احذروا - أسلوب سرقة جديد في محطة بنزين مش عارف حد قابله ولا لأ

**elfashn** · 22-09-2010 10:45 PM

متهيألى ان بنزينة الامارات الى هيا قبل كارفور المعادى نضيفة وملهمش فى الارف ده

**sayed911** · 22-09-2010 11:51 PM

تعديل فقط واضافة لإخواني هيا فعلا بنزينة وطنية تابعة للقوات المسلحة وتتبع الإدارة العسكرية ولكن العمال اللي فيها ليسوا جنودا ولكن هم مواطنون عاديون جدا جدا جدا ولكن بيعاملوا معاملة الموظفين وليس العمال يعني سجل وضريبة وتأمين وهكذا ..

**ehabhoba** · 23-09-2010 02:58 AM

حسبى الله ونعم الوكيل .....
احنا حنلاقيها منين ولا منين بس
من التوكيلات ولا المرور ولا السايس ولا مين ولا مين
بس المفروض ان اللى يمسك حد بيسرق ميسبهوش لا لما يجيبله جزا علشان يحرم ويعرف ان الله حق
هو احنا لاقين الفلوس فى الارض دا احنا بيطلع عين الواحد علشان يركب عربية

**dr-mohamed** · 23-09-2010 03:07 AM

بص يا باشمهندس تامر ان على طول بمون من بنزينات الوطنية وعادة اللي في الهرم
وركزت النهاردة وضربت طرف عيني فعلا العسكري صفر العدادات الاول
وكان في العربية اللى قبلي بيمون 92 ولاحظت انه بعد ما خلص كان بيحاول ينزق الرشاش بتاع البنزين في المساكة اللى بتخيله يمسك في الماكينة لانه مكانش عايز يعلق فسألته انت ليه بتعمل كدة قالي علشان لو ممسكش فيها العداد مش هيصفر وتبقي نصيبة
يعني العسكري اللى عمل معاك كدة يا اما ماخدش باله يا اما زي ما انا قلت كان عايز يسرق تمن ال5 لتر لنفسه وزي ما قال احد زملائنا هنا ممكن يكون موتسيكل فول قبلك على طول

اما بالنسبة للبنزينة فأنا عارف من الاول لكن قلت اتاكد تاني النهاردة كل اللى بيشتغلوا فيها عساكر مجندين وتابعين لجهاز الخدمة الوطنية وشغل البنزينة بالنسبة لهم فلة واحسن من المعسكرات مليون مرة على الاقل بيشوفوا بني ادمين وبيطلع لهم حسنة منها فمش عايز اظلم العسكري اللى مون لك واتحمل زنب ظلمه يوم القيامة نفترض انه مكانش واخد باله

**م.محمد مختار** · 24-09-2010 10:48 PM

المشاركة الأصلية كتبت بواسطة dr-mohamed

بنزينة وطنية متهيالي صعب اوي يحصل فيها الكلام ده لانها ملك للجيش يعني مراقبة وحسابات وشرطة عسكرية وسجن حربي مفيش حد يتجرا على انه يغش فيها
تلاقي العسكري كان ممون لحد قبلك 5 لتر وطمع انه ياخد فلوسهم لنفسه ومصفرش العداد ولما انت دخلت تمون كمل عليه

فعلاً المفروض وطنية انظف بنزينة ...
وحتى موضوع العسكري ده صعب لأن الماكينات الحديثة بتصفر العداد اوتوماتيك بمجرد وضع المسدس مكانه!!

**yahyazidan** · 24-09-2010 11:50 PM

على فكرة بنزينة وطنية اللى امام كارفور المعادى خللوا بالكم منها وبطلت امون منها من سنة ومع ذلك احسن بنزين مازال من وطنية بس البزينة دى مش ولا بد

**ezzatfox** · 25-09-2010 01:12 AM

فى اتنين غير صاحب الموضوع قالوا ان الموضوع اتكرر معاهم بحذافيرة
و انا كمان حصل معايا نفس الموضوع فى بنزينة وطنية و العداد كان مظبوط على 5 لتر قبل ما يمون .. و انا واخد بالى و مطنش و قلت اشوف هيعمل اية فى الاخر و طبعا نزلتلة و مقدرش يفتح بقة و حاسبت على البنزين ناقص 5 لتر .. و ندمت بعد ما مشيت انى مدخلتش لرئيس المحطة و حكيتلة اللى حصل .