الموضوع: عايزة اتجوز---------------------------------(2)

تابع الخطبة
______________

الحب قبل الخطبة هل هو مشروع؟

من فطرة الله التى فطر الناس عليها ميل الرجل للمرأة ورغبته فى صحبتها وسكنه اليهاوكذلك الأمر للمرأة وقد شرع الله لتحقيق ذلك نهجا قويما هو الزواج
الذى من مقدماته تقدم الرجل لخطبة المرأة وهذا ما يقع غالبا
او تقدم المرأة لطلب الزواج من الرجل وهو ما يقع نادرا وكلا الأمرين مشروع
ويمكن ان تكون الرغبة مجرد حرص على التزوج من اسرة طيبة دون معرفة سابقة بالزوجة ويمكن ان تكون نتيجة اعجاب وتقدير وقد يقع احيانا ميل قلبى وهوى نفسى
وقد روى ابن عباس رضى الله عنهما انه قال جاء رجل الى النبى صلى الله عليه وسلم فقال ان عندنا يتيمة وقد خطبها رجل معدم ورجل موسر وهى تهوى(تحب) المعدم ونحن نهوى الموسرفقال:
لم ير للمتحابين مثل النكاح
================================================== =================
=ان حب الرجل للمرأة وحب المرأة الرجل شعور انسانى ينبع من اصل فطرى خلقه الله فى اعماق الأنسان وهو الميل =
=الى الجنس الآخر عند بلوغ درجة من النضج العقلى والبدنى وهذا الميل وما يتبعه من حب ليس امرا خبيثا فى اصله =
=انما الخبث والطهر يتعلقان بالأطار الذى ينطلق فيه هذا الميل فهناك اطار طاهر حلال وهناك اطار خبيث حرام =
=اى ان الحب عاطفة نبيلة بنبل غايتها فأن كانت غاية الحب الزواج فما انبلها من غاية =
================================================== =================
ان القرآن يفسح المجال لأنطلاق المشاعر الأنسانية نحو الجنس الآخر حتى فى الفترة الحرجة (فترة العدة)
"ولا جناح عليكم فيما عرضتم به من خطبة النساء او أكننتم فى أنفسكم"سورة البقرة 235

رغم الحرج حيث مات الزوج من قريب لم يضيق الشارع على مشاعر الأحياء من الرجال والنساء واكتفى بوضع ضوابط محددة ترعى حق الميت ولا تضيع حق الحى
تأمل قوله تعالى"علم الله انكم ستذكرونهن"سورة البقرة 235
حيث ان فيه اقرار للمشاعر الكامنة بين الجوانح "ولكن لا تواعدوهن سرا"نفس الآية :نهى عن السلوك المنحرف


ان للزواج مقدماته من تعارف ثم خطبة ثم عقد واخيرا يكون الزفاف فهل يضير طريق الزواج وقد يطول او يقصر ان تغمره مشاعر الحب وتتخلله كلمة حلوة بالمعروف او بسمة حلوة بالمعروف كما يتخلله تبادل الرأى والتعاون على اعداد البيت السعيد؟
على ان مشاعر الحب النبيل قبل ابرام العقد تأنف اللمسة الحرام والخلوة الحرام
__________________________________________________ _______________
المشورة فى الخطبة :
=============
المستشار مسئول امام الله
فيجب ان يذكر كل ما يعرفه عن المسؤول عنه الخاطب واهله او المرأة واهلها سواء محاسن او مساوىء لأن ذلك من النصيحة الواجبة شرعا وفى الحديث"الدين النصيحة"

وقد طبق النبى صلى الله عليه وسلم ذلك حين ذكرت له فاطمة بنت قيس ان معاوية بن ابى سفيان وابا جهم خطباها فقال:"اما معاوية فصعلوك لا مال له واما ابو جهم فلا يضع عصاه عن عاتقه أنكحى اسامة بن زيد"


وذكر المستشار مساوىء المسئول عنه لا يعد من الغيبة المحرمة بل هو مباح مشروع

قال الغزالى :
المستشار فى التزويج وايداع المانة له ان يذكر ما يعرفه على قصد النصح لا على قصد الوقيعة

فان علم انه يترك التزويج بمجرد قوله لا تصلح لك فهو الواجب وفيه الكفاية

وان علم انه لا ينزجر الا بالتصريح بعيبه فله ان يصرح به

المشاركة الأصلية كتبت بواسطة azmeralda

الى remomemo

احب اوضح حاجة

ولو هتقوم عاصفة برضه

شرعا

اذا تقدم اكثر من خاطب للمرأة ولم تتم الموافقة على احد منهم بل امهلت هى او وليها الخاطب وقتا للأختيار فلها ان تختار من تشاء منهم ولا يشترط ان تختار اول خاطب ولج الباب

اما اذا تمت الخطبة واعطت المرأة او وليها وعدا لمن تقدم فانه يحرم الموافقة على احد غيره ويحرم ابتداء لمن يعلم انها مخطوبة ان يتقدم اليها الا اذا فسخت الخطبة الأولى سواء كان الفسخ من جهة الخاطب او المخطوبة


احن مش اتفقنا ان البنت طرف سلبى وقاعدة فى البيت نفرض بالصدفة جالها واحد النهاردة ولسه مش متأكدة من نفسها فى قبول ولا لأ وبتفكر وهتقعد معاه تانى بعد ما لسه هيسألوا عليه اكتر وبكره حظها جه واحد تانى نمنعها تشوفه ويمكن لما يسألوا عالأولانى يطلع فى مصيبة اصلا يبقى ده ظلم ليها ومعروف ان فى بنات على رأى المثل اسمها منديلها طاير يعنى بيجيلها العرسان جماعة فى وقت واحد وتقعد من غير ما حد يتقدم فترات طويلة برضه

وممكن تبحثى بس انا متأكدة
واقرى هنا
فتاوي الخطوبة (من دون عقد زواج شرعي ): النظر للمخطوبة..حدود العلاقة بين المخطوبين.. - منتدى فتكات - منتدى نسائي للمرأة فقط

غير متفق مع حضرتك على الرأى دا
مفيش 2 يشوفوا البنت يعنى فلان يتقدم اديلنا فرصة نفكر ليوم الخميس مثلا فواحد تانى عايز ياخد ميعاد الاب او الام متقولش حاجه لبنتها عن الشخص التانى ويشوفوا رد البنت الاول اذا وافقت بيعتذروا للشخص التانى اذا رفضت بيقولوا للتانى تعالى ويقيموه لكن تقعد مع محمد واول مايخرج يدخل محمود وبعدين احمد وتقعد طول الليل تفكر دا طويل ودا قصير دا وسيم ودا مش عارف ايه غلط طبعا.
انا لما جيت اخطب دخلت بيت ناس قالولى هنرد عليك بعد اسبوعين فى خلال الاسبوعين دول ناس كتير كلمونى عن بنات وانا مكنتش اعرف الاولانيه اصلا لكن احترمتها ومدخلتش بيت تانى.

والرأى دا ابقى متفق معاكى فيه اذا محدش شافها ولا قعد معاها زى محمد عايز يخطبك ومحمود عايز يخطبك وعلى عايز يخطبك اه ممكن على اصله محترم.
لكن تقعد مع محمد وتقوله ادينى فرصه وتقعد مع احمد وتقوله ادينى فرصه لا طبعا

اولا ده مش رأيى انا الشخصى عشان حضرتك تتفق معايا او تختلف معايا انا

ده الرأى الشرعى

انت لو اختك قدامك دلوقتى وفعلا خلال سنين شفت ان كل سنة مثلا بيجيلها 3 فى اسبوع واحد وبتقعد باقى السنة محدش بيجيلها تقابل واحد بس فى السنة هو العمر فى كام سنة البنت طرف سلبى قاعد مستنى مش زى الشاب يقدر يسعى

وبعدين النهاردة جه محمد وبكره جه احمد وطالب ميعاد ضرورى لأنه مسافر خلال عشر ايام مش من حقها تشوفه ؟

طب افرض احمد راح لها الشغل وطلب يقعد معاها تقول له لأ اتفضل لغاية ما افكر فى محمد اللى هى متعرفوش اصلا وعمرها ما شافته قبل كده ولا اعطت له كلمة

يقوم احمد يترفض من غير ما تديله فرصة عشان واحد قعدت معاه مرة ملحقتش تتكلم معاه غير اذيك!

رأيى انا بقى الشخصى ان فى ظروف معينة تضطر البنت لكده
الموضوع مش زى ما انت شايفه انها حطاهم جنب بعض وبتقارن بالأحسن هى فعلا متعرفش اى حاجة عن س واول مقابلة دى ممكن ميكونش اتكلم معاها اصلا وفى ظل الظروف الحالية يبقى حرام تتربط على واحد متعرفش عنه حاجة وموضوع جايز جدا ميتمش طالما مقتنعتش بيه لسه و اذا كانت الظروف تسمح انها متقابلش التانى وفى وقت يستنى لغاية ما تقرر تماما هى حرة وتعمل اللى فى مصلحتها هى عشان متتلخبطش وتتردد

اما لو مقتنعة بيه وفى قبول يبقى خلاص مفيش داعى انها تقابل حد تانى خلاص حتى لو مكنتش ادته كلمة هى مش هتبقى عايزة تشوف غيره اصلا لكن الحق الشرعى مش هقدر اتكلم فيه

لكن عشان اصحاب ليا اللى عدوا التلاتين عرفت مواقف لازم الأهل يعرفوها ان التانى جه لأن ببساطة فى حاجة بيمروا بيها فى المرحلة دى اسمها اليأس والأحباط والزهق من تجريح الناس و بالتالى الرغبة فى القاء النفس فى التهلكة والمحظوظ بقى اللى يجى فى الفترة دى وهو من كام سنة كان متأكد انه ميقدرش يتقدم لها اصلا
فصاحبتى جالها واحد غير مناسب لها اطلاقا وهى مقالتش لهم رد ولا اعطت لهم كلمة لكن عرفتنى انها مترددة وبتفكر توافق واهى جوازة وخلاص اى حاجة عشان تخلص من عانس وتخش فى مدام وببساطة جالها واحد تانى وقابلته و بمجرد ما قابلته فاقت من الحالة اللى هى فيها وعرفت ان فى امل وردت على الأولانى
بالرفض والتانى هو اللى كان مناسب

كان مفروض تعمل ايه ؟

هو حضرتك فاهماها غلط معلش لان انا سمعت نقاش عن الموضوع دا وكان فيه علماء دين واتفقوا فى الاخر على انه لو جلس معاها وقالت افكر متقعدش مع حد تانى غير لما تاخد قرار واظن ان اسبوع مش كتير ومش الاسبوع دا اللى هيخلى البنت تعنس.
وعلى العموم استفت قلبك ولو افتوك يعنى انا رحت اتقدمت لبنت وسبتها تفكر وبعدين شوفت بنت احسن منها اروح اخطب التانية ؟ طب اذا الاولانيه وافقت اقولها معلش انا شوفت واحده تانيه وعجبتنى؟ اذا كنتى حضرتك موافقة على المنطق دا ماشى مفيش مشكلة.
وعلى العموم الاختلاف وارد فى الفتاوى وبعدين عايز اسأل حضرتك سؤال هو انتى منتقبة؟ اصل ممكن نختلف بفتاوى برده فى الموضوع دا وبين علماء ثقات.
وبالنسبة لموضوع العنوسة نفسه بيبقاله اسباب يعنى انا مش هتجوز واحده مش جميله انا حر انا مش هتجوز واحده بتلبس بنطلون انا حر انا مش هتجوز واحده مطلعه نص شعرها من تحت الطرحة انا حر انا مش هتجوز واحده بتحط الوان على وشها انا حر انا مش هتجوز واحده مؤهلها متوسط انا حر انا مش هتجوز واحده ابوها امى حتى ولو كان غنى انا حر انا مش هتجوز واحده اخوها حرامى انا مش هتجوز واحده مشى اختها وحش من الاخر للعنوسه اسباب كتير والسبب الاساسى من عند البنت او من عند اهلها.

صلو على النبى النقاش كدة ممكن ياخذ منحنى شد و جذب لا داعى لة أحنا كلنا أخوة و اخوات و اختلاف وجهات النظر لا يفسد للود قضية و الجواز الحقيقى بيبقى قسمة و نصيب و الله لو البنت نصيبها جة و هية فى قمقم محدش بيشوفها أكيد ربنا كاتب لها نصيبها امتى و فين و مين و الرجل كلى بنى أدم يعنى و الموضوع مش مستاهل و كلنا بنراعى بعض فى مشاركاتنا و ردودنا و بناخذ الامور بالراحة و دعابة علشان الجو العام يبقى لطيف و حلو . كلمة عنوسة دى بتعمل حساسية مفرطة لاى بنت ممكن نسميها لسة نصيبها ما جاش و دة من عند ربنا

المشاركة الأصلية كتبت بواسطة heshamzaky

صلو على النبى النقاش كدة ممكن ياخذ منحنى شد و جذب لا داعى لة أحنا كلنا أخوة و اخوات و اختلاف وجهات النظر لا يفسد للود قضية و الجواز الحقيقى بيبقى قسمة و نصيب و الله لو البنت نصيبها جة و هية فى قمقم محدش بيشوفها أكيد ربنا كاتب لها نصيبها امتى و فين و مين و الرجل كلى بنى أدم يعنى و الموضوع مش مستاهل و كلنا بنراعى بعض فى مشاركاتنا و ردودنا و بناخذ الامور بالراحة و دعابة علشان الجو العام يبقى لطيف و حلو . كلمة عنوسة دى بتعمل حساسية مفرطة لاى بنت ممكن نسميها لسة نصيبها ما جاش و دة من عند ربنا

حضرتك بتقول نقاش ومفيش مشكلة اصلا الحكاية اللى البنت متقبلوش على نفسها متقبلوش على الرجل مينفعش اخرج من عند بنت ادخل بيت بنت تانية والاولانيه مقلتش رأيها او موضوعها مخلصش.
النقطة التانية مفيش بالفتوى دى نص طيب فى علماء قالوا فايدة البنك حرام وعلماء قالوا حلال وعلماء قالوا الحجاب ما لا يرى ما تحته تبقى الست المحجبه هى اللى محدش يشوف حتى عنيها وآخرون قالوا لا وفى الاخير كل واحد حر خد بفتوى العالم اللى ترتاح له.
لكن ما اتكلم عنه هو احترام الاخر يعنى البنت تحترم الشخص الاول وتاخذ وقتها لتقييمه بدون عقد مقارنات بينه وبين شخص آخر طالما انها قعدت معاه وحتى ان كان كل اللى قاله ازيك. وكذلك على الرجل ان يحترم البنت والمنزل الذى طرق بابه ولا يخرج من عندها يروح يخبط على باب تانى طالما ان الخط مازال مفتوحا مع البيت الاول ولا يعقد مقارنات ويقول دى بيضا ودى سمرا ودى غنيه هو المفروض دخل البيت بيبقى عارف قبل ميخش ان الناس دول وضعهم الاجتماعى هو كذا كذا وكذلك البنت قبل مالعريس بيدخل البيت لطلب يدها بتبقى عارفه وضعه ايه بيوت الناس مش بتبقى مفتوحه لاى حد منعا للاحراج بمعنى لو اختى معاها مؤهل عالى وجالنا سباك عايز يطلب ايدها طبعا مش هقعده معاها اصلا ومش هيخش البيت الا اذا جى يصلح حاجه فى الحمام لكن موافقتى على دخول الشخص بيتى فهى موافقة ضمنيه على وضعه الاجتماعى ودخوله البيت يكون مجرد تقييم لاخلاقه وسلوكه .
والبنت اللى كبرت ولسه مجلهاش نصيبها تحط فى دماغها ان ممكن يكون العيب فيها وانا آسف اذا كان كلامى تقيل لما قلت البنت اللى مش جميله مش هتجوزها والبنت اللى بتلبس بنطلون والكلام دا انا اصلا متجوز ويارب الكل يبقى سعيد انا شخص وليا دماغ معينة ممكن تكون متخلفة يعنى راجعه لورا فعندى البنت اللى بتحط ميكياج كدا تبقى مبينة زينتها لغير زوجه فيبقى حرام عليها على العموم انا مش هحاسبها لكنى هقول بلاش منها لما اجى اخطب اصلها مسمعتش كلام ربنا يبقى هتسمع كلامى؟! نفس الكلام على اللى كاشفه نص شعرها او اللى لبست بودى ضيق وبنطلون ضيق وهدور على حد تانى وفى الاخير الكل له كامل احترامى ومتكلمتش عن ادب هنا دى مؤدبة ودى مؤدبة ودى بتصلى ودى بتصلى ودى بنت ناس ودى بنت ناس.
فيه نوع تانى من البنات انا اعرف منهم بنت هى مؤدبة جدا ولبسها محترم جدا وبنت ناس جدا وجميلة جدا بس عيبها انها تخينة قوى ودا بسبب عاداتها الغذائية جاتوهات يوميا وحلويات وبيتزات ودليفرى وحاجه ساقعه لحد مبقى عندها دوالى فى رجليها طب دى كده مظلمتش نفسها؟ طيب بنت تانيه كويسه قوى وجدعه قوى وان طلبت منها اى حاجه تجرى تخلصها وجدعه وتليفونها مبتقفلوش وخدومه قوى بصراحه مش هتجوزها معنديش استعداد ارتبط بواحده جدعه الاقى كل شوية واحد واقف معاها او بيكلمها فى التليفون مش سكتى والله مقصدى اهاجم حد بس ممكن يكون العيب فى البنت مش فى الظروف الناس مش هتبطل تتجوز.

يا باشا الحمد لله أختلاف وجهات النظر لا يفسد للود قضية و طبعا لك مطلق الحرية ان تختار ما تريدة و البنت برضو لها مطلق الخرية هى و أهلها بس لولا اختلاف الاذواق ما حدش حا يتجوز هههههههه لا راجل و لا ست و الحمد لله ان الامور بيكون فبها تفاوت من شخص ل شخص علشان كل حد ياخد نصيبة و سعيد بمشاركتك و انا كل غرضى هو ان الجو بتاع الموضوع يبقى هادىء و محدش يزعل من حد الدبلوماسية بتكون مطلوبة فى الامور الشائكة زى مواضيع الجواز و بالحمكة ممكن محدش يزعل لا راجل و لا ست بس كدة ههههههههههههههههههه