بص ياباشا انا اولا قدر الله وماشاء فعل انا معايا عربيه لانوس برضه ولعت من عند التابلوه والضفيره والدريكسيون لوحدها وهي مركونه في الجراج من غير اي الرم وروحت التوكيل شوف انت بتقول مقايسه مبدئيه 16 الف جنيه انا بقي تابلوه وزجاج ودريكسيون مقايسه مبدئيه 20 الف جنيه كحد ادني فقلتلهم مش هدفع وهتخش ضمان قالي لا قفشت عليهم دخلت ضمان بعدها بيومين لكن ادفع معاهم 25 في الميه قلت لا برضه مليش ذنب حد بن حلال دلني علي حمايه المستهلك مع اني مكنش عندي اي ثقه في اي جهه حكوميه بصراحه لكن الناس يشكروا محترمين جداا رفعوا شكوي وبعدها بكام يوم كلمني حد من ابوالفتوح وشاف المشكله وقالي العربيه دخلت بالكامل ضمان اللي عايز اقوله انك لو شايف انك ليك حق فعلا وعيب صناعه متسبش حقكك وافضل وراه هتاخده صدقني واسعي في موضوع حمايه المستهلك مع اني مسجل شكوتي معاهم من خلال ميل وصور للعربيه مروحتلهومش ولا كلمتها حتي في التليفون

وده لينك موضوع لو حبيت تتابعه وربنا يكرمك ان شاء الله ويسترها معاك وابقي طمنا عليك
http://www.nilemotors.net/Nile/178561-a.html