الموضوع: الميــــت الحـــــى ...!!

المشاركة الأصلية كتبت بواسطة Foxoo7

حمد الله على السلامة

طبعا أنا كمان عارف الاجابة:
العجل فى بطن امه صح
.
.
لا بجد بقى، الشاعر كان بيقول:
والنفس كالطفل إن تهمله شب على... حب الرضاعة وإن تفطمه ينفطم
يعني الشاب السلبي ده، لازم يتحرك من نفسه ويخلق لنفسه دافع
عشان روحه تبقى ايجابيه أكتر ويرضى عن نفسه
كلام عملى: التطوع فى العمل المدني، أخذ الكورسات فى مجال الدراسة
كورسات التنمية البشرية واللغات إلخ،
محدش هيحس بقيمة الحاجات دي إلا اللى خدها فعلا،

البونبوناية بقى عشان منخسرش بعض :)

ههههههههههههههههههههههه حلوةالعجل فبطن امة دى
عندك حق ممكن الواحد يشغل نفسة بحاجة مفيدة بس من غير روح بردة

بنبوناية ايه مشلما نشوف الباقيين قالوايه

المشاركة الأصلية كتبت بواسطة SeiffoZ

فى الأول كنت فاكرك بتتكلمى عن الZombies ... إللى هما الموتى الأحياء .. هههه

بس على فكرة كل إنسان بتجيله فترو بيبقى كده ... مجرد حالة ...

ويطلع منها ازاى الحالة دى ما هو دة السؤال

المشاركة الأصلية كتبت بواسطة shiko85

نقرب من ربنا اكتر
لان ببساطه الشخص القريب من الله سبحانه و تعالى هو الأنسان الحى و البعيد هو الميت

فعلا القرب من ربنا هو غذاء الروح

زىما الجسم بيحتاج للأكل و الشرب عشان يعيش بردة الروح محتاجةلغذاء اللى هو الأيمان

المشاركة الأصلية كتبت بواسطة shiko85

على فكره هى "الحى الميت" مش "الميت الحى"

انا اصلا قاصدة انها تكون الميت الحى لأن فى لحالة دى بيبقى الأنسان حاسس انة ميت فا احساس بالموت هو الأقرب للشخص دة و الحى هى الحاجة البعيدة اللى مش حاسس بيها

فاهم حاجة

المشاركة الأصلية كتبت بواسطة n_i_t_e

ياااه السؤال و الجواب جم على الجرح... ساعات كتيرة بحس زي ما سوما قالت كده.
كلامك جميل يا فوكس بس احيانا مبيبقاش كفاية...
بص انا بفضل الله معايا بكاليريوس هندسة تقدير جيد جدا مع مرتبة شرف و شهادة Software development و Toefl و ICDL و الانجليزي بتاعى الحمد لله كويس و واخد بعض كورسات التنمية البشرية و كنت فى الفترة الأخيرة باخد كورس فرنساوي و بطلت لأن لقيت ان الموضوع مبقاش فارق... و بعت لشركات كبيرة كتير على مدار كذا سنة عشان تعيين و محصلش نصيب. فى حين أن الموضوع بيكون سهل لو معاك واسطة من غير ما تتعب.
أنا عايز أقول أن ساعات الظروف بتكون أقوي منك بكتير و اجابتك ممكن متكونش حل كامل. و كلنا عارفين ان الطموح بيتقتل فى البلد دي.
سلفنى البونبوناية بقى
و مستنى سوما تحرق الأجابة..مستعد أسلفك ولاعة عشان تحرقيها بس قوليها بسرعة

اااااه الطموح دةمشة مشكلة و قتلة مشكلة اكبر هو دةمن الأسباب اللى بتخلق الحالة دى

بس خلى عندك ايمان بالله و ثقة ان ان شاء الله ربنا هيرزقك بشغل كويس

بخصوص البنبونياية دى بقى فأخر الحلقة قصدى الموضوع

المشاركة الأصلية كتبت بواسطة timtim

من أسباب حياة القلب.. ذكر الموت واليوم الآخر
كذلك البعد عن المعاصي والتقرب إلى الله
قال تعالى عن الكفار والمشركين " أموات غير أحياء وما يشعرون أيان يبعثون "

المشاركة الأصلية كتبت بواسطة shiko85

همممممممممم
طول عمرى مقتنع ان محدش بيكسب حاجه فالمسابقات دى
الناس تفضل تبعت و تشارك و فالأخر مفيش جوايز
المفروض المسابقات دى تكون تحت اشراف أداره المنتدى

ههههههههههههههههههههههههه هه مش قلنا بعد ما يخلص الموضوع

المشاركة الأصلية كتبت بواسطة ahmed_nubira

انتى بتفكرى فى حجات غريبه الصراحه اول ما بتصحى...انا اول ما بصحى باخد لفه فى البيت وارجع انام تانى لحد ما افوق (حد فهم حاجه ) هههههههه

هههههههههههههههههههه اه انا فاهمة بس انا ممكن اقعد ساعةفى السرير على بال ما اقوم فا عشان كدة دماغى بتشتغل

المشاركة الأصلية كتبت بواسطة charming

متقليش كثير بالعشاء و نامى خفيف عشان تصحى و انتى متفائلة

المشاركة الأصلية كتبت بواسطة soma_sooma

ههههههههههههههههههههههههه هه مش قلنا بعد ما يخلص الموضوع

طيب, مش ناسيه حاجه ؟؟؟

من الآآآخر_انتى فى مصر_يعنى تمن كورس الإنجليزى _وليفل واحد بس الف جنيه_هاتجيبى منين_حتى لو ينفع _ومعاكى فلوس_المواصلا
ت اصبحت غير مشجعة والبلد زفت_وزحمة جدا_وغير النزول من البيت نفسة مكلف جدا_جربى تركبى ميكروباص _بقى اخر سفالة_جربى التاكسى_هاتدفعى دم قلبك_ خدى المترو_هاتضربى وتداسى_روحى بعربية_هاتتظبطى فى مخالفة صف تانى_اوباركينج ب20 جنيه_وكل دة بدون فايدة _لأن الباشا الكبير قالها_سعد زغلول باشا_مافيش فايدة ياصفية غطينى وصوتى عليا._انت فى مصر_حيث الصخرة التى تتحطم عليها آمالك.

المشاركة الأصلية كتبت بواسطة soma_sooma

انا اصلا قاصدة انها تكون الميت الحى لأن فى الحالة دى بيبقى الأنسان حاسس انة ميت فا احساس بالموت هو الأقرب للشخص دة و الحى هى الحاجة البعيدة اللى مش حاسس بيها

فاهم حاجة

حاولت بس مفهمتش, مفيش ترجمه ؟؟