الموضوع: لا لا حاسب عنك ... دة انا بنت بـ100 راجل

المشاركة الأصلية كتبت بواسطة shiko85

بسم الله الرحمن الرحيم
( فلمّا وضعتها قالت ربّ اني وضعتها أنثى والله أعلم بما وضعت وليس الذكر كالأنثى)
صدق الله العظيم

تفسير الأيه يحتاج لموضوع منفصل نظرا لما تم اكتشافه علميا يشرح بالتفصيل الأختلافات بين الرجل و المرأه والفروق الدقيقة من حيث القلب, والتنفس, ومراكز الاحساس, والدماغ, ومن حيث الهيكل العظميّ, ومن حيث القامة, ومن حيث الوزن, تبيّن أنّ هناك خلقا محكما من لدن حكيم عليم, هذا التكوين هو الذي يجعل المرأة محبّبة الى الرجل, وقد جعلها الله سكنا.
بسم الله الرحمن الرحيم
( ومن آياته أن خلق لكم من أنفسكم أزواجا لتسكنوا اليها وجعل بينكم مودة ورحمة ان في ذلك لآيات لقوم يتفكرون)
صدق الله العظيم

نقل صوره مبسطه لرأى علماء المسلمين

يتّفق علماء المسلمين على أنّ المرأة كالرجل تماما في التكليف, والتشريف,والمسؤولية, ولكن المرأة ليست كالرجل في أشياء أخرى, اذ لها خصائص في بنيتها الجسمية, ولها خصائص في بنيتها النفسية, ولها خصائص في بنيتها الاجتماعية, ولها خصائص في قوة ادراكها وفي طبيعة ادراكها

المشاركة الأصلية كتبت بواسطة karim_monir

لاء طبعا دي ندائات للمؤنث
لانك لو قولت كدة لذكر
عيب تقول انه ذكر اصلا :-)

ههههههههههههههههههههههههه ههههههههههههههههههههههههه هه والله كومنت فظيع

المشاركة الأصلية كتبت بواسطة heshamzaky

يا جماعة الرجل طياعة خشنة دى طبيعتة و الانثى رقيقة و سيبك من الى عاملة جامدة و بتاع دة لو صباعها اتعور و هية بتقطع السلطة حا يبقى حدث و مفروض ان دة حاجة رهيبة الراجل بيشيل و يحط و بيستحمل أكثر بكثير الكلام دة بس علشان تدارى بية خجلها و موقف ضعف انما من جوة تترعب من الفار هههههههههههههههههه

انا معاك فكل اللى بتقولة بس كمان الستات ليها قدرة تحمل اكثر من الرجل ربنا حلق الرجلوالأنثى ليكملو بعض

المشاركة الأصلية كتبت بواسطة shiko85

هشام باشا, ازيك يا فندم ؟
بس مش كلهم, في منهم مش بيدعوا و اتأثروا بالبيئه المحيطه بهم من الصغر و دى حالات كتير
فار ؟؟ و من اقل و اصغر حاجه كمان
مش ملاحظين حاجه, زمان كان كتير من البنات بيحولوا يظهروا بمظهر البنت الرقيقه الهاديه الحنونه و بردوا كان ناس كتير معترضه على النوع ده من البنات, دلوقتى بعض البنات بتحاول تظهر بشكل اكثر خشونه و بردوا ناس كتير معترضه !!! يعملوا ايه بقى ؟؟
و مش لازم ننسى بعض الشباب اللى ..... (مش عارف اقولها ازاى, بس اكيد مفهوم انا قصدى ايه)
اللى انا شايفه ان التكلف و التصنع و محاوله التشبهه بالجنس الأخر غير مقبوله بأى شكل من الأشكال

على فكرة الستات اللى انت بتقول عليها زمان هى دى كانت طبيعتهم اتربو على كدة كان فية امان كفاية زمان كان الرجل بيحترم المرأة لكن دلوقتى الأمهات بيعملو ايه بيعلمو بناتهم الكاراتية او اىلعبة دفاع عن النفس لأنهم خايفين عليهم لو اتحطو فموقف يقدروا يتصرفو مبقاش فيةامان لحاجة ولا حتى للولاد مش البنات بس كتير بنشوف فى الجرائد عن حوادث للأولاد الصغيرة فى منهم اللى بيتعالج و فى منهم اللى بيحب الموضوع ودى المصيبة

المشاركة الأصلية كتبت بواسطة shiko85

على فكره انا عمرى فحياتى ما عكست بنت, لأسباب كتير منها
1- غلط و عيب و اكيد حرام
2- اللى بيعاكس ده هيبقى مبسوط لو حد عاكس اخته ؟؟ (نا معنديش اخت, بس ممكن خطيبه زوجه ام بنت " افعل ما شئت كما تدين تدان" )
3- ايه الأستفاده من المعاكسه ؟؟
4- ليه اخلى اى بنت تحرجنى و تكسفنى مع انها ممكن تكون

المشاركة الأصلية كتبت بواسطة shiko85

+1111111111111111111111
بجد كلمتين :t_thum1[1]:, لما كنت فالكليه كانت فيه بنات تعقد تقول دا واد مز و لو واحده معديه يقولوا ايه البت المزه دى مزه مزه يعنى
المهم مره و انا واقف مع صحابى, و كان شويه بنات و ولاد "جروب" لطيف كده واقفين بعيد و هزار و ضحك قلت عادى بنشوف كده على طول بس اول ما سمعت بنت منهم بتسلم على واحده صاحبتها و بتقولها عامله ايه يا مزه ؟؟ اتصدمت و لفيت و بصتلها بأشمئزاز :h_angry[1]: لدرجه ان البنت اتخضت و صحابى بيقولولى فيه ايه يا شريف مالك ؟؟ ايه اللى حصل ؟؟ مفيش الا واحد بس هو اللى فهم ايه اللى حصل علشان هو عارف انى بكره الكلمه دى قوى قوى قوى

وانا كمان بكرههم قوى بس اخدت انى اسمعهم خلاص لأن بقت تتقال فكل حتة حتى التليفزيون بس عمرى ما هقولهم طبعا :_alshmokh23[1]:


بيحصل كتيـــر, لما كنا بنخرج ندور على حاجه للمشروع او اى مناسبه كان ربنا رزقنا بشويه ........ و كان فيهم بنت مزاج عندها تعاكس البنات, يعنى الولاد ساكتين و هى بتعاكس.
على فكره بنات ثانوى, بتعاكس الولاد كمان و كتيــــــــــــــــــــــ ــــــر

دول عايزين دكتور نفسى لأنهم كدة متطرفين وعندهم حاجة غلط والمفروض انتم كازملاء تحرجوهم وتبينولهم ان دة شئ بيقلل منهم مش حاجة حلوة يعنى

ماهى دى المصيبة بنات لسة صغيرة ايه يخليهم كدة اصلا؟؟؟ ايه الأسباب مهو دة موضوع المفروض نبحث فيةونشوف دة من ايه وايه علاجة اكيد ناس كتيرة هنا فى السايت عندهم بنات فى المراحل دى ياريت يناقشونا ويقولولنا ايه الحكايةو حلها ايه؟؟

المشاركة الأصلية كتبت بواسطة soma_sooma

على فكرة الستات اللى انت بتقول عليها زمان هى دى كانت طبيعتهم اتربو على كدة كان فية امان كفاية زمان كان الرجل بيحترم المرأة

انا مش قصدى الطبيعى, لا كان فيه زمان اللى بيتصنعوا ده و بيبالغوا جدا, هم فاكرين ان دى حاجه كويسه و بتعجب الناس بس انا متأكد انى لما يكون عندى عيب بدل ما اخبيه و اتصنع حاجه مش حقيقه علشان ارضى الناس لا افضل على طبيعتى و اللى مش متقبلنى كده هو حر المهم انا اكون راضى عن نفسى

المشاركة الأصلية كتبت بواسطة soma_sooma

كفاية زمان كان الرجل بيحترم المرأة

انا مختلف معاكى فالنقطه دى
الأنسان المحترم بيجبر الشخص اللى قدامه انه يحترمه حتى لو كان الشخص ده مش محترم اصلا

المشاركة الأصلية كتبت بواسطة soma_sooma

دلوقتى الأمهات بيعملو بناتهم الكاراتية او اى لعبة دفاع عن النفس لأنهم خايفين عليهم لو اتحطو فموقف يقدروا يتصرفو مبقاش فيةامان لحاجة ولا حتى للولاد مش البنات بس كتير بنشوف فى الجرائد عن حوادث للأولاد الصغيرة فى منهم اللى بيتعالج و فى منهم اللى بيحب الموضوع ودى المصيبة

للأسف

المشاركة الأصلية كتبت بواسطة shiko85

يعنى المشكله ان البنت كانت بتعاكس ولا انها فـ اولى ثانوى و انت كنت فالجامعه ؟؟؟

فكرتينى بمسرحيه العيال كبرت " اذا كانت عمتك دى متجوزه يا بنى ادم (2:11)"
YouTube - ‫(10/25) ظ…ط³ط±ط.ظٹط© ط§ظ„ط¹ظٹط§ظ„ ظƒط¨ط±طھ‬‎

ههههههههههههههههههههههههه ههههههههههههههههههههههههه هه والله العظيم موت من الضحك ولقيت العيلة كلها فوق دماغى بيتفرجو عالمقطع دة ومش مقادرين يمسكو نفسهم من الضحك


اللى مضايقنى انها فثانوى يعنى صغيرة ايه يخليها تعمل كدة معنى كدة ان فى ظاهرة (المثلية) للبنات انتشرت وبالذات فمرحلة ثانوى

المشاركة الأصلية كتبت بواسطة soma_sooma

دول عايزين دكتور نفسى لأنهم كدة متطرفين وعندهم حاجة غلط والمفروض انتم كازملاء تحرجوهم وتبينولهم ان دة شئ بيقلل منهم مش حاجة حلوة يعنى

ماهى دى المصيبة بنات لسة صغيرة ايه يخليهم كدة اصلا؟؟؟ ايه الأسباب مهو دة موضوع المفروض نبحث فيةونشوف دة من ايه وايه علاجة اكيد ناس كتيرة هنا فى السايت عندهم بنات فى المراحل دى ياريت يناقشونا ويقولولنا ايه الحكايةو حلها ايه؟؟

ممكن يكون سبب الموضوع ده ان الأهل بيسيبوا البنات الصغيرين يلعبوا فالشارع و اكيد بيبقى فيه احتكاك بالولاد
و اكيد البنات دى شافت الولاد بيعاكسوا و ممكن من التعود بقيت دى حاجه عاديه عندهم و ممكن كمان يقلدوا الولاد و يعاكسوا سواء هيعكسوا ولاد او بنات
عمرنا شفنا زمان اهل سايبين بناتهم الصغيرين فالشارع لحد الساعه 2 و 3 بالليل ؟؟!!
على فكره انا اتكلمت مع البنت اللى بتعاكس دى و وسط الكلام قالت انها لما كانت صغيره كانت علطول فالشارع بتلعب مع الولاد و كانت بتتعامل معاهم كانها ولد (وده اكبر غلط) و دى كانت النتيجه

المشاركة الأصلية كتبت بواسطة shiko85

انا مش قصدى الطبيعى, لا كان فيه زمان اللى بيتصنعوا ده و بيبالغوا جدا, هم فاكرين ان دى حاجه كويسه و بتعجب الناس بس انا متأكد انى لما يكون عندى عيب بدل ما اخبيه و اتصنع حاجه مش حقيقه علشان ارضى الناس لا افضل على طبيعتى و اللى مش متقبلنى كده هو حر المهم انا اكون راضى عن نفسى

انا مختلفة معاك فدى زمان ايام فاتن الحمامة و زبيدة ثروت والناس دى مكنتش بتتصنع دى كانت طبيعتهم اصلا بص على لبسهم كان شكلة ايه شكلة انوثى جدا والفترة دى كلها كانت كدة حتى اهالينا لوبصيت فصورهم هتلاقيهم كدة ...

انا مختلف معاكى فالنقطه دى
الأنسان المحترم بيجبر الشخص اللى قدامه انه يحترمه حتى لو كان الشخص ده مش محترم اصلا

طيب تقدر تنكر انك لما بتكون مثلا فى المترو الشاب يكون قاعد و ست كبيرة مش قادرة تقف و هو معندوش دم يقوملها!!!

هل دة احترام ؟؟؟؟

تقدر تنكر ان لما واحدة بتتحطفمشكلة االرجالة بيبصو و يقولو مليش دعوة!!! طبعا دى بقت ظاهرة بس لسة فى رجالة عندهم نخوة

المشاركة الأصلية كتبت بواسطة shiko85

ممكن يكون سبب الموضوع ده ان الأهل بيسيبوا البنات الصغيرين يلعبوا فالشارع و اكيد بيبقى فيه احتكاك بالولاد
و اكيد البنات دى شافت الولاد بيعاكسوا و ممكن من التعود بقيت دى حاجه عاديه عندهم و ممكن كمان يقلدوا الولاد و يعاكسوا سواء هيعكسوا ولاد او بنات
عمرنا شفنا زمان اهل سايبين بناتهم الصغيرين فالشارع لحد الساعه 2 و 3 بالليل ؟؟!!
على فكره انا اتكلمت مع البنت اللى بتعاكس دى و وسط الكلام قالت انها لما كانت صغيره كانت علطول فالشارع بتلعب مع الولاد و كانت بتتعامل معاهم كانها ولد (وده اكبر غلط) و دى كانت النتيجه

دى نقطة مهمة جدااااااااااااا جدااااااااااا وكلامك دة هيفيد اباء و امهات كتيرة اللى بقو بيسيبو ولادهم فى الشارع لتكبير الدماغ

على فكرة كلامك دة عايزلة موضوع لوحدة ونتكلم عن التربية وتأثرها عالأطفال