الموضوع: يا ريت اللى ركب العربيتين يفيدنى

[quote=د.أحمد السعيد;3873059185]النوبيرا كان قعدتها اريح و ضبط الدركسيون فيها درجاته ممتازه
الصنى قعدتها تتعب شويه يعنى النوبيرا كانت مريحانى عنها بس الثبات الصنى تتفوق فيه و كمان لا تقارن يابانى بكورى لان اليابانى حاجه تانيه فى الاداء و فى العمر الافتراضى و الحلو مبيكملش يعنى هتلاقى حاجات بسيطه مش مريحاك بس اكيد مش حاجات جوهريه على حساب الموتور و العفشه و الثبات و العمر الافتراضى و لو هتفرق الحاجات دى معاك هات نيسان تيدا فوق الممتازه


بصراحه كلام حضرتك ده مظبوط ونفس اللى حسيت بيه وانا سايق عربيه صنى بتاعه صديق لى مسافه 100 ك
بصراحه النوبيرا كانت اريح فى القعده

بس مش عاوز ااكد حكمى ده وبقول يمكن لانى سوقت الصنى 100 ك فقط اما النوبيرا فكانت عشرة عمر 40000 ك

فياريت لو حضرتك سوقت العربيتين فتره كبيره تنقلى رؤيتك

بالنسبه للتيدا فمشكلتها معايا انى متخوف من سعر اعاده البيع خصوصا انى من هواة التغيير وشويه كده ان شاء الله وهدخل على الالمانى يعنى كمان 3 سنين ان شاء الله

فياريت حضرتك تنصحنى

واخيرا هل فرق السعر بين الصنى سوبر صالون والتيدا اعلى حاجه يستاهل الواحد يدفعه

شكرا لحضرتك

هاقولكم على حاجة يا جماعة أنا كنت ركبت إلنترا 2007 لمدة شهر وبعتها...بس بصراحة قاعدتها كويسة جداً وكراسيها مريحة عن اللانسر والنوبيرا وأنا جربتهم كلهم...بس الحلو ما بيكملش واطية جداً ولو 2 قاعدين ورا تحك منك في المطبات.

المشاركة الأصلية كتبت بواسطة mazagangee

اختي زيك بالظبط كان معاها نوبيرا 2004 اوتو كاملة و جابت صني اوتو 2008
و بصراحة هيه ندمت جدا على التغيير ده
و نفسها لو كانت باعت نوبيرا و اشترت الجديده بتاعتها

طيب ازاى ياباشا اخت حضرتك تندم مع ان من الكورى الى اليابانى يعتبر خطوة للامام

اه ممكن تكون قعده النوبيرا اريح بس الصنى فتيس يابانى واعتماديه

ياريت حضرتك توضح ليه موضوع الندم من نوبيرا الى صنى