سيراتو ولا تيدا ؟

**tito_1980** · 27-09-2010 05:12 PM

دى النقط اللى بتهم اغلب المشتريين

هو ده مربط الفرس يعني انا واحد من الناس اللي تهمني الجوده قبل اي حاجه في العربيه و في ناس بيهمها الشكل الجمالي قبل اي حاجه و في ناس بيهمها الاداء قبل اي حاجه و هكذا و انا مقدرش اقارن مقارنه عادله بينهم عشان انا مجربتش قياده التيدا للاسف

**unixed** · 27-09-2010 09:21 PM

التيدا أكيد صناعة أحسن و أمتن و تقفيل أحسن و أوسع فى الصالون بكتير أنما برضة السيراتو شكل أحسن أنتشار بيدى توافر قطع غيار وعلى فكرة السيراتو برضة واسعة من جوة جدا وكمان الشنطة كبيرة فعلا ألى جانب كماليات أكتر شوية يعنى جنوط 17 و smart key و فتحة سقف أف دى حاجة تحير فعلا :)

**ramy01011** · 27-09-2010 11:39 PM

التيدا عربية يباني بتصميم اوربي من شركة رينو عربية تقفيلها و خامتها حلوة جدا اعدت معايا 5 شهور عربية سحبها جبار و تكيفها تلاجة بجد انا الواحد كنت بقلله كمان عيبها الثبات بس
التيدا اعتقد هتكون معمرة اكتر من السيراتو

**tito_1980** · 28-09-2010 10:20 AM

التيدا اعتقد هتكون معمرة اكتر من السيراتو

+11111111111111111111111

**moudy88** · 28-09-2010 07:59 PM

انا سوقت عربيتين سيراتو واحده اعلى فئه خليجي هاي لاين وطبعا انبهرت بكمالياتها زي التكييف التاتش والكاسيت الحديث وفتحة السقف الكهرباء والسمارت كي والتابلوه الكروم والفرش الجلد اللي بلونين ..وكل ده خلاني انبهر بيها جدا ..و السيراتو التانيه كانت اقل فئه مصري ..وفعلا السيراتو من غير المكياج بتبان على حقيقتها ..حسيت انها عربيه عاديه جدا ولا تفرق عن الموديلات اللي قبلها ولما جربت سواقتها لاقيتها عربيه عاديه في السحب وسحبها ممكن يكون اقل من الاوبترا الاوتو ..

وبالنسبه للمقارنه بينها وبين التيدا ..انا راي التيدا افضل من جميع النواحي ..عربيه عالميه ومشهوره على مستوى العالم (ماعدا مصر ) وعربيه ياباني اوروبي يعني متانة واعتماديه الياباني وفخامة الاوروبي ..زي المازدا 3

**BrainStorm** · 28-09-2010 08:02 PM

أنا جربت ال 2 ,بصراحة التيدا تتفوق في كل حاجة وأنا رأيي إنها الاختيار الأفضل
أنا مش هأتكلم عن هي أحسن ليه من السيراتو علشان كل لما أتكلم في الموضوع ده بلاقي هجوم عليَّ وتقبلوا وجهة نظري