الموضوع: الرجالة راحوا فين

المشاركة الأصلية كتبت بواسطة icehearted girl

دا ضياء أخويا

بجد ولا هزار؟
لو بجد يبقى ماشاء الله عليه عنده موهبه.. دا انا فكرت الى كاتب الكلام دا هشام الجخ او شاعر زيه كدا

مع احترامي للجميع بس مجرد رقص الشباب - سواء ممتهنا كمهنة أو بدون هدف - مش حرام

إنما الحرام هوا "تشبههم بالنساء" في طريقة رقصهم حسب كلام صاحب الموضوع وده شئ وارد في كل المهن والمستويات الثقافية ويوجد من الرجال الكثير ممن يتشبه بالنساء مع أنهم لا يرقصون..

فلو كانت شغلانتهم الرقص وهيا باب رزقهم ورقصوا بدون تشبه بالنساء وبدون خروج عن العادات السليمه فما فيهاش أي حاجه

بل بالعكس في هذه الحالة هي كمهنة خير للشاب وأكرم من انه يقعد فالبيت مثلا عاطلا وعاله على الأهل أو أن يلجأ للحرام لاكتساب المال

وارجوا ممن يسر الله لهم سبل العيش وعرف يتجوز ويعمل بيت أن يقدر انه أيضا يوجد شباب كتير تتمنى الاستقرار وأنها تفتح بيت لكن لم تتيسر له السبل مثل غيرهم..... واللي جوز نفسه بنفسه عارف انه حمل ثقيل جدا...

الله ينور عليك ياغازى قبل ماتنتقدو حد حلو مشكلتو اللى خلتو يعمل كدا معندكوش الحل ممكن تنصحهم بلحسنى لكن غير كدا مش من حقكم الأهانه
وهو ليه رب بعد ما عملت اللى عليك ونصحته يحاسبه اللى هو ممكن يكون بالرغم من اللى بيعملو دا أحسن منى ومن ناس تانيه كتير دا هان نفسه وخلى نظره الناس ليه وحشه اللى هى اصلا حتى لو ما عملش كدا هتبقى وحشه لأنو مش هيلبس نضيف وغالى يبقى دا فقير يبقى اتعالى عليه واترسم عليه وعمل أبن بارم ديله عشان يقولو ياباشا
مع خالص أحترامى ليك يامستر دوجلس بدل ما كنت ترد عليه وتقولو اصلها على راجل كنت فكر فى أديك فرصه تشغله بمرتب كويس تساعده فى حياته وتخليه زى ما هو ما يمدش أيدو لحد ولا يحط ايده فى جيب حد يبقى كنت توفرهالو مش فأمكانك يبقى سامحنى أنى أقولك انك مش من حقك تهين انسان ولا تجرحه بالطريقه دى ولو الموقف مكانش عاجبك كان ممكن تسيبه وتمشى بدل ماتجرحه هتقولى هو اللى جابه لنفسه هقولك هاتلو الشغل اللى ما يخلهوش يعمل كدا وبعدين حاسبه

المشاركة الأصلية كتبت بواسطة nabaster

بغض النظر عن الردود الي قبلي

ومنعا للجدال انا هرد رد مختصر

مهما كانت الظروف مش هتجبرني احترم (صبي الرقاصه)

لو هناخد بالمبدا ده يبقي نبيح اي حاجه تاني وحشه لان اكلمه دايما جاهزه

انتا متعرفش ظروفه

يسرق

انتا متعرفش ظروفه

يبقي تاجر مخدرات

انتا متعرفش ظروفه

يزني

انتا متعرفش ظروفه


اسف المباديء لا تتجزا

وربنا ما يحوج الواحد لشغل زي ده في يوم من الايام حتي ولو اجبروني اشتغل 24 ساعه علشان اكفي بيتي

a.yakout

احترم وجهة نظرك جدا واشاركك في الراي
وبعدين انا متعجب الدفاع عن - صبي رقاصه - ودي طبعا وجهة نظري الشخصيه جدا .... يعني بنقول انه الظروف والاحتياج طب ميين قالك اصلا ان الناس دي بتعمل كده بدافع الحاجه اكيد فيه منهم عاوزين كده وبيحبوا يمتهنوا كده وفخورين بكده وحلمه كان يقف وراء العظيمه دينا وفيفي و امينه وقشطه ولا ايه؟
وفيه منهم بيعمل كده عشان يجيب مخدرات لزوم المزاج والكيف
وفيه بيعمل كده عشان مقتنع بان الحلال مابيأكلش عيش.... من وجهة نظره
وفيه بيعمل كده عشان مقتنع انه فنان وان الرقص والفن لغه ورساله لازم يوصلها في الافراح
ليه بنوجد مبرر للقبيح والشاذ وندافع عنه ؟
ليه بنقول ان اكيد ظروفه تعبانه يعني هوا النقاش والبواب والويتر واللي واقف بالمناديل عالحمام والسايس وبتاع البلاعات والزبال وارثين ؟؟؟؟!!! اكيد لا ولكنهم اختاروا العمل بشرف ورجوله وكسبوا رزفهم بطريقه اخرى غير هز الوسط ...
وبعدين ايه علاقة ان البلد فيها فساد بالناس دي ؟؟
وبعدين احنا اكيد مش كاملين وكلنا خطائين بس بنتحرى الحلال في كل شيء يعني مابارتشيش في شغلي ولا باقبل هدايا وباحرص على مصلحة العمل ومابأكلش بيتي قرش الاوانا تعبان فيه بفعل وجهد حلال وربنا بيبارك في الرزق والمال الحلال مش حهز وسطي وارقص وراء العوالم عشان اطعم عيالي ؟؟!!
دمت بصحه

المشاركة الأصلية كتبت بواسطة nabaster

بغض النظر عن الردود الي قبلي

ومنعا للجدال انا هرد رد مختصر

مهما كانت الظروف مش هتجبرني احترم (صبي الرقاصه)

لو هناخد بالمبدا ده يبقي نبيح اي حاجه تاني وحشه لان اكلمه دايما جاهزه

انتا متعرفش ظروفه

يسرق

انتا متعرفش ظروفه

يبقي تاجر مخدرات

انتا متعرفش ظروفه

يزني

انتا متعرفش ظروفه


اسف المباديء لا تتجزا

وربنا ما يحوج الواحد لشغل زي ده في يوم من الايام حتي ولو اجبروني اشتغل 24 ساعه علشان اكفي بيتي

a.yakout

معرفة ظروفه مش حجه (لاباحة الحرام) لا سمح الله... أكييييد لأ يا احمد

و مش بدافع عن صبي الرقاصه او غيره من الاعمال الغير مقبوله او غير شريفه... اكييد لأ بردو

لكن لما يبقى بني ادم للا يملك العلم و لا الشهادات, هيشتغل ايه غير شغلانه
للاسف في مجتمعنا بينظر ليها بمنظور انها (اي كلام) او (دون المستوى)..!!

هيشتغل ايه غير صبي ميكانيكي, او سايس, او قهوجي, او اي حاجه على نفس الشاكله؟؟ و مش عيب

بس لما يشتغل اي شغلانه محترمه من دول, هياخد كام لو اشتغل الـ24 ساعه زي مابتقول؟؟؟؟

و لو اللي بيقبضه ده مرتب غير آدمي, و مايكفيش حتى اكل و شرب شخصين لمدة 10 ايام؟؟؟؟

و يا ريته هياكل لحمه و لا فراخ... لأ... عيش حاااااف و شوية جبنه او فول...

هيجيب ايجار شقه يسكن فيها منين؟؟؟؟ طيب هيجيب مصاريف المواصلات منين؟؟؟؟؟

هيجيب فلوس دكتور لو هو او مراته حصلهم حاجه منين..؟؟؟ طيب اقل عمليه بكام..؟؟؟؟

مين عنده استعداد يجوز بنته لواحد ماعهوش مصاريف نفسه, بس محترم و شغله محترم..؟؟؟؟

طيب مين من الناس اللي بتحتقر صبي الرقاصه عنده استعداد يجوز بنته او اخته (مش هقول لقهوجي
او بتاع الزباله)... لأ.. كاشيير مرتبه 500 جنيه في الشهر...؟؟؟ ماهو محترم و بيشتغل شغل يحترم

طيب فين الاهل اللي مش عايزين مهر و مؤخر و شبكه و شقه تمليك و تشطيب و عفش لبنتهم..؟؟؟

طيب بالظروف دي كلها, لو اتعرض عليه شغلانه و يكسب منها مش اقل من 3000 جنيه في الشهر
و مش هيتاجر في المخدرات, و مش هيقتل, و مش هيسرق, و مش هيزني.............

تتوقع هو ممكن يقول لأ..؟؟؟؟؟ مستحيييييييييييييييييييل.. .. لانها بمقايسه احسن من واحد بيكسب 300 جنيه
بس (بيتقال عليه محترم)..!!!! لانه هيحسبها مع نفسه و هيقولك نفس الجمله و هي....

( هو احترام الناس ليا هيأكلني.؟؟ هيشربني..؟؟ هيكسيني..؟؟ هيفتحلي بيت..؟؟ مش هيخليني امد ايدي لحد..؟؟)

هو بيحسبها كده, لانه مش متربي على القيم و المبادئ اللي مش بتتجزأ زي ما بتقول...
هو بس اتربى على الفقر و الشقى و الاهانه و قلة القيمه و البهدله و المرمطه.............

هل تتوقع انه يعرف اصلا يعني ايه (مبدأ)..؟؟ اذا كان هو مش متعلم اصلا... مابيفكش الخط

انت مش مجبر انك تحترم صبي الرقاصه, لكن بردو مش لازم تدوس عليه بجزمتك لانك احسن
منه و عندك مبدأ, و اتعلمت, و فهمت العيب من اللي مش عيب...... انصحه او حاول تساعده
و لو ماقبلش المساعده الحقيقيه, ابقى قول عليه كل اللي انت نفسك فيه, لانه ساعتها يستاهل الحرق

المفروض انك ماتعاقبوش على شئ هو مالوش ذنب فيه, لانه لو لقى الاحسن او حتى الاقل بس
يبقى عايش زي ( البني آدمين ), ماكانش وصل للمرحله دي, و لا كان فكر انه يهزق نفسه و يشتغل
صبي رقاصه, او اي شغلانه على نفس الشاكله الغير مقبوله في اي عرف و اي شرع...

بس بردو هرجع و اقولك, الفكره مش انك تحترمه او لأ... لكن الفكره ان اي مجتمع فيه صبي الرقاصه
و تاجر المخدرات و الزاني, و الحرامي, ................ ده الطبيعي, و كلنا بنقول ان الناس دي غلط
و زفت و كل اللي انت عايزه و بدون اعذار... و عمرك ما هتكون في اي مكان في العالم في مجتمع
مثالي و خالي من الذنوب و الناس اللي بتغلط او بتعمل شئ حرام.....

لكن الصح و الدين بيقول انك تحتقره و تهزقه و تدوس عليه بجزمتك...
ولا تنصحه بالحسنى و تحاول تساعده لو تقدر حتى لو بالكلام؟؟؟؟؟

الغرييييييييب جداااااااا اننا بنشوف الحراميه بجد و بنقول عليهم (صفوة القوم)..!!!!!!!!!!
لكن الحرامي بتاع المواسير ده ابن ستين......... و حقير و زباله و ........!!!!!!

مع ان ده بيسرق و ده بيسرق...!!!! لكن في حرامي شيك و ابن ناس, و في حرامي معفن و ابن.........

بنشوف المرتشي و بنقول عليه (رجل الاعمال المحترم)...!!!!!!!

و كل دول لو اتقدموا لاي واحده هتقبله (فورااااااااا) و بدون تفكير... (اصله عريس لقطه و مايتعايبش)..!!!!

اقسم بالله كان فيه حرااامي بيسرق محل واحد صحبي (سوبر ماركت)
و مسكوه, و كان بيحكيلي, و تخيل طلع ابوه ايه..؟؟؟

طلع ابوه (( مستشااااااااااااااااار )).... انت قادر تتخيل...!!!!!!!!!!!

الناس بتقول على ابن المستشار المحترم ايه..؟؟؟ شاب خلوق, و زي الفل و من عائله و اي بنت تتمناه
و هو في الاساس حرامي, و حرامي مرتاح و من عائله كمان.. طيب بيسرق ليه؟؟؟؟؟؟

ده بقى اللي مالوش عندي عذر, و لو كنت موجود ساعتها كنت قتلته, لانه هو اللي اختار انه يبقى مش محترم

المشكله ان المجتمع نفسه فيه سلبيات كتييييييييييييير, و الادراه و الحكومه سلبياتها اكتر بمرااااااااااااااحل

لازم نقبل المجتمع ده بسلبياته و ايجابياته, و نحاول كلنا نصلح السلبيات دي...

تخيل كده لو انت نصحت او ساعدت صبي الرقاصه و توفرلتله فرصة شغل محترمه

و انا ساعدت حرامي و بطل يسرق, و بقى بني آدم بيكسب لقمته من الحلال, و بمرتب آدمي

و غيري و غيرك ساعدوا الزاني انه يبطل زنى و يفهم ان ده حرام و من الكبائر

و بنفس الشكل مع كل انسان بيشتغل في شغل غير مقبول او حرام شرعاً, هيبقى شكل مجتمعنا ايه..؟؟

مشكلتنا اننا بندور على الحل السهل و هو اننا نقف بعييييييييييييد, و ننتقد السلبيات بدون ما نحاول نغيرها

اللي عايز اقوله من كلامي يا احمد ان كل ده مش مبرر او محاوله لتحليل ما حرمه الله ابدااااا
علشان ماحدش يقول اني بحاول اقول مبرر لشئ حرام او غير مقبول بالمره... انا كلامي هدفه واضح

لكن لازم قبل ما نقول انه (حقير), نشوف هو لو اتعرض عليه فرصه انه يبقى بني آدم بجد
و يشتغل شغل محترم, هيقبل و هيكون محترم..؟؟؟ و لا هو فعلا حقير و دون و عايز الحرق..؟؟

يا رب يكون الهدف من كلامي بقى واضح, و اتمنى ان ماحدش يرد على جزء من كلامي و يسيب الباقي

المشاركة الأصلية كتبت بواسطة grumby78

احترم وجهة نظرك جدا واشاركك في الراي
وبعدين انا متعجب الدفاع عن - صبي رقاصه - ودي طبعا وجهة نظري الشخصيه جدا .... يعني بنقول انه الظروف والاحتياج طب ميين قالك اصلا ان الناس دي بتعمل كده بدافع الحاجه اكيد فيه منهم عاوزين كده وبيحبوا يمتهنوا كده وفخورين بكده وحلمه كان يقف وراء العظيمه دينا وفيفي و امينه وقشطه ولا ايه؟
وفيه منهم بيعمل كده عشان يجيب مخدرات لزوم المزاج والكيف
وفيه بيعمل كده عشان مقتنع بان الحلال مابيأكلش عيش.... من وجهة نظره
وفيه بيعمل كده عشان مقتنع انه فنان وان الرقص والفن لغه ورساله لازم يوصلها في الافراح
ليه بنوجد مبرر للقبيح والشاذ وندافع عنه ؟
ليه بنقول ان اكيد ظروفه تعبانه يعني هوا النقاش والبواب والويتر واللي واقف بالمناديل عالحمام والسايس وبتاع البلاعات والزبال وارثين ؟؟؟؟!!! اكيد لا ولكنهم اختاروا العمل بشرف ورجوله وكسبوا رزفهم بطريقه اخرى غير هز الوسط ...
وبعدين ايه علاقة ان البلد فيها فساد بالناس دي ؟؟
وبعدين احنا اكيد مش كاملين وكلنا خطائين بس بنتحرى الحلال في كل شيء يعني مابارتشيش في شغلي ولا باقبل هدايا وباحرص على مصلحة العمل ومابأكلش بيتي قرش الاوانا تعبان فيه بفعل وجهد حلال وربنا بيبارك في الرزق والمال الحلال مش حهز وسطي وارقص وراء العوالم عشان اطعم عيالي ؟؟!!
دمت بصحه

و ليه مايكونش ابوه عنده القلب و لازم يعمل عمليه علشان يعيش..؟؟؟

و ليه ماتكون امه ست عنها فشل كلوي, و محتاجه فلوس غسيل..؟؟؟

ليه مايكونش اخوه عنده مرض لا سمح الله خبيث و محتاج يتعالج..؟؟؟


و ليه بقى النقاش و الكاشيير اللي في نظرك محترمين مهما حصل لانهم بيشتغلوا شغل محترم مايكونش فيهم مثلا

واحد بيسرق من الدرج بتاع الكاشيير..؟؟؟

ليه النقاش مايكونش بيشرب مخدرات بردو..؟؟؟

ليه الميكانيكي مايكونش بيزني او عايش في الحرام..؟؟؟

ليه مايكونش بتاع المناديل ده بيتاجر في الخدرات و شغله ده مجرد ستاره..؟؟؟

ليه مايكونش اي واحد فيهم مابيتقيش الله في شغله او بيته او عياله..؟؟؟؟

مين اللي قالك ان كل دول لمجرد انهم اشتغلوا شغل حضرتك و غيرك شايفينه محترم ( و ده الظاهر فقط)
انه يبقى كده محترم فعلاً, و كسب احترام الناس من الباطل..؟؟؟؟؟ لانه لا يستحق

بس عارف, هو كده انسان ذكي جداا لانه فاهم كويس ان الناس ليها بس باللي بره و الظاهر,
و عمرهم ما هيفكروا يعرفوا التفاصيل لانها ماتخصهمش....

عارف لو (صبي الرقاصه ده) اشتغل ميكانيكي, و كان بيزني.... حضرتك و غيرك هتحترموه

عارف لو بيشتغل اي حاجه الظاهر من بره انها شريفه, و هو في الاصل تاجر مخدرات او حرامي
ماكانش اتقال عليه كل الكلام ده, و كان هيبقى مثال يحتذى بيه في الكفاح و النضال من اجل لقمة العيش الشريفه

فعلا شئ غريب جدااا... عموماً ده رأيك, و رأيك يحترم...