابل مشاكل فحييجي يوم كل المشاكل تتحل والدنيا حترجع تضحك تاني وان دوام الحل من المحال يعني مفيش حد عايش في مشاكل على طول ومفيش حد عايش في فرح على طول...
اسف اني طولت بس الحاجتين دول الواحد ممكن يتكلم فيهم ايام وايام
وشكراً

هل الانسان اللى شايف انهم بيتقتلوا كل يوم لمجرد انهم مسيحيين وانهم كل شهرين تلاتة تتعمل لهم مذبحة وقربوا يخلص (قربوا دي معناها عنده المسيحيين) هل هو نفسه الانسان اللى بيقولنا ان الرضا والتفائل هما اللى بيخلوا الانسان سعيد
متهيالي مشاركتك عن انكم بتتقتلوا وهتخلصوا لا فيها رضا ولا فيها سعادة

و دي مشاركتك في موضوع بتحب مصر http://www.nilemotors.net/Nile/73889...tml#post885497
ي دي مصر جميلة مش كده
وانا في بيني وبينها عشق
ومقدرش ابطل احبها
لانها جميله الجميلات

ايه بطلت تحبها وقصة العشق بينك وبين جميلة الجميلات انتهت
وازاي تحب وتعشق بلد كل يوم يحصل لكم فيها مجازر ومدابح زي دي

ومشاركة تالتة ليك في موضوع بتحب مصر http://www.nilemotors.net/Nile/73889...tml#post831496
معلش بقى سمحوني في الكلمتين اللي جايين دول ...

وقلولي لو انا غلطان...

مش من المفروض ان نلاقي اي شكوي من حال البلد او حال الدنيا باذات في المنتدى هنا عارفييين ليه ...؟ حقولكم..
1- بما انك بتشارك معانا فده معناه انك عندك كمبيوتر او لاب توب واكييد عندك انترنت ...!! واكييد اكييد عندك موبايل ... صح..
واذا كان عندك شوية الرفاهيات دي فأنت اكيييد عندك كل الاساسيات... يعني مستورة والحمد لله.... يعني بتبات في بيت مش في الشارع.. يعني بتلاقي حته تناف فيها - وعندك حنفية بتنزل مياه - وعندك ثلاجة - وبوتاجاز ..... وانت فاهم الباقي..
2- بما انك داخل على منتدى سيارات فده معناه انك عندك عربية - او بتفكر تمتلك عربية... يعني اكييد بتشتغل شغلانة كويسة ممكن توفرك تمن العربية... دليل برضة على ان الحال ميسور والحمدلله.. ربنا يزيد ويبارك... قول امين..
طيب عاوز ايه اكتر من كده.. بتشتكي ليه... ...
ارجوكم متزعلوش مني بس انا عاوز اعرف ليه الواحد بيبص للي مش عنده ويقول انا معنديش... طيب ما تبص للي عندك وتقول الحمدلله ربنا يدمها نعمة..
وشكراً

ليه مش بتحمد ربنا وتبص للي عندك وتقول الحمد لله ورنا يديم النعمة ولا النعمة اتقلبت لنقمة فجاة وبقت بحور الدم في الشوارع

وفي نفس الموضوع بردو بتقول
نا عن نفسي بحب مصر جداً واكتر حاجة فيها نسها الطيبين... (اللي سافر يقدر بره يقدر يعرف الفرق )

سيبكم من الحكومة لان الحكومة مش مصر (ربنا يستر على اللي حيحصلي بعد السطر ده)

مصر فيها حاجات حلوة كتير
انا بتكلم على مصر الوطن - مصر البيت الكبير بتاعنا كلنا.
ساعات وانا بتمشى على البحر في اسكندرية ساعة المغربية بحس بدفئ يملاني وامان من حوليا..
سفرت بره في اكبر واجمل دول العالم - ملقتش نفسي... محستش بالاحساس اللي حسيته وانا داخل المطار وراجع مصر
لما بسافر القاهرة - الاسماعيلية - السويس - بورسعيد - الغردقة - شرم الشيخ - مرسى مطروح - سوهاج - المنيا - مش بحس بفرق بحس اني لسة في بيتي
بلاقي ناس كلها كرم... كلها شهامة ومجدعة
لو وقعت بتلاقي اللي يمدلك ايده ويساعدك ( صدقوني الكلام ده مش موجود بره)
في حاجات كتير
بس مش عاوز اطول - سعدوني يا شباب

ايه يا رفيق
مش هي دي مصر اللى بتتمشي في اسكندرية على الكورنيش تحس بالامان ؟؟؟؟؟؟؟؟؟؟
مش اهل مصر اللى بيتوصفوا بالكرم والشهامة والمجدعة دول مصريين مسلمين على مسيحيين ولا بتسئلهم الاول انتم ديانتكم ايه ؟؟؟؟؟؟؟؟

دي كانت مشاركة العضو رفيق سامي في اول شهر في المنتدي
وفي الشهر الاخير كتب بعض المشاركات منها
في موضوع عيد ميلاد لادكتور محمود صلاح http://www.nilemotors.net/Nile/17515...post3873038940
كل سنة و حضرتك طيب يا دكتور وعقبال 100000 سنة
الف شكر على مساعدتك لينا في العناية بأطفالنا ...
لك مني لك احترام وتقدير

على فكرة يا رفيق الدكتور محمود صلاح مسلم ومتهيالي لما كان بيلاعب الاطفال وبيهتم بيهم مسئلش طفل منهم انت مسلم ولا مسيحي ولا فرق بينهم

حتي في عيد الفطر الىل كان من ايام دخلت يا رفيق وهنيت المسلمين بعيد الفطر http://www.nilemotors.net/Nile/17939...post3873026816

وفي عيد ميلاد ايمن بروتون دخلت وهنيته http://www.nilemotors.net/Nile/179657-a.html

الا صحيح هو ايمن مسلم ولا مسيحي ؟؟؟؟؟؟؟
هو الناس اللى في بروتون وبتسئلهم ويجاوبوك ويسئلوا وتجاوبهم مسلمين ولا مسيحيين ؟؟؟؟
متهيالي انت عمرك ما فكرت في السؤال ده لما انضميت للمنتدي ولا لما بتسئلهم او بيسئلوك
عارف ليه؟
لانكم كلكم في النهاية مصريين



انا مش هدور تانى علشان مش هقعد ساعات اقرا كل مشاركاتك
دي كانت اراء الاخ رفيق سامي (اذا كنت لسة مقتنع اننا اخوات مش اني مسلم وانت مسيحي واني ممكن في يوم اقتلك لمجرد انك مسيحي ولو اني مظنش انك ممكن تقتلني لمجرد اني مسلم ) قبل كدة
يا تري ايه اللى غيرك يا رفيق وخلاك تقول ان كل يوم بيتعرض المسيحيين في مصر لمذابح من المسلمين
مش هما دول المسلمين اللى اتكلمت عنهم
مش هما دول اهل مصر من مسلمين ومسيحيين ولا كنت بتقول كلام وانت مقتنع بعكسه
ولا دلوقت برتدد كلام وانت من جواك مش مقتنع بيه
متهيالي حاجة من اتنين
يا تراجع نفسك في اللى قلته في المشاركة الاخيرة
يا اما تعترف انك كنت بتضحك على نفسك قبل ما تكون بتضحك علينا


وانا اتمني اشوف الوجه التاني لرفيق وجه جاري المسيحي اللى لما حصلت بينه وبين مسيحي تانى مشكلة الاتنين لجأوا لي انا المسلم علشان احلها والحمد لله اتحلت علي خير
وجه جاري المسيحي اللى في فرحه عزم كل العمارة ومعظمها مسيحيين ومفيش حد راح له غيري انا المسلم
عارف رحت له ليه يا رفيق
لانه جاري