يا ريت اللى ركب العربيتين يفيدنى

**abo_anas** · 20-09-2010 05:31 PM

اولا السلام عليكم دى اول مشاركه لى فى هذا المنتدى المحترم

ثانيا انا كان معايا نوبيرا 2004 كامله اتوماتيك وبعتها وعلى وشك شراء صنى سوبر صالون

ارجوا من الاخوه اللى جربوا العربيتين < نوبيرا و سوبر صالون> معرفه الفرق اللى هحسوا فى الصنى

اخيرا انا مش بقارن العربيتين انا بس عاوز اعرف الفرق اللى هحس بيه

شكرا لكم اخوكم محمد عبده

**WalidAdel** · 20-09-2010 06:55 PM

هاتحس بيه اوي اوي اوي ياباشا دي كوري و دي ياباني
انا ركبت الاتنين علي فكره الفرق شاسع بين الاتنين و هاتحس بفرق كبير طبعا من ناحية الثبات و التسارع و قطع الغيرا المعمره و مش هاتحس انك جايب سرعه عاليه غير بعد لما تعدي ال130-140 مثلا و خامات التابلوه اللي اكيد احسن حاجات كتير اوي ياباشا هتحسها

**M.Al-Hefnawy** · 20-09-2010 09:43 PM

أنا كان معايا نوبيرا ودلوقتي راكب لانسر ياباني فرق كبير طبعاً في الثبات والعلو عن الأرض بالنسبة للياباني...واللي عرفته إن النسيان كمان أفضل من اللانسر.

**abo_anas** · 20-09-2010 10:30 PM

المشاركة الأصلية كتبت بواسطة walidadel

هاتحس بيه اوي اوي اوي ياباشا دي كوري و دي ياباني
انا ركبت الاتنين علي فكره الفرق شاسع بين الاتنين و هاتحس بفرق كبير طبعا من ناحية الثبات و التسارع و قطع الغيرا المعمره و مش هاتحس انك جايب سرعه عاليه غير بعد لما تعدي ال130-140 مثلا و خامات التابلوه اللي اكيد احسن حاجات كتير اوي ياباشا هتحسها

شكرا ليك
بس هل قعده الصنى زى النوبيرا انا بصراحه كنت مرتاح جدا من قعده النوبيرا

وهل فى فرق واضح فى الثبات برده النوبيرا كان ثباتها كويس خصوصا انى فى الغالب ما بعديش 120 كلم

**abo_anas** · 20-09-2010 10:32 PM

المشاركة الأصلية كتبت بواسطة peaceman

كلام مظبوط 100% و كمان النيسان عالية عن الارض عن النوبيرا كمان

شكرا ليك
فعلا نقطه ارتفاع الصنى عن الارض دى من ضمن المميزات اللى انا مستنيها

**abo_anas** · 20-09-2010 10:35 PM

المشاركة الأصلية كتبت بواسطة egy77

أنا كان معايا نوبيرا ودلوقتي راكب لانسر ياباني فرق كبير طبعاً في الثبات والعلو عن الأرض بالنسبة للياباني...واللي عرفته إن النسيان كمان أفضل من اللانسر.

باشا اشكرك على اهتمامك

بس الثبات متهيألى الفرق مش شاسع بين النوبيرا واللانسر ان لم يكن فى صالح النوبيرا
العلو عن الارض ممكن يكون فى صالح اللانسر

**WalidAdel** · 21-09-2010 12:35 AM

المشاركة الأصلية كتبت بواسطة salmay

شكرا ليك
بس هل قعده الصنى زى النوبيرا انا بصراحه كنت مرتاح جدا من قعده النوبيرا

والله بص انت جيت علي الوتر الحساس بالنسبالي في العربيه دي
اول لما جت كانت كويسه بس ممكن من القاعده تتوجع بس دا بعد سواقه مثلا 6 ساعات قاعد في العربيه انا النوبيرا ركبتها مع واحد صاحبي سافرنا بيها الزقازيق و رجعنا تقولش كنت راكب دبابه نازل من العربيه تعبان اخر حاجه هيا العربيه موديل 2004 عامله حاجه و 80 تقريبا بس مكنتش مرتاح فيها خالص
لكن الصني تسافر و مثلا الزقازيق و تنزل منها و تركب و كده و بعد ماترجع ماتحسش بتعب السفر
ارجوا اكون واضحتلك المطلوب
بالنسبه للانسر و النوبيرا اللانسر اعلي من النوبيرا حبه دا بيخلي كميه الهوا اللي داخله تحت العربي اكتر فهاتحس انها عاديه علي عكس النوبيرا واطيه و مريحه علي الارض كده
انا كنت راكب النوبيرا علي طريق الساحل الاشمال من الكيلو 21 لحد بوابه مارينا 7 كل لما صحبي بييجي يزود عن ال 120 بحس ان العربيه مش امان خالص و تحس انها لو حاجه قطعت عليك الطريق هاتلبس فيها لبسه تمام لكن بعربيتي و الحمد لله بمشي علي طريق الساحل دا 140 و 150 و عادي مش مضايق ولا قلقان و ربنا يستر طريقنا جميعا

**د.أحمد السعيد** · 21-09-2010 10:05 PM

النوبيرا كان قعدتها اريح و ضبط الدركسيون فيها درجاته ممتازه
الصنى قعدتها تتعب شويه يعنى النوبيرا كانت مريحانى عنها بس الثبات الصنى تتفوق فيه و كمان لا تقارن يابانى بكورى لان اليابانى حاجه تانيه فى الاداء و فى العمر الافتراضى و الحلو مبيكملش يعنى هتلاقى حاجات بسيطه مش مريحاك بس اكيد مش حاجات جوهريه على حساب الموتور و العفشه و الثبات و العمر الافتراضى و لو هتفرق الحاجات دى معاك هات نيسان تيدا فوق الممتازه

و موضوع فتيس النوبيرا انا غيرته مره و كان هيبوظ تانى قلت كفايه و جبت الصنى و المشكله مش عيب فى الفتيس على فكرة المشكله ان محدش فاهم فيه كويس و ان تبريده مش كويس فعايز يتغير زيته مضبوط