الموضوع: سيراتو ولا تيدا ؟

[QUOTE=hossameldorry;3873088495]

المشاركة الأصلية كتبت بواسطة ahmed.tv

الرد فى الاقتباس بالازرق[/QU
انت الظاهر جايب صحابك من ملاك التيدا و عماليين تشتموا في السيراتو فيييييييييييييييييييييييي ن قسم كيا

بالعكس يا حسام
مفيش حرب ولا حاجة ولا حد شتم فى حد ولا حاجة وبطل التعصب بتاعك اللى بيخليك تشوف ان اى حد عكسك فى الكلام ومش معاك يبقا بيشتمك , وابعد عن التعصب
احنا هنا فى بيت واحد واسرة واحدة اسمها نايل موتورز
ولا يمكن يدخل بينا اى حرب او مشاكل مع الاعضاء والحمد لله
وبعدين انت حبيبى استحالة يكون بينا حرب غير فى المتشات بس
وبعدين كل الناس اللى اختارت التيدا من اقسام اخرى غير قسم نيسان يعنى معرفهمش
وطبعا ليه الشرف اكيد انى اتعرف عليهم وعلى كل واحد فى المنتدى لان اعضائه ناس قمة فى الاحترام والحب والعطاء
وعلى فكرة بيجمعنى صداقة قوية جدا بملاك كيا وفى بينا وبين بعض عيش وملح
وحتى معاك كمان وانت عارف
عمر ما حيكون فى بينا غير اى ود واحترام
ولكن
انا كلامى على ان لما نتكلم ونقنع الناس نقنعها عن تجربة واعتقد كل الناس بتوافقنى فى الرد
وانا رديت عليك فى النقط دى , لانك بتقول ان ثبات التيدا ضايع على 100 , طيب انت سوقتها عشان تحكم عليها
ولما اتكلمت اتكلمت ورديت على عربيتى دون المساس لاى حد او عربية معينة او ملاك باعينهم
وملاك قسم كيا ناس بعزهم جدااا وباذن الله حينورونا فى مقابلة نيسان القادمة وياريت تبقا تنورنا معاهم باذن الله
وبعدين بالعكس انا سعيد بالتطور اللى حيحصل فى المستقبل فى مواتير كيا , وخصوصا الموديلات اللى لسه حتيجى مصر فتيس اتوماتيك 6 سرعات واللى عمل عليها تقرير جامد حسام باشا اوبتراوى فعلا عربية ممتازة هى والالنترا الجديدة
بس حيقابلهم بردوا تيدا حتنزل بشكل جديد وماتور 1800 وعزم قوى هههههههه
على العموم لولا تعدد الاراء لبارات السلع
وهى فى الاول والاخر مسائلة ضمير بحكى وبتكلم بيه قدام الناس وبحكى فيه عن عربيتى عشان ده حتحساب علي الكلام ده قدام ربنا , وفى ناس حتاخد بيه عشان يساعدهم فى الاختيار لشراء سيارة
فحرام لازم احكى عن تجربة فعلية , واتكلم عن عربيتى
وحتى عشان كدا انا مقل فى دخولى قسم مقارنة عشان لازم لما ادخل واتكلم اتكلم عن حاجة اكون جربتها
مش معلومة كدا وخلاص سمعتها من حد او تعصب
لازم اكون امين مع نفسى تجاه الغير وخصوصا كمان ان اى كلمة بتكتبها على النت بتوصل للناس كلها فلازم زى ما قولتلك تكون امين مع روحك
بس يا باشا
وتقبل تحياتى

بعيدا عن التعصب لأى عربية فيهم ...العربيتين حلوين جدا وفيهم مزايا وعيوب وحسب تناسب المزايا والعيوب ليك انت شخصيا ومع طبيعة شخصيتك هاتقدر تختار اللى تناسبك ان شاء الله ..
وبعيدا عن الانحياز للتيدا لأنها معايا ...
لو رجع الزمن تانى هاعمل الآتى :
1- أصلى استخارة
2- اجرب العربيتين او على الاقل اركبهم واتفحص كل واحدة بدقة واحاول اطلع مزايا وعيوب كل واحدة من وجهة نظرى الشخصية
3- اسأل ناس مجربة بمعنى الكلمة يعنى معاهم العربية
4- اجيب ورقة وقلم واكتب انا عايز ايه من العربية فى شكل نقاط
5- اللى تاخد منى نقاط اكتر اتوكل على الله فيها

وفى النهاية لو هاتسألنى عن رأيى أو احتياجاتى من العربية فأنا راجل بسيط مش متكلف يعنى ما بيهمنيش قوى فتحة السقف والجنوط الاسبور والكلام ده انما يهمنى العفشة والشاسيه والموتور والصالون والنعومة والهدوء والراحة و انها تكون ذات جودة عالية فى الصناعة والتقفيل والخامات ... وكل ده الحمد لله لاقيته فى التيدا .. واسال الله ان يوفقك للخير