أنا صح..ولا غلط؟؟

**A7MED_PHARMA** · 21-09-2010 11:26 PM

ياجماعة
علشان أوضح الصورة...أرملة عماد يتيمة الأب .. ووالدتها ست مسنة جدا
يعني
إحنا دلوقتي كل عيلتها
.........
علي
كان بيحب أخوه عماد أكتر من أي حد من إخواته
وأنا مش معترض بس من ناحية السن
ياريت تشوفوا الردود ..وتعرفوا إن الموضوع مش موضوع سن
لاااااا

موضوع إن على كان بيقولها يا ""أبلة أسماء""..مرات أخوه الكبير
علي هيعيش بديل لأخوه
مش هيقدر يحس بحياة زوجية مستقرة
مش هيقدر حتى يقول لمراته(أرملة أخوه)...بحبك

ياجماعة الموضوع صعب...وأنا مش قادر أوقف الموضوع في العيلة
الكبار شايلين هم البنات
لكن محدش شايف إن على وأسماء حياتهم هتبقا صعبة
مهما حاولوا
هتفضل الصورة زي الأول صعب تتغير
على أخو أسماء الصغير....وصعب أوي فجأة يبقا جوزها

**remomemo** · 21-09-2010 11:37 PM

طيب هما سالو اسماء ولا كلها قرارات بدون علمها
وبعدين على راجل صحيح صغير 23 سنة بس فى الزمن ده ماحدش بيتجوز غصب عنه
واضح من كلامك ان العيلة هيا اللى هاتتحمل المصاريف موش على يبقى لازمة الجواز فى الوقت الحرج ده مطروحة ليه دلوقت

**A7MED_PHARMA** · 21-09-2010 11:42 PM

البنات يدبوك ..الكبيرة أسما 3 سنين
والصغيرة جانا شهرين

..وزي ماقولت
على السكينة سرقاه زي مابيقولوا ...بس يارجالة صعب
صعب إنه فضل 4 سنين يقولها ياأبلة أسماء ..وهيا كانت بتعامله زي أخوها الصغير
وفجأة
تلافي جوزها
وهيا ملهاش رأي في الموضوع خااالص..هيا طبعا لسه مصدومة بموت جوزها

والأغرب
أول مرة أشوف والدي مش ديموقراطي خاااالص بالشكل ده
مش عاوز حتى يتناقش معايا في الموضوع ده..يعني والدي وعمي قرروا
وخلاص
الصيف الجاي
هيجوزوهم

وحسبي الله ونعم الوكيل..أنا مش عارف هما بيفكروا إزاي
حراااااام

**remomemo** · 21-09-2010 11:47 PM

طيب ماتدخل لوالدك من ناحية الدين ارملة ابن عمك لسه فى العدة اساسا ازاى يتكلمو ولا يفكرو فى اى جواز دلوقت
على فكرة ممكن لما الموضوع يهدى المشكلة تتحل من نفسها

**heshamzaky** · 22-09-2010 12:23 AM

بص يا باشا حا اقولك حاجة ممكن نبص للموضوع من وجهت نظر اخرى البنت يتيمة صح و مش بتشتغل ربة منزل لها ميراث تمام بس معاها صفلين عاوزة راجل جنبها الدنيا مش سهلة و الحياة صعبة و الاولاد انتم عاوزينهم نمسك الموضوع كدة و نفصصة من حقها حضانة الاطفال قانونا الا لو تزوجت يسقط هذا الحق و سيأول الى الجد عمك لان ابوها و امها متوفين مش دى المشكلة هية عاوزة عيلة و عزوة و أقولك حاجة ما تتكلم معاها بينك و بينها و شوف رأيها هى مصدومة بس مش مغيبة و حا تستوعب الكلام دة و معلش ابن عمك الى عندة 23 سنة لسة صغير جدا انة يشيل مسؤلية ربنا يدى الحاج والدة طول العمر بس بعد عمر طويل ممكن يتمرد بجد و الله لو انت شخصيا ممكن تعمل الموضوع دة اتجوزها لو وافقت ربنا حا يكرمك بجد و الله مش بهزر و ممكن نتناقش لو تحب بالعقل فكر كدة و اضربها فى دماغك

**heshamzaky** · 22-09-2010 12:25 AM

المشاركة الأصلية كتبت بواسطة otefa

فرق 3 سنين بس وبيقولها أبلة ..........بس ده أكيد كان أحترام لزوجة الأخ الأكبر وليس لفرق السن...........فأ نا شايف دي مش عقبة بالمرة
في حالة وجود القبول بينهم

طبعا دة مش فرق سن يستدعى يقولها كدة و ممكن يتأقلم عادى جدا

**heshamzaky** · 22-09-2010 12:27 AM

المشاركة الأصلية كتبت بواسطة otefa

أعملوا الحل ألي قلت أنت عليه أولا فيحصل طمأنينة عند الأرملة...............وسيبوا موضوع الجواز ياخد وقته تماما سواء مع القريب أو البعيد ...............ده غير الزواج من أرملة ومعها أطفال له ثواب عظيم عند الله بشرط مايكونش في نفور بينهم

طبعا ثواب و يسترها و يستر العيال بس مش على لانة صغنن جدا جدا 23 سنة معلش فى الكلمة لسة لم ينضج فكريا اساسا