الميــــت الحـــــى ...!!

**Soma_Sooma** · 21-09-2010 01:57 PM

السلام عليكم جميعا،،،

انهاردة لما صحيت من النوم كدة لقيتنى بفكر فموضوع مهم

هو الميت الحى

هتقولولى طبعا مين هو الميت الحى؟؟

هقولكم دة الشخص اللى بيتعامل مع الناس ويضحك ويخرج و يشتغل او يدرس ويعمل كل حاجة طبيعية جدا...
بس هو من جواه لوحدة مع ان الناس كلها جنبة و بيتعامل عادى ،، بس حاسس انة من جواه انسان ميت مش حاسس ان فى حاجة مهمة فحياتة عايش بدون هدف قدامة ،، ممكن يكون فى اهداف كتيرة قدامة يحقها ،، بس مش قااااادر معندهوش اللأرادة او الحافذ اللى يخلية يعمل اى حاجة، بأختصار مفيهوش روح...

"فأصبح الأنسان الميت الحى"

مش هتكلم عن الأسباب عشان دى بتختلف من انسان لأخر وكل واحد بظروفة

لكن اللى عايزين نتناقش فية هو ازاى نقدر نخلق لنفسنا روح نتصرف ازاى ونعمل ايه ؟؟

دة اللى عايزين نتناقش فية

وانا عندى اجابة السؤال دة بس مش هحرقة طبعا

واللى هيجاوب صح هديلو بونبوناية

**M.Radwan** · 21-09-2010 02:07 PM

حمد الله على السلامة
طبعا أنا كمان عارف الاجابة:
العجل فى بطن امه صح

.
.
لا بجد بقى، الشاعر كان بيقول:
والنفس كالطفل إن تهمله شب على... حب الرضاعة وإن تفطمه ينفطم
يعني الشاب السلبي ده، لازم يتحرك من نفسه ويخلق لنفسه دافع
عشان روحه تبقى ايجابيه أكتر ويرضى عن نفسه
كلام عملى: التطوع فى العمل المدني، أخذ الكورسات فى مجال الدراسة
كورسات التنمية البشرية واللغات إلخ،
محدش هيحس بقيمة الحاجات دي إلا اللى خدها فعلا،

البونبوناية بقى عشان منخسرش بعض :)

**SeiffoZ** · 21-09-2010 02:20 PM

فى الأول كنت فاكرك بتتكلمى عن الZombies ... إللى هما الموتى الأحياء .. هههه

بس على فكرة كل إنسان بتجيله فترو بيبقى كده ... مجرد حالة ...

**shiko85** · 21-09-2010 02:20 PM

نقرب من ربنا اكتر
لان ببساطه الشخص القريب من الله سبحانه و تعالى هو الأنسان الحى و البعيد هو الميت

**shiko85** · 21-09-2010 02:30 PM

المشاركة الأصلية كتبت بواسطة soma_sooma

"فأصبح الأنسان الميت الحى"

على فكره هى "الحى الميت" مش "الميت الحى"

**n_i_t_e** · 21-09-2010 03:33 PM

المشاركة الأصلية كتبت بواسطة Foxoo7

حمد الله على السلامة
طبعا أنا كمان عارف الاجابة:
العجل فى بطن امه صح

.
.
لا بجد بقى، الشاعر كان بيقول:
والنفس كالطفل إن تهمله شب على... حب الرضاعة وإن تفطمه ينفطم
يعني الشاب السلبي ده، لازم يتحرك من نفسه ويخلق لنفسه دافع
عشان روحه تبقى ايجابيه أكتر ويرضى عن نفسه
كلام عملى: التطوع فى العمل المدني، أخذ الكورسات فى مجال الدراسة
كورسات التنمية البشرية واللغات إلخ،
محدش هيحس بقيمة الحاجات دي إلا اللى خدها فعلا،

البونبوناية بقى عشان منخسرش بعض :)

ياااه السؤال و الجواب جم على الجرح... ساعات كتيرة بحس زي ما سوما قالت كده.
كلامك جميل يا فوكس بس احيانا مبيبقاش كفاية...
بص انا بفضل الله معايا بكاليريوس هندسة تقدير جيد جدا مع مرتبة شرف و شهادة Software development و Toefl و ICDL و الانجليزي بتاعى الحمد لله كويس و واخد بعض كورسات التنمية البشرية و كنت فى الفترة الأخيرة باخد كورس فرنساوي و بطلت لأن لقيت ان الموضوع مبقاش فارق... و بعت لشركات كبيرة كتير على مدار كذا سنة عشان تعيين و محصلش نصيب. فى حين أن الموضوع بيكون سهل لو معاك واسطة من غير ما تتعب.
أنا عايز أقول أن ساعات الظروف بتكون أقوي منك بكتير و اجابتك ممكن متكونش حل كامل. و كلنا عارفين ان الطموح بيتقتل فى البلد دي.
سلفنى البونبوناية بقى

و مستنى سوما تحرق الأجابة..مستعد أسلفك ولاعة عشان تحرقيها بس قوليها بسرعة

**أبو_يوسف** · 21-09-2010 04:27 PM

من أسباب حياة القلب.. ذكر الموت واليوم الآخر
كذلك البعد عن المعاصي والتقرب إلى الله
قال تعالى عن الكفار والمشركين " أموات غير أحياء وما يشعرون أيان يبعثون "

**shiko85** · 21-09-2010 04:41 PM

همممممممممم
طول عمرى مقتنع ان محدش بيكسب حاجه فالمسابقات دى
الناس تفضل تبعت و تشارك و فالأخر مفيش جوايز
المفروض المسابقات دى تكون تحت اشراف أداره المنتدى