الموضوع: سيراتو ولا تيدا ؟

المشاركة الأصلية كتبت بواسطة hossameldorry

انا حرد على بعض النقاط اللى ذكرت فى مشاركتكم

بخصوص الشكل والقباحة اللى بتقولوا عليه ده وان الناس معندهاش ذوق وهى بتختار
قبل ما ترد يا احمد سلم عليا دة أحنا صحاب بقالنا 9 سنين بنشتغل في التليفزيون مع بعض

انا كنت برد على اغلب الناس يا حس حس مش عليك تحديدا , لان سهل ارد عليك وانت عارف , لان اعرف اجيبك من البلكونة ولا نسيت انك جارى كمان هههههههههه
اخبار تحضير الجواز ايه عاوزين نفرح بيك قريب وازفك بالتيدا وسعة ومريحة

احب اقول فى الاول عيب الكلام ده اللى بينبع عن تعصب اعمى
اولا تصميم شكل التيدا منه برستيج اكتر منه جمال فى الشكل , تحس بالعربية ان عربية برستيج واقفة ومن جوة روعة فى التقفيل والتصميم الداخلى والخامات المستخدمة

يا راجل دة انت كنت هاتموت علي السيراتو و كنت دايما اقولك ان شكل التيدا وحش وانت كنت موافقني بنسبة 100%
مش كنت حموت ولا حاجة بالعكس لو كنت حموت كنت جبتها وخصوصا انى جبت تيدا مستعملة مش زيرو فمعنى كدا ان جبتها عن اقتناع
وكان معايا تمن السيراتو وكاش والله وانت عارف ده كويس, لكن فى الاول وفى الاخر نصيب
وان كنت مبسوط بيها جداااا ومش شايل هم معاها ابدا والحمد لله
وعلى فكرة انا عمرى ما قولتلك ان شكل التيدا وحش
ولو تفتكر كلامك لما قولتلى شكلك كدا يا احمد حتخلينى اجيب السيراتو وانت حتجيب حاجة يابانى
وبعدين عمر ما تفكيرى كان كماليات زيادة او شكل وانت عارف ده كويس وجدا كمان

ثانيا موضوع الفتيس ,هو طبعا ميزة ان يكون موجود عندك فتيس متطور وخصوصا لو ستبترونيك , ولكن اعتقد انه حيفيدك اكتر على السرعات المنخفضة , والحمد لله ان التيدا من غير الستبترونيك غول ووحش على السرعات المنخفضة وكمان فيها كيك دون عالى جدا واللى يركبها حيحس بيه جدا ,
لكن موضوع الثبات بردوا اللى بيتكلم من عدم واقع خبرة والله يسامحه لانه حيتحاسب على الكلام ده
ان التيدا ثبات رائع على الملفات 100 وكمان 110 ولكن بعد ال160 الثبات بيقل ولكن عزم الماتور بيجمع بسهولة لغاية 180 والثبات اللى بيقل ده نظرا لارتفاع سقف العربية , اللى بتاخد مقابل ليه راحة فى الصالون والدخول والخروج فى السيارة
محسسني ان انت راكب bmw
احنا بتكلم بموضوعية وبطل تكون متعصب فى كل حاجة زمالك وقولنا ماشى حتى كمان فى السيراتو هههههههه
وقبل كدا كنت متعصب فى المابل الصينى كمان
كل واحد شايف عربيته من وجهة نظره ومن الناحية اللى عجباه فرخة بكشك
ده انت لما بتسمع من اى حد معاه العربية اللى معاك وبيقول فيها كذا وعيب كذا بتكون عاوز تقتله وبتقول انه مبيفهمش حاجة

وبعدين انا بتكلم على عربية سوقتها وعلى تجربتى فيها بمنتهى الحيادية , وعن حقيقة موجودة
, وانت شايف عربيتك ايه, مش فيرارى ,كل واحد حر فى وصفه
وان كنت مقولتش على عربيتى بى ام ولا وصفتها بكدا, وقولت على عربيتى اللى عشته معاها وشوفته وجربته , والناس موجودة وتحت امرها فى اى تجربة
وخصوصا عربيتى عاملة 30 الف كيلو
ولو عايز ثبات حط جنط 17 ولكن حياثر على استهلاك البنزين والعفشة حتكون ناشفة جدا , وشوارعنا مينفعش فيها كدا
انت عايز تبقي 17 زي السيراتو دي تماحيك بقي
مش بقولك ردك رد غيظ وخلاص كعادة ال9 سنين , غيظ وعند وتعصب اعمى ههههههههههه (بنهزر مع بعض يا جماعة ,حتخلى الناس تفهم اننا بنكره بعض )
ايه المشكلة لو حطيت جنط 16 او 17
وبعدين انا بقول لو حطيت جنط 17 او 16 حيقصر فى استهلاك البنزين
وانا عندى التيدا معروفة افضل عربية فى استهلاك البنزبن فى فئة ال1600 سى سى
كفاية راجع اسكندرية وعلى سرعات اعلى من ال100 كيلو ماشى 140 و120 واوقات 160 ومرة جبت ا180 وفى اوقات كنت مشغل التكيف وانا راجع واوقات لا ولقيت استهلكت 15 لتر بنزين

فكل حاجة وليها حساب , يعنى حاجة مقابل حاجة
عايز راحي يبقي ما فيش ثبات
وهو مين قالك ان مفيش ثبات , هو انت سوقت او جربت التيدا قبل كدا , لااله الا الله
احنا مش بنغيظ فى بعض هنا بينى وبينك لوحدينا , احنا بنتكلم قدام ناس بتقرا الكلام , فخالى الكلام منطقى
عشان الناس تصدقك وتقتنع بكلامك لو حتقنع حد باللى بتقوله

ثالثا بخصوص قطع الغيار , اللى انا اعرفه واغلب الناس متفقة عليه ان لما تركب قطع غيار اصلية فى العربية سواء كورى او يابانى حسب العربية اللى معاك ايه , فبتحافظ عليها ,
فاغلب العربيات الكورى واليابانى اللى معدى تمنها 100 الف وبتتعامل مع توكيلها وبتجيب قطع غيارها الاصلية من التوكيل بيكون غالية
فميش حاجة رخيصة ابدا , فكل قطع الغيار الكورى الاصلى غالية , وكل قطع الغيار اليابانى بردوا الاصلى غالية
فمحدش يقولى ان السيراتو وان التيدا غالية , لان الاتنين جوة التوكل غاليين
فدية انت صح

وبره بردوا فى الحرفين ماليانة استيراد وماليانة مش اصلى وكل موجود وبالاسعار اللى انت عايزه , وكل ما بتجيب اصلى بتعيش اصلى
وكل ما بتستخسر فى العربية وتجيب تيل ب200 جنية حيجر عليك طنابير ووجع قلب وحياثر فى عمر قطع غيار عربيتك



رابعا بخصوص مشاكل فى العربية , الحمد لله تعالوا قسم نيسان وشوفوا هل فى مشاكل كبيرة فى التيدا ولالا , مش حتلاقوا ولا حس ولا خبر والحمد لله

شوف كام سيراتو اتباعت و كام تيدا اتباعت و اكيد في مشاكل كتير ماتعرفهاش

عشان مبدا السوق بتعنا ليه حسابات اخرى , وشوف فى اوروبا وبره مصر التيدا معروفة ازاى عن السيراتو
وبعدين مشاكل ايه اللى معرفهاش عن التيدا ,ههههههههههههههه , على اساس انى مش من ملاك التيدا
وعلى طول مش متداخل مع الناس فى قسم نيسان ,ومش عارف المشاكل ومش بروح التوكيل وبسمع عن اى حاجة بالعكس انت عارف وكل الناس هنا عارفة انى عايش مع العربية ومع اى مشكلة ومع الناس كلها
يبقا مفروض اكون على دراية كويسة بالمشاكل اللى فى العربية
بس للاسف الحمد لله المشاكل اللى عندنا لاتذكر للاسف
واعتقد والحمد لله انى مش بقول كلام مش قده , بخصوص لما قولت ان لو رجع بيه الزمن كنت اشتريت تيدا مرة واتنين وتلاتة , ولو معايا اكتر كنت جبت جولف


ولافى مشاكل فى فتيس , ولا مشاكل فى عفشة , ولامشاكل فى استهلاك بنزين , ولا مشاكل فى خامات تقفيل ولا مشاكل فى اى حاجة الا حاجات قليلة جدا وبتتحل فى الصيانات, والمشكلة الوحيدة الثبات على السرعات العالية وقولتلكم عليها ليه والحمد لله الواحد بيمشى جنب الحيط والله الغنى على التهور والسرعة الجنونية ونادرا ما بتمشى 160 او فيما فوق فى شوارعنا
انا معاية السيراتو بقالها 6 شهور و ماشي 12 الف كيلو و ما فيش عندي بالونة واحدة و ببهدل العربية و زي الفل
ربنا يباركلك فيها , بس انا واثق كعادتك وخبرتى وحفظى ليك ان لو فيها بالونة مش حتقول وتنزل من تعصبك ابدا
وبدليل كلامك واشعارك عن العربية الصينى اللى كانت معاك وعدم اعترافك انها كانت سيئة واوعى تقنعنى وتقولى مش عارف ايه وكانت جبارة , بدليل الاسرة عندك كانت بتشد فى شعرها من العربية دى وعلى يدى

وزى ما قولنا قدام كدا بتاخد راحة فى الصالون وعربية ناعمة , وفى السرعات اللى عاوز يشد جامد بتسد معاه لان ماتورها قوى جدا بس فوق 160 يخلى باله
و فى مرة جبت من باب التجربة 180 والله ومشغل التكيف ومحستش الا لما كنت عاوز ازود عن كدا فالقيت التكيف مفتوح وطفيته
وزودت ولما ابتديت اعدى ال185 ولسه فى المدام عندى خافت من السرعة وانا كمان وقولت اعقل احسن

ياريت ننقد من واقع خبرة فى تجربة العربية واللى جرب الاتنين ليه الافضلية فى الحديث
لما يكون معاك سيراتو ابقي احكم عليها

انا متكلمتش على السيراتو ولا حكمت عليها على فكرة لانى بحترمها جدا وبحترم ملاكها
وكمان انا متكلمتش على مشاكل فى السيراتو ولا هاجمت العربية زى ما هاجمت التيدا , كلامى على مشاكل اى اغلب العربيات اللى بنسمع عليهم فى السوق سواء كان كورى او يابانى او ماليزى , لان فى يابانى كمان فى مشاكل
ولما حكيت حكيت عن تجربة عربيتى , والاعضاء شايفين كويس جدا
وبل بالعكس انت يا حس حس باشا اللى اتكلمت وحكمت على التيدا وقولت ثباتها ضايع وهى على 100 على اساس انها توك توك ههههههههه مثلا , وبعدين انت اللى حكمت عليها اهو من غير ما تسوقها ,يبقا كلام مين اللى صح
فاركب التيدا وابقا احكم عليها , انا ممكن اديك المفتاح تجرب وابقا ادخل هنا قول شهادة الحق واقنع الناس بعدها عن تجربة واقناع عشان يصدقوك

ومستنيك فى المكتب عشان اديك المفتاح يا باشا
وتقبل تحياتى

الرد فى الاقتباس بالازرق

بدون تفكير لو مكانك تيدا بس ياريت هاي لاين(بلس)