إلى كل المختصين ب لانسر 2009 1600 أوتوماتيك

**Adham** · 18-09-2010 01:07 AM

انا اعرف ان ال CVT Continuously Variable Transmission (CVT)

يعني انة مافيهوش كلاتشات و انما بيتم تغيير السرعه من خلال حركة سيور على محاور كبديل عن الكلاتشات

و ناس كتير فاهمه خطأ انة الفتيس مافيهوش سرعات انما هو بيتم فية تغيير السرعه او التقلة من خلال تبديل محاور الحركة من اقطار اكبر لاقطار اصغر و بالتالي تتغير النسب

شوف دي

Continuously Variable Transmission (CVT)

ودي كمان

http://cars.about.com/od/thingsyouneedtoknow/a/CVT.htm

**darkangel007** · 18-09-2010 01:19 AM

لا يباشا حضرتك فهم التوضيح غلط
الفتيس موصول بالمكنة بسير معدنى محاط بكاوتش
و الفتيس فية بكرة و المكنة فيها بكرة البكرتين دول بيتحركو و انصاف اقطارهم بتتغير!
بس!
فانت ولا بتحس بنقلات و استهلاك بنزبن و تسارع كويسين!
ارجو انى اكون وصلتلك المعلومة!

**Adham** · 18-09-2010 01:26 AM

ايوة انا فاهم ان البكرتين (بكرة الموتور و بكرة الفتيس) بيتغير قطرهم من خلال تغير انصاف اقطارهم, لأن كل واحدة فيهم عبارة عن نصفين بيتغير المسافة بينهم بناء على ضغط هيدروليك الفتيس و بالتالي بيتغير نصف قطرهم و بالتالي بتتغير نسبة نقل الحركة

بس للأسف انا ماسقتش عربية فيها النظام دة و معلومتي نظرية علشان كدة اا قولت معلومتي عن الاوتوماتيك و وضحت اني "أعتقد" ان السي في تي ما بيختلفش عنهم في الفكرة برغم اني عارف انة بيشتغل بنظرية مختلفة بس في الاخر هل فية نقلات او نسب, انا قريت انهم بيقولوا انك مابتحس بتغير نسبة الحركة, ربما هي نسب لا نهائية من خلال تغيير الاقطار بطريقة مستديمة

امال السيليكتور هنا بيحدد اية ؟؟

ياريت لو توضح اكتر من فهمك للنظام دة و علاقة السيليكتور بحركة السير في الفتيس

**darkangel007** · 18-09-2010 09:35 AM

كلامك تمام و فعلا مبتحسش بالنقلة و لا بتغير النسب بس فكرة عملة مختلفة كل الاختلاف عن الاوتو العادى
و بالنسبة للسيليكتور هو يعتبر بيدى امر للكومبيوتر بتاع العربية انة يدى عزم جامد لو على ال l او يثبت الار بى ام على ds او يبقى على الوضع الطبيعى!

**moody102010** · 18-09-2010 09:58 PM

المشاركة الأصلية كتبت بواسطة Adham

DS دة السبورت درايف يعني العربية بتنقل ال3 نقلات بس و بتطول عالنقلة

انما D بيبقى الاوفر درايف Over Drive يعني العربية تاخد الغيار الرابع عادي و ماتقرصش عالنقلات زي في السبورت درايفDs انما مش بيثبت ار بي ام و لا حاجة

يعني لو في طريق سفر ماينفعش تمشي فوق ال160-170 مثلاً و انت عالسبورت درايفDs لان الار بي امRPM حايبقى عالي و حاتبقى حارق عالموتور, فابتحط الاوفر درايف Over Drive علشان العربية تاخد الغيار الاخير و تريح المحرك و الار بي ام ينزل لمستواة العادي

الL بيقى ان العربية تاخد اول و تاني و بس و ماتجيبش التالت و لا الرابع و دة للمطالع و الكباري لو محمل (وسرعتك اقل من 60- 70 كم/س) او لو العربية على تلج او مياة و خايف تنزلق بتحجمها بالغيار دة

و دة كل العربيات الاوتوماتيك باختلاف المسمى لأنهم ساعات السبورت درايف Sport Drive بيتكتب علية 3 اوD3 فقط والدرايف بيتكتب علية D

و ماعتقدش انة في ال CVT بيختلف في شيء عنها

و الله أعلم

أفهم من كلامك انى أطلع على ds من الأول عشان أجيب سرعه لو حبيت أسابق جد

**Adham** · 19-09-2010 10:45 AM

ايوة مؤكد ان التسارع سيكون افضل عال Ds سواء من الاول او انك قررت اثناء السير انك محتاج تسارع او تشد

**moody102010** · 20-09-2010 12:45 PM

المشاركة الأصلية كتبت بواسطة adham

ايوة مؤكد ان التسارع سيكون افضل عال ds سواء من الاول او انك قررت اثناء السير انك محتاج تسارع او تشد

ألف شكر يا باشا

**wdramiz** · 21-09-2010 06:34 PM

الاخوة الاعزاء

هل يمكنني وانا علي الدي علي سرعة من 90-100 كم ان اقوم بالتحويل من الدي الي الدي اس مباشرة .... هل يؤثر هذا علي الفتيس ...... وماهو تأثيرة علي سرعة السيارة في هذه الحالة ......... عند صعود مطلع وانا علي الدي ممكن انقل علي ال وانا ماشي ولا لابد من التوقف علشان انقل

مع خالص الشكر

**moody102010** · 22-09-2010 04:21 AM

المشاركة الأصلية كتبت بواسطة wdramiz

الاخوة الاعزاء

المشاركة الأصلية كتبت بواسطة wdramiz

هل يمكنني وانا علي الدي علي سرعة من 90-100 كم ان اقوم بالتحويل من الدي الي الدي اس مباشرة .... هل يؤثر هذا علي الفتيس ...... وماهو تأثيرة علي سرعة السيارة في هذه الحالة ......... عند صعود مطلع وانا علي الدي ممكن انقل علي ال وانا ماشي ولا لابد من التوقف علشان انقل

مع خالص الشكر

من ناحية ينفع فهو ينفع طبعا ويعتبر بوسيلة إنقاذ ليك لو إتزنقت أو حبيت تسابق حد بس من ناحية التأثير على الموتور فعلى ما أعتقد يؤثر بنسبه بسيطه على إستهلاك البنزين
والله أعلم

**ahmedamr** · 22-09-2010 04:39 AM

يا باشا الds ممكن تطلع علية عادى وكل حاجة لو عايز العربية تشد وتجيب كل غيار لاخرة بس اخرة الغيار التالت يعنى لما صوتى يعلى والار بي ام يعلى معاك او وخدت السحبة بتاعتك تمام ما تطولش غير ع d علطول عشان العربية تاخد الرابع بتاعها وتستريح وتطير معاك
ولو مثلا ماشي ع 100 او حاجة وصوت العربية هادى وواخدة الرابع ومستريحة وعايز تاخد غرزة بسرعة نزلها ع الدي اس اكنك ادتها التالت بالظبط مش اكتر خلص اللى هتعملة ورجعة تانى ع الدي لكن غلط تمشى ع الدي اس مدة طويلة ع طريق سريع هتلاقي الموتور بيجعر عشان خانقة ع التالت
وبالنسبة لل l
دة الغيار الاولانى بس يا باشا لو طالع من مطلع باركينج ولا حاجة عالية اوى بتستخدمة لكن مش بيتمشي علية