أنا صح..ولا غلط؟؟

**A7MED_PHARMA** · 21-09-2010 08:28 PM

المشاركة الأصلية كتبت بواسطة m_elkhishin

ليس كل ما يتمناه المرء يدركه ، تأتي الرياح بما لا تشتهي السفن

قدرها ان زوجها يتوفى وهي صغيره
وقدره انه يتحمل المسئوليه بدري بدون اختيار
القدر محدش يقدر يقف في وجهة
هو اذا تنصل من مسؤليته ممكن يكون حق من حقوقه، ومحدش حيعيب عليه
انما لو ربنا قدره يشيل المسئوليه دي يبقى أجره وثوابه عظيم جدا عند الله، لأنه حيبقى ضرب كذا عصفور بحجر واحد، ستر مراة اخوه وبناتها لأنه اصلا محرم لهم، بالوقت الحاجز بينه وبين زوجته حيخف تدريجيا لحد ما يتلاشى وبالتالي حيعوض حاجتها وحاجته الانسانية.زي اما واحد يتجوز بنت عمه اللي طول عمره حاسس انها اخته.
وانا شايف ان فرق 3 سنوات مش فرق كبير قوي ، يعني ممكن جدا التعايش معاه ، ياما ناس بتتجوز ناس اكبر منها.

أهم شيء في الموضوع ده القبول من الطرفين والايمان بقضاء الله وقدره

على وافق ..علشان لايملك الرفض
علشان محدش يتهمه بالتقصير في حق أخوه المتوفي
حتى لو هوا حابب كده..مش هيفوق منها إلا بعدين

المشاركة الأصلية كتبت بواسطة mahmoudselim

اية المشكلة في الموضوع يعني
ما يتجوزها دا عفة ليها ولية .. وبعدين الراجل مش صغير ولا حاجة
اكيد لو كان بيدرس كان زمانة خلص ,, مكانش يبقي اكيد بيشتغل ولية دخل شهري
واكيد الاهل هيساعدوة.. دا بالعكس هيتعلم تحمل المسؤولية اي نعم هتبقي تقيلة وصعبة في البداية
لاكن اية في الحياة دلوقتي سهل يعني ..
وبعد كدا لما ربنا يفتحها علية ممكن يتجوز تاني لو حب يعني
علي الفكرة الموضوع مش عادات وتقاليد ولا حاجة .. دي من تعاليم الاسلام
الموضوع مجاش في الدين بالنص يعني ان الواحد يتجوز مراة اخوة المتوفي لاكن التحريض علي
ستر ارامل المسلمين وتوفير معيشة كريمة لهم وتلبي "كل مطالبهم" علشان ميقعوش فريسة لوسوسة الشيطان
دا غير ان الست ديما محتاجة راجل يحميها..
وفي الحالة دي بالذات اكيد اهلك شافو ان اكتر واحد ممكن يحافظ علي مرات ابن عمك و "ولادة" هو اخوة علي
يبقي اية المشكلة في كدا اكيد هما ادري بطبيعة كل واحد عندكوا في العيلة بحكم الخبرة في الحياة

لو أخدت بالك
علي مش هيقدر يعيش طبيعي
مش هيقدر يقول لزوجته(إرملة أخوه إلي كان بيقولها ياأبلة أسماء)
مش هيعرف يقولها """بحبك"""
ودي أقل كلمة بين راجل ومراته

**ashouhdy** · 21-09-2010 08:33 PM

دة رأى على و أسماء أولا و بعد كدة رأى العيلة ييجى

لكن لو أجبار ع اسوأ الفروض ع حيتجوز عليها و هى حتعيش تعيسة الا اذا ربنا وفق وقرب القلوب

بالنسبة لعلى ربنا معاة حيشيل مسئولية كبيرة وهو لسة صغير لكن ثوابة الجنة ان شاء الله

**w-m-a** · 21-09-2010 08:55 PM

المشكله ان العائله بتنظر للموضوع من منظور واحد البنـــــــــــــــــــــ ــات
يمكن يكون عندهم حق بس ...................!!!
يعنى لو عماد الله يرحمه مالوش اخوات كانوا هيرضوا انها تتجوز بعد 8 شهور؟؟؟؟؟؟؟؟؟؟
ولو اسماء هى بنتهم كانوا هيرضوا انها تتجوز اخوه الصغير واصغر منها بـ3 سنين ؟؟؟؟؟؟؟
ولو على كان بيحب ارمله او مطلقه وعاوز يتجوزها كانوا هيرضوا ؟؟؟؟؟؟؟؟؟
صعب على الشاب ده انه يصحى الصبح يلاقى نفسه مكان اخوه ....
فعلا ازاى يمارس حياته الطبيعيه والزوجيه مع واحده امبارح كان بيقول لها يا ابله
ولسه لما الحياه تمشى واسماء تقارنه بأخوه
الله يرحمه كان وكان
الله يرحمه كان بيعمل ويسوى
الله يرحمه كان بيجيب ويودى
..اخيرا المشكله كبيرة واعتقد انها ليس لها حل
الكبار قرروا وسبق السيف العزل
ربنا يوفقهم لما فيه الخير للجميع

**ahmedsamir5edr** · 21-09-2010 09:07 PM

في كل الحالات لازم هي تتزوج لأنها صغيره .. سواء من داخل العيله أو براها

و لو الموضوع اجبار ل علي .. تبقي كارثه

**ahmed ismail** · 21-09-2010 09:07 PM

بص يا دكتور احمد
انت بتقول المرحوم عنده بنتين

تعرف لو كانوا ولدين على الاقل كنت ممكن افكر ذيك

انا صعيدى ومقتنع بكلام كبار عيلتكم مينفعش البنات يريبهم غير عمهم ايا كان بقى عمهم ده متجوز اتنين زى الاخين الكبار او اعزب زى على
ثانيا وضع على المادى يا ترى يسمحله يبدا حياة امتى و بعد اد ايه ممكن يكون ليه حسابات مختلفة و ربك له تصاريف فى خلقه

العدل اللى البشر عايزين يشوفوه متحقق ( زى موقف حضرتك دلوقتى ) مش لازم يكون هو العدل الحقيقى او العدل الربانى
لان ممكن يكون اسباب رفضك للموضوع هى اسباب نجاح الموضوع و وجود الحب بين الطرفين
ممكن يكون سبب شعور الارمله انها اكبر من على انها تبقى اكثر حنانا عليه و تدلعه اكتر و تاخد بالها منه و يشعر بسعادة زوجيه قد لا يحصل عليها عندما يتزوج البكر يعننى بمعنى اخر سبب رفضنا للموضوع ممكن يبقى سر نجاح الموضوع خصوصا ان الستات عارفه كويس عقل الرجالة الصغير فى نقاط معينه و بالتالى بدل ما ياخد واحدة تنكد عليه ياخد واحدة تسعده
ثانيا الكسوف و النظرة المسبقة و فرق السن و كل الكلام ده حينتهى اول ما يبقوا فى اوضه واحدة مع بعض و بعد اول اسبوع حيعشوا حياة طبيعية جدا بعد ما تنكسر حوائط الخجل و الحياء فيما بينهم و بالتالى مش سبب لرفض الجوازة

ثالثا الحديث عن رغبتها مهم و ضرورى ولو ان وضعها صعب بالبنتين اللى معاه و اظن ان التفكير العقلانى بيقول ان عم البنات اولى ان يكون ابوهم من حد غريب و ان العيشة بقية حياتها ارملة صعبة جدا و تربية البنات و مسئوليتهم فى عدم وجود زوج ايا و عدم وجود دخل شهرى محترم منتظم غير مرتبط بوجود فرد او بالحلاة المزاجية له او باستجداءه و استعطافة بعد مرور خمس سنين مثلا من دلوقتى و بالتالى ضرورة وجود راجل فى البيت مهمة جدا جدا جدا فى الفترة ديه و انت متعرفش الغريب اللى داخل على البيت حيربى البنات ازاى

و نصيحة منى ليك خلى بالك انت اعزب و ممكن جدا تتفهم غلط فى الموضوع ده كله

**ahmedsamir5edr** · 21-09-2010 09:15 PM

المشاركة الأصلية كتبت بواسطة ahmed ismail

بص يا دكتور احمد
انت بتقول المرحوم عنده بنتين

تعرف لو كانوا ولدين على الاقل كنت ممكن افكر ذيك

انا صعيدى ومقتنع بكلام كبار عيلتكم مينفعش البنات يريبهم غير عمهم ايا كان بقى عمهم ده متجوز اتنين زى الاخين الكبار او اعزب زى على
ثانيا وضع على المادى يا ترى يسمحله يبدا حياة امتى و بعد اد ايه ممكن يكون ليه حسابات مختلفة و ربك له تصاريف فى خلقه

العدل اللى البشر عايزين يشوفوه متحقق ( زى موقف حضرتك دلوقتى ) مش لازم يكون هو العدل الحقيقى او العدل الربانى
لان ممكن يكون اسباب رفضك للموضوع هى اسباب نجاح الموضوع و وجود الحب بين الطرفين
ممكن يكون سبب شعور الارمله انها اكبر من على انها تبقى اكثر حنانا عليه و تدلعه اكتر و تاخد بالها منه و يشعر بسعادة زوجيه قد لا يحصل عليها عندما يتزوج البكر يعننى بمعنى اخر سبب رفضنا للموضوع ممكن يبقى سر نجاح الموضوع خصوصا ان الستات عارفه كويس عقل الرجالة الصغير فى نقاط معينه و بالتالى بدل ما ياخد واحدة تنكد عليه ياخد واحدة تسعده
ثانيا الكسوف و النظرة المسبقة و فرق السن و كل الكلام ده حينتهى اول ما يبقوا فى اوضه واحدة مع بعض و بعد اول اسبوع حيعشوا حياة طبيعية جدا بعد ما تنكسر حوائط الخجل و الحياء فيما بينهم و بالتالى مش سبب لرفض الجوازة

ثالثا الحديث عن رغبتها مهم و ضرورى ولو ان وضعها صعب بالبنتين اللى معاه و اظن ان التفكير العقلانى بيقول ان عم البنات اولى ان يكون ابوهم من حد غريب و ان العيشة بقية حياتها ارملة صعبة جدا و تربية البنات و مسئوليتهم فى عدم وجود زوج ايا و عدم وجود دخل شهرى محترم منتظم غير مرتبط بوجود فرد او بالحلاة المزاجية له او باستجداءه و استعطافة بعد مرور خمس سنين مثلا من دلوقتى و بالتالى ضرورة وجود راجل فى البيت مهمة جدا جدا جدا فى الفترة ديه و انت متعرفش الغريب اللى داخل على البيت حيربى البنات ازاى

و نصيحة منى ليك خلى بالك انت اعزب و ممكن جدا تتفهم غلط فى الموضوع ده كله

عين العقل

**haroun707** · 21-09-2010 10:07 PM

بص يا احمد انا معاك ان الوضع فعلا مش سليم علشان السن بس مش اكثر

لكن انا ليه استفسار بسيط هو فين اهل البنت وهل هما مالهمش رأى فى الوضع ده

لأن انت قولت كلمه انها ماتملكش الرفض

**mana_81** · 21-09-2010 11:13 PM

مين قال انها لا تملك الرفض اذا كانت العيلة خايفة ان البنات تتربي بعيد عنهم فهي عندها اختيارين اما ان توافق علي أخو زوجها علي وده لو فيه قبول او انها ترفض وتقول انها مش هتتجوز خالص او علي الاقل مش بتفكر في الجواز دلوقتي وهتعيش وسطيكوا وكده البنات مازالت تحت سيطرة العيلة
وربنا يقدر لهم الخير