الموضوع: الميكروباص وال bmw

اللى يخرج من داره يتقل مقداره

المشاركة الأصلية كتبت بواسطة eng.geo

عاااااااااااااااااااااااا ااااااااااااااااااااه
اليومين دول بروح كليتي مواصلات مبقتش أسوق بتاعتي لأسباب سياسية ( مستني الجديدة )
وبروح موصلات
نفس الأحاسيس ده بحسها
بركب مبفتحش بقي وعمال أتفرج علي الناس في العربية
كل واحد عامل فيها كرومبة ( السواق قفل علي حد - راكب وقفه في مكان غلط - السواق بيتخانق مع زبون )
والناس مابتصدق
ولما ملاكي يقف ينزل حد معاه ( تلاقي العربية كلها مبلمة ولحظة سكوت وبعد كدة بركان شتايم وكلام غريب ) من الكلام ده ( يعني عشان ركبتوا ملاكي ! ) وكلام تاني بلاش أقوله
ده غير سياسة السواق الغريبة ( انا سقت لانش قبل كدة ) واللي ساقه هيعرف أزاي بتمسك دركسيونه ( نفس الطريقة بيعملها بتاع الميكروباص )
حرااااااااااااااام
دول مش طبيعيين
أرحمني يا رب ( يا عربية تانية يا ييجي خبر يقفلوا فيه الكلية )

ياباشا مبروك مقدما ابقى خدنى فى طريقك

المشاركة الأصلية كتبت بواسطة juventus

فعلا بقت حاجة مقرفة

اه والله عندك حق

المشاركة الأصلية كتبت بواسطة sayed911

بص يا اخي الفكرة اللي انا ها اقولهالك دي في قمة السلبية ولكن هوة ده الحل عشان الإنسان لو فضل مركز في اللي بيحصل ده ممكن يقتل حد او يوصل لمرحلة من الإنفجار كل اللي عليك انسااااااااا ومتشلغش نفسك بأي حاجة في الشارع الا لو حد عايز منك مساعدة او شايف وضع يتطلب منك التدخل غير كده نصيحتي ليك خليك في حالك عشان لو كنت مثلا اتكلمت وفكرت تنبه السواق للغلطة اللي عملها ويطلع من البطئ للسريع بالطريقة دي كان ها تلاقي ابسط كلة انزل او اتخانق معاك او قالك روحوا اتعلموا السواقة الأول ومن ده كتير عشان كده كل اللي عليك بص واتفرج وادحك ولا كأنك هنا اي نعم هوة حل قمة في السلبية لكن هوة ده الحل اللي قدامنا وربنا يوفقنا يا اخي وربنا يسترها معاك ويبعدك عن شبح المواصلات ..

المشكلة اننا مش متوعدين نبقى بالسلبية دى
ممكن تسكت مرة واتنين بس ما اظنش اكتر من كده

المشاركة الأصلية كتبت بواسطة tyler_durden

هيصة و زحمة و عك و كله على كله
و ده المطلوب
إنهاك المواطن المصري بدنيا و نفسيا
و نقعد نتكلم و نحلل مين اللي حدف على مين و مين اللي غلطان .. و نسيبهم يعملوا في البلد اللي هم عاوزينه

اوباااااااااااا كده دخلنا فى السياسة

المشاركة الأصلية كتبت بواسطة ahmed88hassan

خلاص بقي يا جماعة
كفاية مواضيع شكوي الزمن اللي ملت المنتدي دي
خلاص كل عرف ان البلد كل شبر فيها بقي زي الخره

اهى فضفضة وحقك عليا يا سيدى مش هكتب كده تانى

المشاركة الأصلية كتبت بواسطة midomahany

طيب النهاردة سواق ميكروباص خبطى العربية من ورا خبطة جامدة حسيت بيها والاشارة واقفة وانا واقف فى الاشارة وراح رازع العربية نزلت بسرعة الحمد لله ما حصلش حاجة ويقولى مفيش حاجة طيب اعمل له ايه عاوز يطير من فوق الناس نركب مراوح ونطير ولا ايه مش عارف

فعلا سواقين الميكروباص والتاكسى بقوا مشكلة فى مصر
يا عاوز يطلع منك ويجرى يا يقف قدامك علشان ينزل او يركب ولا كان فى حد ماشى وراه
منتهى البلطجة وقلة الادب

اللهم ارحمنا

الحمدلله ربنا ستر

انا كنت مستلم العربية زيرو وكنت فى هايبر وطبعا انت عارف لما تكون العربية زيرو تحس انك عاوز تشيلها على دماغك

المهم ركنت العربية جات عربية 132 ركنت جنبى ونزلت من الباب اللى جنب السواق واحدة المهم وهى بتفتح الباب قامت فتحاه جامدة اترزع فى العربية وانا شايفها وهى شايفانى ولا حتى فى كلمة انا اسفه ولا الهوا بس هعملها ايه واحدة ست وجوزها معاها ولا نطق هو التانى

المشاركة الأصلية كتبت بواسطة lion_heart

اللى يخرج من داره يتقل مقداره

لالالا المثل ده غلط