مشكله فى تركيب الاشعال اليكترونى

**khaled_sabry** · 22-09-2010 08:25 PM

انا كنت قريت الموضوع ده
http://www.nilemotors.net/Nile/92011-a.html
و صاحب الموضوع بيقول انه ركب اشعال اليكترونى فى داخل الاسبراتير لعربية البيتل وهو عباره عن مغناطيس دائرى بيركب حول العضو الدوار و قطعه حمرا هى اللى مسؤله عن تقطيع الشراره و طالع منها سلتين بيوصلو للطرف الموجب و السالب للبوبينه زى مافى الصوره كده

المهم روحت للمحل الموصوف فى الموضوع و انا بشترى الاشعال ده من الراجل قالى هو بيركب على البيتل بس ماجربتوش على اى عربيه تانى (انا عربيتي كورولا 1978 )
وورهولى بالفعل و هو شغال على عربيته و بصراحه انا ماحستشى باى فرق بين الاسبراتير بتاعه و الاسبراتير بتاعى الا فى حجات شكليه
طبعا لما جيت اركب الاسبراتير عندى واجهتنى مشكله ان مكان مسمار التثبيت مختلفه عن اللى فى البيتل
روحت بيها عن الخراط و خرملى خرم يناسب اللى عندى

المشكله بقى بعد لما ركبته وكله تمام التمام ... اجى ادور مارش بحس المارش بيعمل لفه او نص لفه و بعد كده كأنه بيخبط فى حاجه بتكست اللف بتاعه ... لدرجه انه بعد ما اوقف مارش و ادوره تانى مايرضاش يلف خالص كأن فيه حاجه زنقاه
المهم جربت و فكيت اسلاك الاشعال و دورت مارش لاقيت المارش شغال ... طبعا مااشتغلتى بس على الاقل المارش شغال و بيحرك الموتور

فكده واضح ان المشكله فى الاشعال .... الاشعال مش بدور العربيه الاشعال عامل دلوقتى كأنه بيفرمل حركه الموتور اللى جايه من المارش ... يعنى الوظيفه العكسيه تماما

فعاوز اعرف ايه سبب الحكايه دى هل بالفعل علشان الاشعال ده مصمم لعربيه بيتل ؟؟؟ بس ماكلهم بيشتغلو بنفس النظريه و نفس الاسلوب يعنى عادى لو اخت قطعه غيار من هنا و ركبتها هنا
هو فيه احتمال مثلا ان الشاكوش عندى بيلف فى اتجاه معاكس للى بيلف فيه الشاكوش بتاع البيتل
ياريت حد يساعدنى علشان الموضوع ده عاملى صداع

**khaled_sabry** · 23-09-2010 12:21 AM

و ياريت حد يقولى ليه حركه اللى زى الفرمله دى .... يمكن عاوزله تغيير التقسيمه ؟؟

**khaled_sabry** · 23-09-2010 03:01 AM

ماحدش عاوز برضه ... ماعلينا
الفرمله او الكلبشه اللى انا اقصدها بالظبط كأنك بتدور عربيه بالزق ... بعد مابتزق و فى اللحظه اللى بتسيب رجلك من الدبرياج و هى معشقه ...بتلاقى العربيه كلبشت و نخعت لمده ثانيه وبعد كده دارت... اهه نفس الكلبشه و النخعه دى نفس اللى بيحصل عندى بعد ما ادور مارش

**karimfahmy99** · 23-09-2010 04:32 AM

الحركة دى معناها الكهربا فيها افنس . لازم تفك مسمار الازبراتير اللى بيقدم و ياخر الكهربا و تلف الازبيراتير شوية يمين او شوية شمال هتلاقى الخنقة دى بتخف . طبعا دى عاوزة واحد يكون معاك هو يدور و انت تلف الازبيراتير لحد الخنقة ما تروح و ان شاء الله تدور و تظبط كهربا التقديم و التاخير و هى دايرة

على فكرة نفس الكلام اللى قلتة لازم يتعمل لو غيرت الابلاتين لازم تظبط التاخير و التقديم الافنس يعنى

**khaled_sabry** · 23-09-2010 08:33 AM

المشاركة الأصلية كتبت بواسطة karimfahmy99

الحركة دى معناها الكهربا فيها افنس . لازم تفك مسمار الازبراتير اللى بيقدم و ياخر الكهربا و تلف الازبيراتير شوية يمين او شوية شمال هتلاقى الخنقة دى بتخف . طبعا دى عاوزة واحد يكون معاك هو يدور و انت تلف الازبيراتير لحد الخنقة ما تروح و ان شاء الله تدور و تظبط كهربا التقديم و التاخير و هى دايرة

على فكرة نفس الكلام اللى قلتة لازم يتعمل لو غيرت الابلاتين لازم تظبط التاخير و التقديم الافنس يعنى

انا اعرف بالفعل اظبط الكهرباء بتاعت الاسبراتير ..
بس تفتكر ان دى مشكله ظبط كهرباء ؟؟؟ لأنى كنت بحس ان فيه حاجه بتكلبش الموتور من جوه لدرجه انه بيقاوم حركه المارش نفسه
انا بصراحه حسيت انى لو كررت الموضوع ده تانى ممكن يكسرلى عامود البلى او اى حاجه جوه من كتر الكلبشه دى

**khaled_sabry** · 23-09-2010 03:03 PM

المشاركة الأصلية كتبت بواسطة karimfahmy99

الحركة دى معناها الكهربا فيها افنس . لازم تفك مسمار الازبراتير اللى بيقدم و ياخر الكهربا و تلف الازبيراتير شوية يمين او شوية شمال هتلاقى الخنقة دى بتخف . طبعا دى عاوزة واحد يكون معاك هو يدور و انت تلف الازبيراتير لحد الخنقة ما تروح و ان شاء الله تدور و تظبط كهربا التقديم و التاخير و هى دايرة

على فكرة نفس الكلام اللى قلتة لازم يتعمل لو غيرت الابلاتين لازم تظبط التاخير و التقديم الافنس يعنى

انا فى البريك روحت و ركبته تانى و ادالى نفس النتيجه
بس لما كنت بحرك الاسبراتير فى عكس اتجاه عقارب الساعه النخعه بقيت اقل عنفا و بتيجي بعد وقت قليل بينما لو حركتها فى الاتاجه المعاكس بتبقى عنيفه وبتحصل بعد وقت قليل اوى

بس فى الحالتين العربيه مادرتشى رغم انى لفيت الاسبراتير لاقصى زاويه ممكن الفها فى الاتجاهين

ياريت حد يساعدنى

**khaled_sabry** · 25-09-2010 11:58 PM

انا روحت لميكانيكي بالاشعال ده و حكيتله الحكايه
هو اول لما شافه قالى انتا عربيتك طول عمرها بتشتغل بابلاتين و كوندنسر

وعلشان تركب الاشعال ده عاوزلك موبينه اليكترونى !!!!!!! و بلاش احسن افتح على نفسى فتحه و مالهاش تأثر على الاداء

الكلام ده بجد و لا هو بيثبتنى ؟؟؟ و على فكره العضو اللى جربه اكد انه شغله على الفولكس بنفس البوبينه القديمه بتاعته

فياريت حد يساعدنى ... و لا استعوض ربنا على 150 جنيه اللى دفعتهم ؟؟؟؟؟؟؟؟

**karimfahmy99** · 26-09-2010 06:56 AM

شوف انا مش عاوز افتى فى حاجة تعمل مشكلة . الاحسن شوف متخصص فى نوع عربيتك و كمان استشير كهربائى . هو ممكن يكون عندك سنة فى الازبيراتير يعنى الازبيراتير يطلع و يا يقدم الترس سنة يا يرجعة سنة يعنى توقيت الشرارة مش متوافق مع طلوع راس البستم و برضة الكهربائى او الميكانيكى يفيدك فى موضوع البوبينة . و الله اعلم