لما حد يكون مشترك dsl و يعيد توزيعه على باقى الجيران هل يسأل قانونيا ؟

**ahmed88hassan** · 25-09-2010 03:04 AM

المشاركة الأصلية كتبت بواسطة lion_heart

عقوبات جامدة اوى ........

الى خلانى اسأل و اعمل الموضوع ده ان واحد قريبى عامله و بصراحة قلقان عليه ان شاء الله اعرفه و ربنا يستر....

بس الموضوع ده منتشر اوى و ناس كتير عاملاه هيه الحكومة مصهينة ليه مع انها ممكن تلم فلوس بالعبيط ؟:b4_237:

متخافش علي قريبك
هما لو طبقوا القانون ... البلد كلها هتتحبس

بص حواليك .. تعرف حد معندوش dsl ؟؟

**hazemhassan** · 26-09-2010 02:51 AM

انا
عامل
شبكة
من
اربع
سنين
وبعدين
حولتها
عند
صاحبى
عشان
مش
فاضى
ومحدش
جة
فتح
بقووو
معانا

**Lion_Heart** · 26-09-2010 02:57 AM

المشاركة الأصلية كتبت بواسطة hazemhassan

انا
عامل
شبكة
من
اربع
سنين
وبعدين
حولتها
عند
صاحبى
عشان
مش
فاضى
ومحدش
جة
فتح
بقووو
معانا

ربنا يسترها معاكوا

**cOrn** · 26-09-2010 03:08 AM

انا مشترك فى فودافون dsl و هو بيركب ال router قلتله هو فيه مشكلة لو وصلت لأى حد من اصحابى اللى ساكنين معايا , قالى يا باشا وصل للى انت عايزه بس مينفعش حد فيهم يتصل ب فودافون يقولهم انه عنده مشكلة فى النت , اللى عنده الراوتر بس هو اللى ليه الحق و بصراحة ( احسن خدمة عملاء و ال adsl بتاعهم ممتاز و مفيهوش اى مشاكل)

**احمد المصرى** · 26-09-2010 08:09 AM

المشاركة الأصلية كتبت بواسطة theblacksword

اعتقد لا علشان انا لما رحت اوصل النت وهو بيعمل العقد معايا سألنى انت لوحدك ولا شبكه قلتلو لا شبكه وانا فعلا عامل الحوار ده وعادى وبقالى كتييييييير اوى يعنى من سنين وهو مش مربح اوى يعنى على فكره لان كل العدد ما بيزيد بيبقى لازم تزود السرعه وبتلاقى الحكايه بتكلف بردو

+111111111111111111111

**makka** · 26-09-2010 01:38 PM

بصوا يا بشوات توصيل النت لاكثر من شخص بنفس الاشتراك غير قانونى بيسرى عليه بالظبط موضوع الوصلة بتاعة التليفزيون وبالظبط زى التليفون بتاع البيت يعنى ما يبقاش عندى تليفون فى البيت ويبقى عندى محل تحت البيت واخد منه وصله قانونا غلط لان اللى فى المحل بيتعامل المفروض تجارى والبيت استخدام منزلى ودا له تعريفه ودا له تعريفة.
طيب انا دلوقتى عندى شركة واخدت adsl وفى الشركة 10 اجهزة كمبيوتر يبقى اجيب خط لكل جهاز لا طبعا وصلهم مع بعض مفيش مشكلة طيب انا عندى فى بيتى 3 اجهزة كمبيوتر اجيب 3 خطوط لا طبعا زى تليفون البيت بالظبط حط فى كل حجرة تليفون على نفس الخط مفيش مشكلة.
ولما الراجل بتاع فودافون قالك وصل زى ما انت عايز قصده يخدمك بس والمسئولين فى شركته لو سمعوا الكلام دا اكيد هيعاقبوه.
على فكره انا واخد وصلة نت 4 ميجا بـ25 جنيه فى الشهر لووووز وطبعا غير قانونى وكمان بعرف اشغل اتصالات usb مودم ببلاش على سرعة 512 وبعمل دون لود وبتصفح من غير مادفع ولا مليم وكل دا غير قانونى بصراحه احنا مظلومين مرتبات مفيش مبتكفيش والحياة كل يوم بترمى على اكتافنا حمول جديدة هنعمل ايه؟ لازم ندور على الحلول المستخبية انتوا تعرفوا ان فى اوروبا من حق كل شخص خط انترنت بسرعة لاتقل عن 512 ببلاش ميدفعش فيها فلوس بيدفع فى السرعات الزياده بس.

**Sherif Khalifa** · 26-09-2010 01:52 PM

عندك عدة جهات ليها سلطة السؤال عن صاحب الخط
امن الدولة --> حد عمل نشاط متطرف من على الشبكة
شرطة جرائم المعلومات --> حد ابتز بنت او شهر بيها ... الخ
وزارة الاتصالات --> لو حد عمل مكالمات voip غير شرعية

فى كل الحالات انت الى فى الوش و حلنى بقى لما يشوفو مين معاك فى الشبكة المتسبب فى كدة

غير كدة الموضوع دا هيتلغى بس مش قريب

**sherifahmed** · 26-09-2010 02:14 PM

على فكره انا واخد وصلة نت 4 ميجا بـ25 جنيه فى الشهر لووووز وطبعا غير قانونى وكمان بعرف اشغل اتصالات usb مودم ببلاش على سرعة 512 وبعمل دون لود وبتصفح من غير مادفع ولا مليم وكل دا غير قانونى بصراحه احنا مظلومين مرتبات مفيش مبتكفيش والحياة كل يوم بترمى على اكتافنا حمول جديدة هنعمل ايه؟ لازم ندور على الحلول المستخبية انتوا تعرفوا ان فى اوروبا من حق كل شخص خط انترنت بسرعة لاتقل عن 512 ببلاش ميدفعش فيها فلوس بيدفع فى السرعات الزياده بس

معلش انا اسف فالللى هأولو بس اذا بليتم فاستتروا
اول مرة اشوف شعب بيعترف انه بيخالف القانون و بيعلق دا على غلاء المعيشة

**makka** · 27-09-2010 12:41 PM

المشاركة الأصلية كتبت بواسطة sherifahmed

معلش انا اسف فالللى هأولو بس اذا بليتم فاستتروا
اول مرة اشوف شعب بيعترف انه بيخالف القانون و بيعلق دا على غلاء المعيشة

عندك حق والله
بس رأى حضرتك متزعلش منى سطحى جدا
المفروض عشان اتفرج على الكورة اشترك فى الجزيرة ودا بكام؟ وعشان ادخل على النت اجيب خط نت ودا بكام؟ دول لوحدهم مش اقل من 500 جنيه فى الشهر لاقل اشتراكات طيب انا لما تبقى عندى الحاجات دى وهى معلش بقت مهمة ب50 جنيه بس اخدهم ولا لا؟
كان مرتبى 750 جنيه ومتجوز فى بيتى مفيش ايجار وبشتغل محاسب فى شركة ادوية وعندى طفلة ظبطهملى كده؟ طيب انا اتعرضت لازمة صحية خلتنى اسيب شغلى لفترة ولما جيت ادور على شغل جديد لقيتنى هبدأ بـ400 جنيه وانا عندى 30 سنه ومتجوز ومخلف أو اروح اشتغل مندوب بـ1000 جنيه واقعد الف طول النهار فى الحر واروح بيتى نص الليل اتدلق على السرير اخرج من بيتى الصبح وبنتى نايمة واروح البيت بالليل وبنتى نايمه ومشفهاش غير يوم الجمعه ولاقى مراتى بتقولى انا عايزه اروح عندنا طيب يا بنتى روحى بس مش هقدر اجى معاكى انا هقعد مع ماما وبابا واخواتى هوصلك وبالليل هخدك دى تبقى عيشه؟؟
هل ينفع ادفع 500 جنيه لتصحيح أوضاع اشتراكاتى؟! ولا بلاش نت وابطل اتفرج على كورة هو ممكن حضرتك يكون دخلك حلو ومعقول لما تدفع 1000 جنيه قيمة اشتراكات مش هيهزوك بس 500 جنيه كتير عليا كل شهر ومتنساش حضرتك تشيل الملصقات اللى على سيارتك عشان دا مخالف للقانون وكمان مترميش ورقه فى الشارع عشان دا مخالف للقانون

-

الموضوع: لما حد يكون مشترك dsl و يعيد توزيعه على باقى الجيران هل يسأل قانونيا ؟

LinkBack

أدوات الموضوع

عرض

-

-

-

-

-

-

المواضيع المتشابهه

استفسار بخصوص توكيل السيارة (قانونيا) استفسار بخصوص توكيل السيارة (قانونيا)

استفسار بخصوص توكيل السيارة (قانونيا)

هل يعيد التاريخ نفسه

التاريخ يعيد نفسه

الفيفا: هل يعيد التاريخ نفـسه ؟

الكلمات الدلالية لهذا الموضوع

المفضلات

المفضلات

ضوابط المشاركة