جين 2 و لا ابيزا و لا الجراند بونتو

**CryptonX** · 18-03-2008 06:52 PM

العفو يا جماعة ده اقل واجب اقوم بيه . انا مش حاطط لوجو فيات في توقيعي عيائة :)

و شكرا لكل الكلام الجميل الي اتقال , و انا عن نفسي استفد كتير جدا من الموضوع ده .

بالنسبة لLambada :)

علشان الخصلك الموضوع .

شوف احتياجك الاول
هل انت من عشاق السرعة و الشد و و وو و يبقى انت عايز 1600 ( جين 2 او غيرها )

لو انت بتبحث عن التميز و الشكل الثوري و الاداء السلس شبه الرياضي - يبقى عندك الجراند بونتو و الابيزا و الاتنين كويسين جدا .

ان بس بحب الجراند بونتو لآن تصميمها الخارجي و الداخلي لا ينتمي لايامنا الحالية :)

انما ان شايف لو السكودا ماشيا تمام حالية - اصبر شوية - الابيزا الجديدة نازلة و الجين 2 2008 حتنزل يمكن يحسمولك القرار .

شكرا مرة اخرى علي كل الكلام الجميل و العفو يا محمد ابيزا - بس احنا لينا طلعة فيات ضد سيات قريب :P :)

**SEATLOVER** · 18-03-2008 11:11 PM

المشاركة الأصلية كتبت بواسطة tutankhamoun

هو بس عاشق السيات ......... بيحب عربيته قوي قوي و بيحاول يظهر كل مميزاتها ............

توت حبيبى .. انا صحيح بعشق السيات بس انت عارف اد اية انا بنسى الموضوع دة لما حد بيسأل عليها او بيطلب ترشيح لعربية .. انت عارف و متابع مشاركاتى هتلاقينى مش برشح الابيزا و برشح عربيات تانية كتير اوى ..منها السريون مثلاً ... ومش برشح الابيزا الآ لما حد بيسأل عليها

و عشان انا عارف crazylambada متابع معانا فى قسم السيات و عندة اهتمام بيها
وضحت يا فرعون .

نيجى للميزات ... انا قلت قى بداية كلامى خالص ان نظرتى للمقارنة انها مقارنة مزايا و مفروض العربيات متتقالش عيوبها فى مقارنات ..فاكر لما قلت ممكن نطلع (القطط الفاطسة ) فى اى عربية داخلة مقارنة ..و دة انا شخصياً مافضلوش ..لما يستقر خالص على حاجة فى المقارنة ..يروح القسم بتاعها الخبرا فيها هما الوحيدين اللى يقدروا يقولوا عيوبها الفعلية ان وجدت

شكرا ليك يا حبيبى توت باشا ...

**fiatmomo** · 19-03-2008 01:13 AM

المشاركة الأصلية كتبت بواسطة SEATLOVER

اية يا جماعة يعنى بعد مداخلة كريم باشا (على مشاركتى ) اعتبرتوا الموضوع انتهى وتمام التمام و شكراً على المعلومات و نطالب بتثبيت الموضوع ...طب مش تستنوا مش انا بردو ليا حق الرد
ولا انتو زهقتوا ... وكفاية على كدة.. هههه :D

اخى و صديقى على المنتدى ..كريم باشا ..انا بشكرك جداً على الوقت اللى انت قضيتة عشان تكتب ردك عليا دة اكيد شىء انا بعتز بية جداً ان فى حد فى خبرتك بيهتم بى اللى بقولة و يبذل مجهود عشان يتناقش معايا ..الف شكر و بأحييك على التقدير دة ليا

ندخل بقى فى مشاركتك يا كريم باشا ..و اعذرنى لآنى هارد على كل النقاط اللى طرحتها واحدة واحدة
واللى يزهق يا جماعة ..يروح المنتدى الاجتماعى شوية و يجى ... :D
..بس ممكن يتنكد بردو من الاحوال كلها المهم خلينا فى موضوعنا .

مع ان لى تحفظ شوية على تصحيح دى ..بس على العموم هانشوف لو فى تصحيح ولا لآ .

يعنى اية شكل ولون دى ...و 100 سنة دى مش مبالغة شوية .

يعنى افهم من كلامك ان المازدا 3 هاتش باك فئة (هاتش باك كبيرة) !! هو موجود فئة كدة !

الفئات معروف انها بتتحدد بالتصميم و الغرض ..يعنى (مينى-سوبر مينى-هاتش باك /-عائلية -فارهة -...)

نيجى بقى فى الابعاد اللى انت ذكرتها

****************************

الابيزا طولها 3977 mm و بكدة يبقى طولها اقل من الجراند بونتو ب 53 mm
لكن الابيزا اعرض منها ب 11 mm

اما بقى المازدا 3 اللى بتقول ان الابيزا متتقارنش بيها و حطيتها فى فئة تانية
اعرض منها ب 57mm و طول قاعدة العجلات نفس الطول فى الابيزا ....... سبحان الله .

بعدين تفتكر الكام ملى فرق دول يحددوا مصير و مستقبل عربية .

تفتكر لو دخلنا فى الكلام دة صحيح هايبقى منطقى قبل ما المشاكل المتوارثة تتحل الأول .

بعدين يا كريم ربنا ما يجيب زعل من سيات او منك لآنى مش ممكن أزعل منك .

يا كريم و الله انتو حيرتوا مش انتو اللى زعلانيين من سيات مابتعملش اعلانات ..ويوم ما نتكلم على حاجات رسمية معمول فيها دراسات سنيين و ركاب الابيزا كلهم مستمتعين بيها و عارفينها كويس اوى من غير ما يعرفوا اسمها .....تقولولنا كلام اعلانات !

ندخل بقى للنقاط اللى انتقدتها و نشوف

انا ضربت مثال ياريت اللى بيشوفوا حوارنا و معاهم اى عربيات من الفئات دى و بيحصل دة معاهم بشكل ملموس و مذكور بشكل رسمى فى شركاتهم .. يقولولنا و يبقى كدة عرفنا الخاصية دى موجودة فين .

كامسمى اة موجود لكن كااداء ....فى كام عربية ! من نفس الشركة و تحت نفس المسمى .
وتبقى التجربة دليل

عشان فتيس الابيزا المانيوال سر من اسرار عشق الشباب لهذة العربية ..عشان كدة اتكلمت على الاتوماتيك .

نظام الفتيس الاتوماتيك اللى VW الالمانية تعبت فية سنيين و يعنبر طفرة فى انظمة الجير بوكس فى العالم حالياً طلعتلة عيوب ..و اكيد من سايت review اللى انا شخصياً لا اثق فيها تماماً و اللى ممكن اطلعلك منها عيوب قاتلة فى المرسيدس مثلاً .

طب بدام هو سىء كدة اتاخد اخوة اللى هو ابسط منة لية ؟ !

اي سيارة حديثة فيها الFeature دي ..اللى هى اية بقى ...انا اقولك وتقولى كلام اعلانات و موجود فى كل عربية ولا لأ
1- عجلة قيادة ثلاثية التثبيت ...علشان تقدر تشوف التابلوة و ال dashboard طول ما انت سايق
VW نفسها فى عربياتها (اربع نقط مش تلاتة )
2- تحكم مرايات joystick فى كل الاتجاهات ..و اظن انت عارف ان الاغلب بيبقوا اربع مفاتيح قدامك
3- سهولة الرؤية الخلفية و السيطرة على ابعاد العربية و خاصة الركن .......و اظن انت بردو عارف مين اللى عندة دى مشكلة رهيبة .
....وغيرة وغيرة كتير اوى

تمام مختلفناش بس ..عايز اقولك فى اتنين جابوا سيات لما شافوا الحركة دى !
و موجودة فى الجراند بونتو من سنة كام و هى اول موديل !

غريبة طب تفسر بى اية عربيات كتير حديثة ..دايرة و واقفة جنبك فى الاشارة و التابلوة مطفى !
على العموم مش دة قصدى

انا قصدى دة
***************

***************

طب انا هاذكرهم تانى يا كريم ..و نشوف كلام عام ولا لآ

-ذكاء التصميم الداخلى
(Creative Exterior Curved Lines)
من اى زاوية من العربية انت شايف 360 درجة حواليك ...مفيش مجال للمفاجاءات .
الناس مش عارفة تركن عربياتهم الجديدة يا كريم .

8-ذكاء التصميم الخارجى
(Creative Interior Curved Lines)
تجميع جميع نقاط الضوضاء (عنصر عزل) مع ضغط الهواء (عنصر ثبات) على ابعد نقطة فى مؤخرة السيارة .
بص على الصورة التصميمية الرسمية دى

*****************

المفاجأة بقى ان النقطتين دول بالذات ..موجودين فى موضوع مثبت فى قسم السيات عاملة زميلنا
محمد ايهاب ..و عنوان الموضوع ( المختصر المفيد في الإيبيزا 2006-2008 )

مش هاتكلم على فرق النقط دة بيبقى قليل اذاى ذى الملليمترات القليلة اللى فى موضوع الابعاد ...لكن هاقولك حاجة تانية خالص
سواقين الابيزا مش محتاجين نجوم هما لوحدهم نجوم . ههههه

الابيزا extra city driving (1/100 km) 5.3 فى عربية 1400 cc بتهيألى مفيش اقل من كدة .

يا كريم مقدرش ...دة واجب عليك ..ههههه :D
انا فى كلامى عن الماضى كنت محدد جداً وذكرت كلمة (عربية ) قبل كلمة ماضى ...و اعتقد دة يفرق كتير اوى اوى .. لآن العربية اللى انت بترشحها لسة نازلة السنة دى .. لكن انت تطرقت و ختة على تاريخ الشركتين ! ( انا كل اللى يهمنى كمشترى ..العربية عاملة اية فى الموديل القديم منها مع الناس و بقالة اد اية ) مش اكتر .

وعشان خاطرى متقوليش اصل هى تطوير او موديل جديد من البونتو ..لسببين
1- مش فى مصلحة الجراند
2-كانوا وقفوا انتاج البونتو

خلاص بسيطة فى اختيارات تانية كتير بسعر معقول جداً و (اعادة تدوير ) بردو سريعة جداً

يا كريم بقى عشان 200 cc زيادة ب 157.000 تيجى سيات و تبقى هى دى ال
Value for money
وبقى فكرنى ساعتها اقوللك على سر كبير يخص الالتيا ممكن تخلى crazy ينزل يجيب ابيزا دلوقتى .

يا كريم باشا ..ياريتك تطول كدة على طول .. انت امتعتنا معاك
انا بقى بقالى 3 ساعات بقى مش عارف اخلص ..انت عملت دة كلة اذاى فى ساعتين هههه:D

يا كريم لو اعتبرنا كل اللى قلتة فى التاريخ مظبوط ..و هاستخدم كلامك
يعنى 15 سنة لسيات مع VW الالمانية.... ماتديهاش الجنسية الالمانية !

--------------------------------------

وفى النهاية تحياتى و تقديرى لكل من شارك فى هذة المقارنة و اكيد اكتر واحد حبيبى كريم باشا
اللى تعبنى اوى ..وعلى فكرة كنت متوقع كدة

على العموم ربنا يوفق crazy و يارب نكون افدناة بشىء لة قيمة
احنا عرضنا كل وجهات النظر اللى ممكن تتقال و كان حوار و مناقشة ممتعة جداً
يمكن فى ناس زهقت مننا لكن يمكن فى حد فى يوم من الايام يعمل سيرش على الموضوع دة
ونكسب ثواب كلنا اننا ساعدناة فى الطريق اللى بذلنا فية مجهود من وقتنا و خبرتنا
واعتقد ان دة من اهم اهداف منتدانا

بشكرك يا كريم شكر خاص جداً ..تانى ...و اوعى تزعل منى فى اى حاجة ممكن تلاقيها ماحبتهاش لآنى بكن ليك كل تقدير و احترام ..و اكيد انت لاحظت دة فى اى مشاركة لى معاك قبل كدة .

الف شكر ليكم كلكم

:D بجد الموضوع دة جامد جدا وعاجبنى ... ولازم لازم يتثبت .. الموضوع اتحول لمنافسة معلوماتية :) !!! بس بجد شغل هايل

شكرا ليك يا سيات لافر باشا على المعلومات الجامدة دية ..

بس اسمحلى اعلق على كام نقطة من الى انتا كاتبهم ...( MultiValve Technology ) انتا فعلا بتتكلم فى تكنولوجيا قديمة جدا وبقالها اكتر من 50 سنة ... وكانت نازلة مثلا فى الفيات 131 ابارث سنة 1977 ! ودلوقتى ماتعتبرش تقنية ... احنا دخلنا عصر ال vvti ..

----------------------------------------------------

نقطة مقارنة الابيزا بال مازدا 3 ... فعلا دية فئة ودية فئة
اقرا الجزئية دية
(City car / supermini crossovers
While small family cars and superminis grew considerably from the 1990s to the 2000s, so happened with city cars. After some new superminis were over 3900 mm long (like the Ford Fiesta, the SEAT Ibiza, Maruti Alto and the Volkswagen Polo) some automakers designed models above 3650 mm long.)

الابيزا فعلا سوبر مينى او B segment .

وتتقارن بالفابيا والكورسا والبونتو و فيستا ............

اما المازدا 3 بتسمى بتنتمى لفئة small family اوC segment

تتقارن بالبرافو , الاسترا , الجولف , الالتيا , الفوكاس , ........

A compact (North America), small family (Eu opean) or c-segment car is a classification of cars which are larger than a supermini and smaller than a large family car.

Small European family cars include the Ford Focus, Opel Astra, Peugeot 307, Renault Mégane, and Volkswagen Golf. Japanese branded examples include Honda Civic, Mazda 3, Subaru Impreza, and Toyota Corolla.

-------------------------------------------------------------

الجزية الخاصة ب " electro-hydraulic steering system " .... دية حاليا نازلة فى النيو اكسنت .. واكيد فى السيات .. مش حيختلف كتير عن باقى الماركات لانة نفس نظام التوجيه بالظبط ونفس التكنولوجيا .

----------------------------------------------------

" Intelligent Comfort Position"

عربيات كتير فيها الكلام الى بتقول علية ... ومفرقتش طريقة التحكم فى تحريك المرايات الكهرباء .. عصا تحكم... من زرار من اربع اتجاهات ...

وشكل عجلة القيادة .. بردة موجود فى عربيات كتير والجراند مثلا ... وبردة مش دة المقياس ... لانها ممكن تكون بشكل تانى وبردة تكون رؤية التبلوه واضحه

--------------------------------------------------

يعنى دية بعض النقط لان لو حتكلم على كل النقط دية محتاج يوم تقريبا

بس مش معنى كلامى .. ان الابيزا وحشة ... بالعكس ... انا بحترم العربية دية جدا جدا ..

شكرا ليك يا زعيييييييييييييم السيات على المعلومات الجميلة وعلى مجهودك

و نداء للمشرفين تثبيت الموضوع :)

**fiatmomo** · 19-03-2008 01:19 AM

صحيح CryponX عرض التحدى لمواجهة مابين سيات فيات

فهل تقبل التحدى . :D:D

حتة تسخين كدة ... :D:D:p

**SEATLOVER** · 19-03-2008 01:30 AM

المشاركة الأصلية كتبت بواسطة fiatmomo

عربيات كتير فيها الكلام الى بتقول علية ...

صاحبى و حبيبى فيات ... لية مصريين كلكم على موضوع انها موجودة فى كل العربيات الحديثة
هو انت لاحظت فى كل كلامى (ولا توجد سوى فى الابيزا )

انا اللى قلتة انها موجودة
1-بشكل ملموس جدا وواضح لركاب الابيزا كلهم
ودة قيمة التعب فى عمل عربية محترمة ...متبقاش التكنولوجى و التعب و الدراسة مجرد مسمى غير محسوس من ركاب العربية (يعنى حبر على ورق)

2- الكلام دة مذكور رسمى فى الشركة المنتجة ....مش موجود نتيجة دعاية (اعلانات) ..او سيرش

موجود بقى فى كل العربيات من عشرين سنة او تكنولوجى قديمة .... فهى مميزة وواضحة و ظاهرة و ملموسة (مادياً و معنوياً) فى موديلات الابيزا .

وبشكرك على اهتمامك و متابعتى و طلبك تثبيت الموضوع ياريت يكون ليا منة جانب ما يبقاش كل الجانب عشان مشاركة حبيبك كريم ..اللى كانت رائعة . :)

**CryptonX** · 19-03-2008 01:35 AM

اهلا بيك تاني يا SeatLover

اولا مزعلتش ولا حاجة بص لللأسف حطر برده " اصلح " كام حاجة احنا مش متقاهمين فيها .

كمان 100 سنة قصدي ان سيات حتنتج الابيزا في نفس فئتها طول الفترة دي
بينما المازدا 3 حتفضل في فئتها طول الفترة دي .

ارجع للمعلومات :

فئة الجراند بونتو و الابيزا هي : Supermini

فئة المازدا 3 : Compact ( للسيدان و الهاتشباك - و هي ايضا فئة الجولف و البرافو و الاسترا - تسمى Compact او Family hatchback )

ازاي قاعدة عجلات اللابيزا الي هي : 2460 تساوي 2640 !
الفين وربعمائة و ستين بتساوي الفين ستمائة و اربعين ؟؟؟؟؟؟؟؟؟؟؟؟

ثانيا الفروقات الي انت بتقول عليها " مليمترات " هي الي بتفرق فئة سيارة من فئة اخرى

يعني لو جبت سيارة سيدان تانية حتلافي الفرق ميلمترات برده
وعلي فكرة - في سيارات من جيل لجيل بتكبر يقولك مثلا 26 مم ! وده بيبقى انجاز للسيارة - فالكلام عن الملميترات مهم جدا و بيفرق في اي فئة سيارة .

قاعدة العجلات فارقة 180mm يعني 18 سم بحالهم وهو ده الي بيفرق فئة من فئة ولو قارنت الاسترا بالجولف بالمازدا حتلافي في تقارب علشان هما في فئة واحدة

انما لو قارنتهم بالبونتو و الابيزا حتلاقي في فرق ( مليمترات ) هام جدا !

انا معرفش انت ازاي بتسستهتر بالميلمترات - لو كانت مش مهمة اوي كانو كتبوا الارقام و الابعاد بالمتر !

--

بالنسبة للنقاط " تفوق " الابيزا اعذرني رغم سردك ليها للمرة التانية
انا شايفها موجودة في كل السيارات الاوروبية و مقدرش افتي في انهي موديل بالظبط بس انا مر عليا سيارات كتير جدا و كل المميزات دي مش " ثورية " و صراحة متخليش اي حد يفكر في سيارة او يفضل سيارة عن سيارة .

يعني لو مسكت اي سيارة و حللتلك التصمايم و الطرق و المميزات لكل زرار حملالك كتاب كامل عن اي سيارة مش بس فيات و برده انا شخصيا مش حقتنع بالسيارة .

بالنسبة لي السيارة عبارة عن :
وسيلة نقل - انا ببحث عن احتياج معين
اشوف الفئة المناسبة -ماركة محترمة و بعدين شكل جذاب بما اني معماري - اختار المحرك الماسب لرغبتي و امكانياتي المادية ( استهلاك البنزين ) - التجهيزات " الحقيقية " من المعدات الالكترونية " المعروفة " مثل الكاسيت - سي دي - زينون - زجاج كهرباء - مرايات كهرباء - و التجهيزات الي فعلا حستعملها مش مجرد كلام علي ورق
- و اخيرا امان السيارة ووسائل الامان الي فيها .

انما مش حبص علي ان الفيات فيها 4 زراير في الدركسيون مصممين انهم ميوجعوش صباعي فاختارها :) ( نكتة طبعا انا بهرج ) .

بالنسبة لباقي الموضوع مقدرش اعارضك او اوافقك لان دي وجهة نظرك و ماليش حق اخالفه .

بس مازلت عند راي ان سعرها مبالغ فيه جدا و مش WORTH الفلوس نهائي .

----

وحكتفي في النهاية واقول ان السيارتين حصلوا علي تقدير 4 نجوم من 5 من مجلة WhatCar الانجليزية .

و ده يثبت مده كفائة السيارتين فعلا .

**CryptonX** · 19-03-2008 01:44 AM

المشاركة الأصلية كتبت بواسطة SEATLOVER

و الله يا فيات ..دة يشرفنى لما CryponX يدخل فى نقاش معايا ... انا مش عارف مين فينا الاكبر فى السن ..بس انا بلاقى الحوار معاة ممتع جداً ..و انا بحترمة جداً .

شعور متبادل يا SeatLover
و فعلا الحوار لما يكون راقي و مبني علي علم فعلا ببقى ممتع و شرفني اني اتحاور معاك :)

في الاخر كلهم حديد علي 4 عجلات ! سيبك انت مفيش زي الصحبة :)

انا معرفش حضرتك عندك كام سنة -
انا 25 .