وحانت لحظه الصيانه

**organic_magic** · 21-09-2010 11:57 AM

كنت مركب جنوط 16 over wide وبعدين علشان المطبات الحمد لله زى الفل خفت الجنوط تتعوج غير ان الكاوتش كان بيحب يلم كل المسامير اللي تقابله وكل 3 شهور اغير فرده كاوتش ب 400 جنيه وعلشان اركب الجنوط قصيت اليايات الاصليه بتاعه العربيه

المهم قررت ارجع العربيه زى الاول فشتريت يايات استعمال خارج وبعت الجنوط بالكاوتش وجبت الجنوط الحديد وكاوتش 13 العادي بتاع العربيه وبالمره جبت طقم رشاشات BMW , M40 موديل 90 بالمسطره بتاعتهم وخليت الراجل يفكهم من ماتور ادامى

ونزلت اغير الرشاشات واليايات راح العفشجى الله يكرمه اكتشف انى المفروض اغير كل دا

طبعا نظفت الرشاشات ب التراسونيك و بعد ماخلصت لاقيت طرمبه الميه ضربت اكيد قالت اشمعنى انا رحت شاري واحده جديده

وانا حبيت بس انقلكم اخر تحديث للاسعار وياريت لو حد شايف ان فيه حاجه غاليه يقولى اهو كلنا نفيد بعض

**zizoagain** · 21-09-2010 12:38 PM

الف مبروك التجديد وشاكرين اهتمامك بانك تعرفنا الاسعار

**organic_magic** · 21-09-2010 01:54 PM

معلش ياريت لو حد بس يفيدنى بموضوع الاسعار اللي حاططها - الميكانيكى دا اول مره اجربه وشاري من عنده قطع الغيار فياريت لو حد يفيدنى علشان لو كدا الحق نفسي واشوف غيره - دا مركز متكامل في كل حاجه كهربا عفشه ميكانيكا سمكره

**m0hsen** · 21-09-2010 02:03 PM

سير الكاتينة والبلية 40 - 45

**organic_magic** · 21-09-2010 02:07 PM

المشاركة الأصلية كتبت بواسطة m0hsen

سير الكاتينة والبلية 40 - 45

الاتنين مع بعض ؟؟

**Sherif Khalifa** · 21-09-2010 02:18 PM

و انت لية تشترى من الميكانيكى ؟!
الحاجات المكتوبة فى الكشف هيا فعلا الحاجات البتتغير مع الصيانة الدورية
الاسعار معقولة ماعدا بعض الحاجات الغالية شوية زى بيض المقص بى حوالى 65جم

**Sherif Khalifa** · 21-09-2010 02:20 PM

و انت لية تشترى من الميكانيكى ؟!
الحاجات المكتوبة فى الكشف هيا فعلا الحاجات البتتغير مع الصيانة الدورية و يزيد عليها فلتر الهواء و سير دينامو و سير تكيف لو المكنة 1500
الاسعار معقولة ماعدا بعض الحاجات الغالية شوية زى بيض المقص بى حوالى 65جم

**organic_magic** · 22-09-2010 03:22 PM

المشاركة الأصلية كتبت بواسطة sherif khalifa

و انت لية تشترى من الميكانيكى ؟!
الحاجات المكتوبة فى الكشف هيا فعلا الحاجات البتتغير مع الصيانة الدورية و يزيد عليها فلتر الهواء و سير دينامو و سير تكيف لو المكنة 1500
الاسعار معقولة ماعدا بعض الحاجات الغالية شوية زى بيض المقص بى حوالى 65جم

والله انت ميه ميه

رحت سالت بعد منت قلتلى ليه تشترى من الميكانيكى عند واحد بتاع قطع غيار عنده اصلى وعنده المضروب

طلع الميكانيكى مدينى بزياده من 5 الى 20 جنيه زياده علي القطعه - المهم مكدبتش خبر طلعت علي الميكانيكى قالى اشتريلى كل الحاجه وانا اديلك فلوسك - وجبت الفلوس حوالى 45 جنيه فرق