كريم باشا منير ....

أولاً : يا ألف أهلاً بيك فى قسمنا ، وبجد بشكرك شكر خاص لإهتمامك بموضوعنا ده .

ثانيا :

اقتباس المشاركة الأصلية كتبت بواسطة karim_monir مشاهدة المشاركة
كطلب منسق للقسم ان شاء الله هاشوف الموضوع مع مدير المنتدى واتابع مشاركات اعضاء القسم لاختيار منسق للقسم وقائم باعماله
أنا متفق معاك إن ده حل حلو بنسبة 100 % ، وإسمحلى أرشحلك بعض الأعضاء ، وطبعاً القرار الأول والأخير ليك إنت وإدارة المنتدى :

1 . الأستاذ / أيمن على ( aymanmaly ) ... والسبب : وجوده المتميز بإستمرار فى القسم ، وبصراحه مش بيخلى حد محتاج حاجه ، خبراته كتير فى مجال السيارات ، وبيساعد كل الناس أياً كانت نوع سيارتهم ، مش بيبخل على أى حد بأى معلومه حتى لو كانت صغيره وهايفه .

2 . الأستاذ / حسام أيمن ( Hosam_Optrawy ) ... والسبب : حسام أحسن حاجه فى كل مشاركاته أنها ( ما قل ودل ) بيوصل أحلى معلومه بأبسط طريقه ..... كلامه واضح جداً وببساطه شديده .

3 . الأستاذ / محمد عرفه ( afrtow ) ... والسبب : منظم جداً فى ترتيب أفكاره ، ووجوده المتميز برضه بإستمرار فى القسم .

4 . الدكتور / أحمد فوزى ( fawzyyyy ) ... والسبب : كفايه إنى أقولك دماغه نظيفه جداً ، بس هو مشغول اليومين دول علشان الإمتحانات ، فطبيعى مش ح تلاقى مشاركات كتيره ليه اليومين دول .

أنا مش عايز أى حد يزعل منى إنى مرشحتهوش ، بس ده راجع لإنى شايف إن الناس دى هى اللى تستحق كده نظراً لمجهوداتهم نحو القسم والمنتدى ونحوى أنا شخصياً ، وده مش معناه إن بقيت الناس متنفعش لا سمح الله ، بس يمكن من وجهة نظرى المتواضعه إن ده هو حق الرجاله دى .

ثالثاً :
اقتباس المشاركة الأصلية كتبت بواسطة karim_monir مشاهدة المشاركة
بالنسبة لاقسام فرعية بنعملها في حالة وجود وجود طاغي لسيارة
ولو تلاحظة لغاية دلوقتي معملنهاش لقسم حي جدا وعربية منتشرة زي السيراتو والكارينز
ومع ذلك ممكن نعيد النظر في الامر
معلش أنا ليا رأى تانى ..... عندك أقرب مثال عربيتك ( تويوتا كرولا ) أو الـ ( سيراتو ) زى مـ إنت قولت .... فى كذا موديل من السيراتو ، والكرولا موديلاتها لا تحصى ومختلفه تمام الإختلاف عن بعض .... فلو عملنا تقسيم ح يكون فى صالح كتير من الناس خصوصاً بعد كده لما نشوف الأوبترا الجديده والكروز الجديده ........ إلخ وغيرها من الموديلات ، وإحنا مستنيين إعادة النظر فى الموضوع ده زى مـ حضرتك قولت .

معلش طولت عليك ، وبجد إحنا كلنا إنبسطنا بإهتمامك بموضوعنا ده ، وإن شاء الله نشوفك فى مقابلتنا الجايه ( 3/11/2010 ) .