لا لا حاسب عنك ... دة انا بنت بـ100 راجل

**viper911s** · 15-09-2010 10:51 AM

موضوع جميل جدا يا سومة
فى رئى الشخصى
المسئلة مسئلة اجتماعية واقتصادية كمان
الى انا شايفة (رئى شخصى )
ان الزواج قل نسبيا وبقت البنت الجريئة الى تعرف تجيب الشاب ليها هى الى بتتجوز
وبالتالى البنت بتتربى على النقطة دى من وهى عندها بتاع 10 سنين
والشاباب الى موجودين اليومين دول (انا شاب على فكرة 25) بقت البنت السهلة هى الانسب ولسان حالة يقول لسة هدور ما كلهم زى بعض
منكرش انى عرفت بنات اشكال كتير من زملاء فى الكلية محترمين وغير محترمين
الفكرة فى الاختيار تحسى ان الشاب عاوز يجرب البنت الاول وبعدين يفكر اذا كان يرتبط بيها او لا
بالنسبة للكلام بصيغة المذكر
بدايتها انها كانت لو شاب قاعد وسط شباب ومش هينفع يبعد عنهم بيتكلم معاها بصيغة المذكر علشان التعليقات
بس

**M.Radwan** · 15-09-2010 11:29 AM

هو الموضوع متشابك أوي، رغم بساطة الكلمة (ست بميت راجل)
بس لو فكرنا فيها شوية هنلاقيها مرتبطة بنواحي كتيرة
نفسية ودينية واجتماعية..
أعتقد الست لو قالت كده على نفسها تبقى ست ضعيفة ومعندهاش ثقة في نفسها.
ساعات الشباب دلوقتى بيقولوا الكلام ده لمجرد الاستظراف أو الهزار ساعات
يقولها مثلا: يا عم، يا كبير إلخ، زي ما بيتقال للرجالة.
الغريبة ان فى ستات بتحب تسمع الكلام ده مووت، وتحب تتصرف زي الرجالة!

**M_Nabil** · 15-09-2010 12:15 PM

الموضوع ده يلخص ويوجز في ثلاثة كلمات فقط

" عملاُ بمبدأ المساواة "

مش المرأة بتطالب بالمساواة بالراجل خلاص زعلانين ليه بقى لما حد بيخطبهم بصيغة المذكر p: وبعدين ملاحظ ان بعض البنات هيا اللى بتتكلم بصيغة المذكر للرد على سؤال مثال ( أنا كويس - مش عارف - مش رايح .. ألخ )

**Soma_Sooma** · 16-09-2010 02:39 PM

المشاركة الأصلية كتبت بواسطة AirForces

بشوف النوع دا كتير فى الكلية

هو رأيى انه مش حكاية دفاع عن النفس وكدا على قد ما هو عشان تقنع اللى قدامها انها اجتماعية وبنت مخلصة يعنى فبتتكلم كدا وبالتالى الناس هيتعاملوا معاها زى ما هى عاوزة كدا

عادى مانا ممكن اكون اجتماعية وف نفس الوقت كلامى بحافظ فية على انوثتى يعنى مثلا فى الفاظ بتتقال من البنات دلوقتى انا عمرى ما اقولها بحس انى مش بنت لو قلتها ههههههههههههههههه

المشاركة الأصلية كتبت بواسطة A7MED_PHARMA

صدقيني
إتعلموها من موجة الأغاني إلي بدأت الموضوع ده
لما المغنى المشهور(أي كان إسمه)يقول لحبيبته في الأغنية ...ياحبيبي ..أو حبيبي..
وهكذا

ممكن يكون دةسبب من الأسباب لأن كتير فلا بيقولو حبيبى مش حبيبتى

المشاركة الأصلية كتبت بواسطة icehearted girl

بضايق جدا لما اخدم حد خدمة ويقولي انتي ب 100 راجل

بصراحة بتستفزني

ومش شايفاها حاجة كويسة او مدح انه يوصفني بميت راجل

لو ميت ست معلش

اما موضوع اللهجة دي بصراحة ساعات بقولها من غير ماخد بالي

ديما كلمة عاوز دي فلساني ومش عارفة اغيرها

هو اكيد يوصفها مدح

بس لازم تحاولى تبطلى الكلمة دى لأنها بتأثر عالسلوك العام

المشاركة الأصلية كتبت بواسطة bmya

طيب منا ببشوف بنات بتتكلم بصيغه المذكر على نفسها
عموما العصر بتاعنا ده معدش في اي حدود لاي حاجه اي حد بيعمل اي حاجه وبيقول اي حاجه وادينا عايشين في عصر الحرياات
وعصر خليك في حالك وما تحجرش على حد والكلام الحمصي الجميل

ماهو دة مش صح لو كل واحد عرف هو ايه مكنتش الحكاية بقت بالمنظر دة ، وتلاقى واحد يقولك هو انا هتجوزواحد صاحبى ههههههههههههه

المشاركة الأصلية كتبت بواسطة m_car

هى كده الحياة

كل حاجة بقت ماشية بالعكس

وربنا يسترها علينا وعلى البنات وعلى كل واحد عايش على وجه الارض

بنا يستر علينا يارب

**Soma_Sooma** · 16-09-2010 02:42 PM

المشاركة الأصلية كتبت بواسطة Ahmed Samy

ايه المشكله ان الست نفسها تبقى زي الراجل ؟!!

كل كائن دايما بيتمنى يكون حاجة أحسن

هههههههههههههههه
ماحدش يضرب

اختفى بقى اليومين دول

لأن الطلب زاد عليك ههههههههههههههههههههههههه ه

**Soma_Sooma** · 16-09-2010 02:44 PM

المشاركة الأصلية كتبت بواسطة A7MED_PHARMA

you still hit like agirl
ههههههههههههههههههه

**Soma_Sooma** · 16-09-2010 03:29 PM

المشاركة الأصلية كتبت بواسطة نور القمر

انا معاكي ان اجمل مافي البنت الانوثة والرقة ودي بالفطرة والجمال
لكن الضعف ايه الجميل فيه ؟؟؟
ليه لازم البنت تكون طول الوقت في احتياج لوقوف الرجل الى جانبها لكونها ضعيفة
انا بمقت صفة الضعف في الانثى لاني ضعيفة ومش بعرف اعمل كل حاجة بنفسي
وابسطها محتاجة رجل معايا عشان يوصلني اماكن معرفش اروحها لوحدي او معرفش اتعامل مع سباك ولا كهربائي بنفسي ولا محتاجة وجود رجل معايا في تخليص بعض الاجراءات الحكومية
نفسي اكون اقوى ب 200 رجل مش بس 100 واعتمد على نفسي في كل حاجة ومكنش ديما تحت رحمة رجل يكون فاضي لي او مزاجه رايق عشان يعمل لي اللي عايزاه

انا مش قصدى الضعف اللى من النوع دة ضعف قهرى انا قصدى ضعف الأنثى الرقيق الخجل والحياء ،، لكن مش قصدى الضعف المغلوب على امرها ابدا ، بالعكس انا ممكن اكون شخصية قوية جدا بس لازم ابين شوية ضعف ... مش عارفة فهمانى ولا لا

اما النقطة دي فأنا واخداها عادي ومش حاطاها في بالي على اساس انه نوع من الاستخدامات الغريبة في لهجتنا زي المصطلحات الدخيلة بالظبط

المهم دلوقت ليه في بنات بتتضايق منها
هل منطلق انها جات على الجرح وحاسة انها مسترجلة !!!!

عارفة هى دى المشكلة انك مش حاسة بفرق وشيفاها عادية ،، بس هى مش عادية بالمرة...

ينى انا مثلا بتضايق جدا لما حد بيكلمنى كدة مش معنى كدة انى مسترجلة واعتقد انكم شفتونى مفياش الحتةدى خالص
بس انا بحب احس بأنوثتى
انا حابة الهيئة اللى ربنا خلقنى عليها ليه غيرى بيحاول يجردنى منها؟؟؟

دي نيفر ايفر عمر الرجل ما هايكون احسن من الست

"الرجال قوامون عن النساء"
بس هل كل الرجالة بيعرف يعنى ايه قوامون على النساء؟؟؟

للأسف الرجالة بياخدو اللى يعجبهمويسيبو اللى ميعجبهمش

**Soma_Sooma** · 16-09-2010 03:32 PM

المشاركة الأصلية كتبت بواسطة BASKOTA

انا مش قولتلك يا سوما بلاش تقعدى مع نفسك كتير
مفيش فايدة يعنى
وبعدين ست ايه اللى تبقا ب 100 راجل

ده ولا 100 راجل ب ست واحدة
انا اجازة اسبوع بقا
كملى انتى يا سوما

ههههههههههههه ايه الندالة دى

تقولى الكلمة وتجرى واحنا ننضرب بدالك ولا ايه

ههههههههههههههههه

**Soma_Sooma** · 16-09-2010 03:35 PM

المشاركة الأصلية كتبت بواسطة amr mokhtar

انا شايف ان ده بقه منهج عام فى المجتمع...ان كل واحد سواء رجل او إمرأة بيحاول ان يظهر فى صورة شخص أقوى

بمعنى...

خلينا ناخد صورة طالب جامعى محترم و أهله ناس على مستوى كويس
تحصل مشكلة مع الطالب ده فى الشارع
يبتدى الإنسان المحترم ياخد صورة الشخص البلطجى ... على أساس ان البلطجى أكثر قوة بدنية و أكثر قدرة على النطق بالألفاظ الخارجة
و بالتالى فالطالب ده بيرى ان البلطجة هى الحل

لو طبقنا نفس المثال على البنت اللى بتحاول تسترجل
هتلاقى ان قد يكون البنت دى إتعرضت لمواقف خليتها شايفة ان الإسترجال هو الحل
عشان الراجل بيقدر يزاحم فى الناس و عادة لا ينظر إليه على إنه ضعيف او شخص خجول

جايز بعد فترة من "الخروج عن المألوف" بالنسبة للمثالين ... يكون التحول أسهل و قد يكون نمط حياة فيما بعد

عندك حق كلامك مظبوط

بس ممكن البنت تاخد حقها من غير ما تسترجل

**Soma_Sooma** · 16-09-2010 03:43 PM

المشاركة الأصلية كتبت بواسطة otefa

هو بيبقي أسلوب في الشغل مثلا لأعطاء الأحساس للسيدة بلأخوة وعدم التعامل من منطق راجل وست وبالتالي الدنيا تمشي بدون أحراج

مانا كنت بشتغل وكان الكل بيكلمنى على انى بنت ايه اللى هيستفيدة يعنى لما يكلمنى بصيغة الولد ،، مش دة اللى هيحسسنى بالأخوة

المشاركة الأصلية كتبت بواسطة sara2001

انا موافقه نور في رأيها بخصوص موضوع الضعف او الإحتياج لحد
احيانا بيكون مشكله للبنت انها تعمل اللي هي عايزاه في الوقت اللي هي عايزاه
يعني ممكن كتير تلغي خطط كتير في حياتك بسبب ارتباطك ان يكون حد فاضي ييجي
معاكي ....... وبتخنق من الموضوع ده كتير
ودي حاله من الحالات اللي بأقول لو كنت رجل اكيد ما كانش هيجيلى شعور ان انا تحت رحمة حد وكنت هأكون اكثر حريه في التصرف...................يا بختكم :i_angr1[1]:

مشكلة الحتياج دى مفيش حد من البنات خلصان منها للأسف

دة شر لابد منةهههههههههه

المشاركة الأصلية كتبت بواسطة medo_2060

حتى قوه الست مهما توصل مش هتكفى انها تبقى زى الراجل ومش عايز اقول تبقى احسن من الراجل لان الموضوع دا كبير ومتفرع شويه فى رأى... انا بس نفسي اعرف ليه الستات عايزين يغيروا الاشياء المسلم بها
كل كائن عارف قدراته ورحم الله امريء عرف قدر نفسه.

مظبوط لا المرأة تقدر تكون فقوة الرجل ولا الرجل هيقدر يكون فقوة احتمال المرأة

ربنا خلق الرجل بصفات و المرأة بصفات وكلهم بيكملو بعض

وضعف المرأة مش دايما وحش بالعكس كتير بيبقى ضعف المرأة قوة كبيرة بس تستخدم الضعف دة بذكاء وبالوقت المناسب

الموضوع: لا لا حاسب عنك ... دة انا بنت بـ100 راجل

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

تعويض شركات المحمول بـ100 مليون جنيه لانقطاع الخدمة في الثورة

لو كان عندك حاسب محمول، ادخل على الموضوع دة

فيات 126 بس حاسب ;)

الكلمات الدلالية لهذا الموضوع

المفضلات

المفضلات

ضوابط المشاركة