لا لا حاسب عنك ... دة انا بنت بـ100 راجل

**Soma_Sooma** · 16-09-2010 03:47 PM

المشاركة الأصلية كتبت بواسطة heshamzaky

ما هية لو ست مفترية يبقى ب 100 راجل بس ست زى الى فى الصورة دى سوبر ست مش واحدة عادية ههههههههههههههههههههههههه

المشاركة الأصلية كتبت بواسطة heshamzaky

سوما ممكن تقولى لى دول اية بقى هههههههههههههه دول مفترين مش ضعاف ابدا

ههههههههههههههههههههههههه ههههههههههههههههههههههههه هههه حلوين قوى ،، بس مش دول اللى بتكلم عليهم دول فتوات هظلمهملو قلت دول ستات هههههههههههههههههههههههه

**Soma_Sooma** · 16-09-2010 03:55 PM

المشاركة الأصلية كتبت بواسطة Ahmed Samy

ما أنا باقول كده
...........انضربت

على فكرة يا احمد اتسخبى اليومين دول

المشاركة الأصلية كتبت بواسطة shiko85

قبل ما اقول اى حاجه, انا عايز اشكركم بجد و الله خلتونى

و يا رب خفة الدم دى متروحش هى كمان زى كل الحاجات اللى راحت قبل كده
بخصوص الكلام مع البنت كانها ولد ده ليه اسباب كتير منها
1- لما كنت فالكليه,كان القسم بتاعنا فيه 38 ولد و بنتين 2 فقط لا غير, فا تعودنا ان مش معانا بنات و بقى الكلام كله بصفت الذكور
2- ليا اصدقاء كتير لو حد قاعد معاهم و حد اتصل بهم و مش عايزين يقوموا علشان يرودا علشان محدش يقول التعليقات اللطيفه " المعروفه" بيتكلموا كانهم بيكلموا ولد
يعنى ده اللى انا فاكره, لو افتكرت حاجه تانيه هقول علطول

ايوة بس كلن الناس مكنتش فى القسم بتاعك

بالنسبة لموضوع الموبيل دة انتو ادرى بيه محصليش قبل كدة صراحة

المشاركة الأصلية كتبت بواسطة remomemo

انا متفقة معاك جدا جدا فى اللى انت بتقوله
لو كل جنس التزم بحدود قدراته ومشينا على فطرة ربنا
كانت الست فضلت انثى
وكان حال رجالة كتير بنبصلهم انه فافى ما اتوجدوش اصلا

**Soma_Sooma** · 16-09-2010 04:08 PM

المشاركة الأصلية كتبت بواسطة ashouhdy

دى مراحل سنية بتعدى وتروح لحالها

معتقدش لأن الجيل دة هيأثر عاللى بعدة

المشاركة الأصلية كتبت بواسطة ainshouka

حكاية الست المسترجلة بيبقي شئ كويس خصوصا في الشغل لإن التعامل مع الفئة دي بتبقي فيها جدية وإلتزام

انا بعترض انها تكون مسترجلة اصلا ،، فيها ايه لما تكون بتشتغل بأنوثتها بردة وتعاملها يكون فية حزم

لكن للأسف الست بتبقي أنثي برة البيت وراجل جوة البيت

ههههههههههههههههههههههههه ههههههههههه حلوة راجل جوة البيت دى ،،، مهو الموضوع دة عاملاة كرسالة بتمسك البنت بأنوثتها سواء جوة او برة البيت

المشاركة الأصلية كتبت بواسطة eslam_wega

انا معك فعلا الست المسترجلة دى فى الشغل تعتبر ميزة لانك تقدر تاخد منها كلمة وتعتمد عليها يعنى بتكون ثقة بجد
المشكلة حاليا الى انا متعقد منها ان صعب او تقدر تقول شبة مستحيل انك تلقى بنت بتكسف زى الاول والحاجات الجميلة دى الى كانت بتخلى الواحد يحس برجولتة لاكن دلوقتى ممكن ابقا بكلم بنت ومن كتر مهى متناحة فى عينى وعاملة شعاع ويمكن اول مرة اكلمها وابص شمال ويمين يمكن تحس ودى برضوا زى ما هى احس ان انا الى بنت وهى الولد فييييين بقا الكسوف والكلام دة ابدا مفيش وعشان كدا نويت ان شاء الله انى لما اخطب شرط اساسى تكون بتكسف :_alshmokh23[1]: عشان احس انى معيا بنت بجد مش ولد زيى

على فكرةلسة فى بنات بتتكسف وانا متأكدة من دة ،، بس الأغلب دلوقتى بقت الجرأة الغالبة

**m000dy** · 16-09-2010 04:40 PM

هى ان البنات يكلمو الشباب بصيغة الأنوثة هههههههههههههه

بتقولى فيها
بقى انا اناااااااااا اتعاكس فى الشارع ويتقال عليا واد (مز) واما سالت واحده زميلتى تقولى يعنى (مزه) بس عشان انت واد - والنعمه ياعم حسيت وشى سخن واحمر
طب كده ينفع بالذمه
وتقولولى تحرش والمرأه مستضعفه
اه يا مفتريين
ياوحوش
اكمنى لوحدى اتعاكس

**m000dy** · 16-09-2010 04:47 PM

اولا ان حد يكلمنى بصيغة التذكير طبعا لأ ده بعتبره استظراف وفعلا كأنى كلمته بصيغة التأنيث بالضبط

مش لازم ماتبقيش قافشه كده
ساعات تذكير المؤنث بيبقى من باب الدلع انما التانيث للراجل تبقى اهانه وتستوجب طيران الرقاب ففكرى قبل ماتعمليها :)

لكن ست بميت راجل دى مفيهاش حاجة لأن الرجولة غير الذكورة

علل؟

ممكن واحد يتولد ويتكتب ذكر فى شهادة الميلاد لكن يعيش ويموت وعمره ما عرف معنى الرجولة ولا بقى راجل

ياسااااااااتر
انا اخاف ارد لتزعلى بس عموما صوابعك مش زى بعض

والرجولة خلق
شجاعة امانة وفاء اخلاص علو الهمة العقل

بسم الله الرحمن الرحيم
الاجابه
صلاح الدين الايوبى

**the-hero** · 16-09-2010 05:09 PM

رايى
حكاية انا ست ب 100 راجل
يعنى يعتمد عليها وليس التشبية بالذكورة والانثوة ملهاش اى علاقة
لن ببساطة مش اى ذكر يكون راجل ممكن يكون حجات كتيرة جدا
مثلا واحد ندل ميبقاش راجل
واحد نصاب -كذاب - أفاق-منافق-ضعيف-هلاس-مدمن-جبان- ظالم كل دول ميتقلش على حد فيهم راجل
ولكن معنى الرجولة كبير جدا تعتبر صفة قوية جدا تحمل معانى كتييييييييييييييير
ومن اهمها
الشجاعة - القوة - الصبر- الحكمة - اخلاق عالية - عادل -قائد -ناجح-بطل-جسور-ناجح-عملى - ايجابي
اعلام الرجال :
كا اشرف الخلق محمد صلي الله عليه وسلم
عمر بن الخطاب
حمزة بن عبد المطلب
علي ابن ابي طالب
خالد بن الوليد
القعقاع بن عمر التميمي
اعلام النساء
السيدة مريم العذراء
امراءة فرعون
السيدة خديجة بنت خويلد
السيدة فاطمة
السيدة عائشة
السيدة اسماء
السيدة زينب
السيدة صفية
ام حكيم المحاربة العظيمة
وغيرهم وغيرهم كتييييييييييييييييير
مين من النساء بقي قدوته الناس ديه طب كام واحد ووحدة يعرفوا الناس ديه
المعروف لكل الناس نانسي واليسا وهيفا وشرين وغيرهم وغيرهم
ياتري فى مين دلوقتى قدوته الناس ديه للاسف قلائل
تانى نقطة حكاية الالفاظ الذكورية للمراءة
من وجهه نظري
اعتبروها الشباب من الجنسين امر عادى ومعالج لوضع خطأ وهو الاختلاط
بمعنى تلاقى واحد بيكلم واحدة فى التليفون ويقولها ازيك ياباشا عامل ايه كويس عشان اللى حوليه ميعرفش انه بيكلم وحدة ومنظرة ميبقاش حلو
قال ايه كدا بيحافظ على رجولته
وطبعا ميعرفش ان مفيش اساسا راجل يعمل كدا او يتمادى فى كدا وألا ميبقاش راجل
وكذالك النساء
الو ازيك يا وتسمية باسم واحد صاحبتها عاملة ايه وحشانى جدا جدا
وللاسف انتشرت بشكل بشع فى التلفزيون وكل الناس بقوا مشيين على الطريقة ديه
ناس بقي واخدها بروح دعابه وهزار وناس وخدها شئ جديد
وفى الاول والاخير مابنى على باطل فهو باطل وكلها قيمة وعدات خاطئة مفيهاش اى اساس من صحة
بالمختصر المفيد
راجل بمعنى الكلمة نادر جدا لكن فيه اشباه الرجال يعنى بنسب مأوية من 0% لحد 70 % ودمنتشر بشكل كبيرجدا جدا
وكمان النساء بمعنى الكلمة بنفس النسب
وللأسف النسب متجة للانحدار وللاسفل

**m000dy** · 16-09-2010 05:21 PM

بس ممكن البنت تاخد حقها من غير ما تسترجل

شايفين الكلام العاقل
انا عمرى ماشفت بنت خدت حقها بالعافيه
صوت رقيق وشوية بربشه الابواب المقفله تتفتح
نقف احنا فى الطوابير بالساعات وتيجى واحده قيقه الكل يوسع ومن غير ماتتكلم
نقعد نهاتى ونستحلف بالله ونجعر ولا حد يسمعنا وتيجى واحده تقول من فضلك الموظف يقوم انتباه
لو راجل زينا كننا دغدغناه ودغدغنا المكتب ده غير تلقيح الكلام
انما لو واحده احنا اللى بنبديها على نفسنا وكمان نتكتم عشان دى اصول لان محدش يرضى بهدلة لاهل بيته فطبيعى مانرضهاش لاهالى غيرنا
مش دى المرجله
ولا اييييييييييه سا سبرنزا
هارشين؟؟؟ :)

**m000dy** · 16-09-2010 05:21 PM

معلش الجهاز بيهنج فالمشاركه اتكررت

**heshamzaky** · 16-09-2010 07:16 PM

المشاركة الأصلية كتبت بواسطة Soma_Sooma

ههههههههههههههههههههههههه ههههههههههههههههههههههههه هههه حلوين قوى ،، بس مش دول اللى بتكلم عليهم دول فتوات هظلمهملو قلت دول ستات هههههههههههههههههههههههه

ههههههههههههههه امال دى تبقى أية هههههههههههه ((( دى صورة متركبة طبعا ))))

**makka** · 16-09-2010 08:46 PM

والله الست اللى بتتكلم عن نفسها بصيغة الراجل دى المفروض تخاف على نفسها من غضب ربنا عليها
"لعن الله المتشبهين من الرجال بالنساء ومن المتشبهات من النساء بالرجال" هى مشكلة عامه بس عشان الموضوع بيتكلم عن الستات فخلينا فى الستات خصوصا انهم باينين قوى يعنى مثلا مش كل يوم مثلا بنشوف راجل مش راجل فى طريقة كلامه او لبسه ولما بنشوفه مبنبقاش طايقينه لكن بنتعامل بمنتهى السهولة مع المسترجلات وبنشوفهم كل يوم ومبنعلقش عليهم بالعكس بنقول البت دى جدعه عجبى