الموضوع: لا لا حاسب عنك ... دة انا بنت بـ100 راجل

المشاركة الأصلية كتبت بواسطة soma_sooma

"لا لا حاسب عنك ... دة انا بنت بـ100 راجل"

هل دة نوع من انواع الدفاع عن النفس عشان ممكن حد مثلا يفتكر انها سهلة او ضعيفة فا بنلجأ للتشبة بالرجال؟

ودة يخليتى افتح نقطة كمان وى ظاهرةتانية

وهى البنت المسترجلة

ليه فى بنات كتيرة اتجردت من انوثتها واتحولت وبقت مسترجلة هيئة بنت بس تصرفات رجولى لييييه؟؟؟

ايه السبب فكدة

لما نيجى نسال ونتكلم عن اجمل ما فى المرأة هنقول ايه :

انوثتها - ضعفها - رقتها - جمالها (ودة شىء نسبى)

المواصفات دى مبقتش موجودة ليه؟

هل هى تربية ولا تعليم ولا مجتمع !!!

والنقطة دى فتحتلى نقطة كمان اتكلم فيها ودى بقى بتخنقنى جدا انا شخصيا

ليه شباب اليومين دول بيكلمو البنت بصفة الذكر

يعنى مثلا واحد بيسلم على واحدة يقولها "ازيك عامل ايه انهاردة"

ايه الموضة دى نفسى افهمها بقى جت منين دى

هل دة التعليم بتاعنا يعنى الشباب كانو غايبين فحصة العربى ولا ايه ههههههههههههه ماخدوش صيغة المؤنث ولا ايه

ليه بيكلم البنت على انها ولد لييييييييييييييه

ياريت تقولولنا ايه السبب فكدة والشباب ليه بيجردو البنت من انوثتها هى اصلا مسترجلة خلقة ههههههههههههههه

الخوف بقى من ظاهرة تانية تظهر

هى ان البنات يكلمو الشباب بصيغة الأنوثة هههههههههههههه

انا شخصيا لما الاقى حد بيكلمنى بصيغة ذكر بتضايق جدا

واروح انا كمان اكلمة بصيغة مؤنث

عشان يحس قد ايه هى مش حلوة الطريقة دى

عايزة رايكم بصراحة فى الظواهر دى عايزين نعرف جت منين و ايه سببها وايه حلها

"لا لا حاسب عنك ... دة انا بنت بـ100 راجل"

هل دة نوع من انواع الدفاع عن النفس عشان ممكن حد مثلا يفتكر انها سهلة او ضعيفة فا بنلجأ للتشبة بالرجال؟

اللي قرا الموضوع بسرعه يفتكرك بتتكلمي عن ان الانثى بتحاول تتشبه بالراجل
لكن لو دققنا شويه
المشكله الاكبر في الانوثه

واخد كلامك للرد
[quote]

لما نيجى نسال ونتكلم عن اجمل ما فى المرأة هنقول ايه :

انوثتها - ضعفها - رقتها - جمالها (ودة شىء نسبى)

المواصفات دى مبقتش موجودة ليه؟

[/quote]

راحت فين الانوثه
الانوثه حضرتك راحت في داهية
مش هاتكلم عن انوثه الانثى مع زميلها ولا مديرها لان ده حوار تاني
انما مع زوجها
اللي ضيع الانوثه في نظري اكتر حاجة شيئين
ضغوط الحياه
يعنى حضرتها بتشتغل بترجع قبله بساعه ولا اتنين
بهدوم الشغل ولا اي هدوم تلحق تروق الشقة وتجهز لقمة
وبعد الغداء تقعد مهدودة تذاكر للعياال ولا تحط غسيل ولا تكلم امها تديها التقرير اليومي ولا تحمي العيال ولا تجهز هدوم مدارسهم ولا ولا
واللي قاعد مكفي قدام الكمبيوتر ولا التي في مش هاتقوله انت بتعمل ايه
اخرها هاتتخانق معاه لو طلب كوباية شاي وتقوله دي المساعدة اللي ربنا قدرك عليها :-)

ضعفها حضرتك بتستغله للمسكنه انها تطالب بالمزيد من الحقوق اللي ماجابتهالهاش المساواه الله يحرق اليوم اللي طلعت فيه الفكرة المهببة دي
لكن انها تستغلها لاظهار انوثتها بقت بحس ان ده ضعف وهي مش عايزة تبان ضعيفة
وده سوء تصرف
لان المقولة المشهورة بتقول اقوى ما في المرأة دموعها ومايقدرش راجل يقاومها وعلى مر العصور دموع المرأة واللي شبهوها بدموع التماسيح غيرت مسار حروب واقامت دول من مكانها

جمالها بقى النسبي ربنا ماحرمش حد من الجمال
مش لازم الجمال بياض
مش لازم تكون سمراء
مش لازم قمحي
في واحد بيحبها طويله وغيره بيحبها قصيرة
لكن اكيد كلنا بنحب جمال الروح والتحدث اللبق والكلمة الحلوة الدافية والنظرة الحنينة
لكن اللسان السليط والنظرة العدائية والصوت العالي ادعى مش اني اقوله ازيك يا باشا
ولكن ادعى اني اقولها
قوم من هنا ياض لارش ميه :-)

نداء لكل انثى
ربنا خلقك انثى
ماتغيرش خلقة ربنا
عشان عمرك ما هاتكوني راجل
وهاتلاقي الراجل يرجع يقولك يا روحي ويا قلبي ويا قمر ويا حبي
مش يا باشا ويا فندم وسيادتك وحضرتك بلغة المذكر

تأنثووووو تأنسوووووو :-)