الموضوع: قسم بروتون هل ممكن يرجع تانى ؟ سؤال بأه صعب اوى يا بروتوناوية

المشاركة الأصلية كتبت بواسطة eng_amr

كلامك جميل وحلو جدا ومنطقى
أنا لسة جديد فى المنتدى ماليش اصلا فى المنتديات لكن استفدت من نايل موتورز وحبيت اشترك ولسة
ماعرفش ايه المشاكل بس المنتدى معمول عشان الناس تفيد بعض من خبرات مشتركة. و اى عربية بيحصل فيها مشكلة دة مش معناه ان كل العربيات نفس الحاجة .
ليه واحد صاحبى معاه لانسر مرة واحدة سخنت وجابت وش سلندر دة مش معناه ان اللانسر دة الطبيعى بتاعها. لا وأغرب حاج حصلت مع واحد اعرفه وفضلت مش مصدق فترة طويلة معاه 5 golf اتقلبت وهو بيفادى عربية على 130 قولى باة الجولف وحشة و مش ثابتة

انا معايا جين2 2009 وعامل اكتر من 50 الف وعمرى ماحصلى مشكلة مع العربية (وبلاش حسد بالله عليكم) والغريب ان التوكيل على طول كويس جدا معايا وماشوفتش اى مشاكل معاهم. المرة الوحيدة اللى اشتكيت فيها كان عشان فوانيس الشبورة اتكسرت فى الطريق ولقيتها غاليةجدا (اصل كل يوم على الدائرى 160 وانت طالع) . والعربية دى على سعرها احسن بكتييييير من عربيات اعلى منها فى السعر.

الجين 2 لسة عربية جديدة و اى حد بيشتريها بيحبها جدا وخصوصا اللى بيحب الشد واللى بيحب الامان. اللى عايز رفاهية يدفع فوق 140 الف واللى عايز عربية واسعة يشترى ماتريكس.
كل العيوب اللى اتقالت فى العربية ماقبلتهاش ماعدا المانيفولد وعملوه فى صيانة الخمستلاف انا لو سمعت تكة مش عاجبانى بقولهم فى التوكييل. عمرى ما عملت اى صيانة او تركيب برة.ان شاء الله هبدأ أكتب حاجات عرفتها عن الجين2. و يارب افيد زى ماستفدت

والسلام ختام

المشاركة الأصلية كتبت بواسطة eng_amr

هههههههه ولا اتخضيت ولا قريت المعوذتين ولا حاجة
انا من اول مادخلت لقيت كل الناس بتشكى من الجين م كن التوكيل قولت لازم اقول برضه

ومرة سمعت من واحد ان عربيته مابتعديش 190 الا على منزل انا بجيب 200 عادى كانها 180 ولما مرة معدتش 195 قلتلهم فى التوكيل فى الاول ضحكو وبعد كدة قالوا نجرب بعد صيانة الاربعين ورجعت تانى :ta_clap[1]: يعنى مفروض مالوش دعوة بالحاجات دى بس اهو جرب و حاول يساعدنى

زى مافى مواقف وحشة فى حلوة.

والسلام ختام

أولا أهلا بيك يا بشمهندس معانا فى المنتدى و معلش انا بستشهد بكلامك ده قدام باقى الأعضاء اللى بيقولوا علينا لما بنشهد شهادة حق للعربية دى إننا بنضلل الناس و بنكدب عليهم أهه شخص تاريخ اشتراكه فى المنتدى من حوالى أسبوع و العربية معاه بقالها تقريباسنة يعنى مش جديدة عليه لسه ما طلعتلوش مشاكل و لا هنلاقى الناس بنظرية المؤامرة المعهودة هتطلع تفتى إن ده عضو قديم و عامل اشتراك جديد و بيضحك علينا.

متشكر ليك يا بشمهندس مرة تانية و شهادتك دى اثبات قوى لوجهة نظرنا إننا مش شلة مضللة و كدابة و بس و شهد شاهد من بره المنتدى سابقا:b4_282:

الاعضاء المحترمة تشارك ...... بس كدا

و محدش يسكت علي اهانات ,, فتاوي ,, تجريح شخصي ,, و كله بالذوق طبعا :)

بس نفسي بجد الناس بتاعة زمان تشارك تاني

والله يا اخي انا من الناس اللي متابع القسم من حوالي 4 او 5 شهور يعني ما زلت حديثا ولكن انا نفسي عشان نبعد عن القيل والقال والكلام ده كلو يتعمل قسم جوة قسم بروتون للشكاوي عشان مونجعش قلبنا ونلزق حاجة انسان مش مقتنع بيها لشخص اصلا مش حابب العربية !! يعني ببساطة اللي عايز يشتم في التوكيل او في العربية يدخل القسم ده ويفضل مع نفسوا لحد ما يحس انو طلع اللي جواه وخلصت على كده :-d طبعا ده بعيد جدا عن الواقع وما هو الا محض خيال ولكن يا اخي اسمحلي اني اسئلك سؤال انا واحد من الناس اللي للأسف لم يكن لي الشرف اني حضرت مع احد من القدام المحترمين ولكن انا اعذرني عايز اقول كلمة واحدة بس انسحب احد من المنتدى سلبية كلنا عندنا شغلنا وعندنا مشاكلنا ولكن بندخل على القسم هنا نتعلم حاجةجديدة عن العربية بنشارك بفكرة جديدة بنستفيد بتجربة بننصح حد ومش عايز اقولك انو 50% من اللي جابو الساجا في القسم بناء على المواضيع الشديدة الصراحة اللي اتعملت عندنا في القسم وبشدة وتؤيد السيارة يعني مهما كانت المواضيع فالنصيحة واجبة وانا 100 مرة بيبقى نفسي اوقف حد في الشارع معاه ساجا واقولوا العربية وضعها ايه معاك ومش عايز اقولك اني معمريش ركبت العربية لحد دلوقتي ولا حتى جربتها ولكن انا عارف من الكلام العلمي المبني على حقائق وضع العربية دي ايه في السوق المصرى عشان كده انا واثق ان شاء الله في اختياري وبشدة كمان ... ولكن انا دعوة مني من عضو ما يزال حديث في القسم لدعوة الناس القدام في القسم لأنو لو انا سبت وهوة ساب وده ساب واللي بعدي ساب محدش ها يفضل وهية ااسا الناس كلها بتدخل القسم ولو ساعة في اليوم تشوف ايه الجديد ترفيه عن النفس الى حد ما ولكن انا بدعو الناس كلها القديمة والجديدة نخلي تركيزنا كلوا في السيارات وعيوبها قبل مميزتها عشان احنى بنهتم بالصراحة قبل كل شئ ونسيب بقى مشاكل التوكيل وللي عايز يشاركنا مشكلتو تكون كشرح فقط بدون اي ايحاء عن اي شئ يعني ببساطة يا جماعة انا فنوسي اتكسر ورحت التوكيل ورفضوا بس ممكن بقى ساعتها الأعضاء يساعدوه يعمل ايه يروح لمين وهكذا وتحياتي لك اخي على الموضوع الصريح وان شاء الله القسم ها يرجع تاني وانا واثق من كلماتي ...

يا رب قسم بروتون يبئا احسن قسم فى المنتدى
بغض النظر عن سيارة بروتون او توكيل عز العرب

يارب يبئا افيد قسم بنصائح أعضاؤه
يعنى اللى شايف مميزات يفيد الناس ويذكرها وماحدش يهاجمه من غير ملاكها
وبردو اللى شايف عيوب يذكرها ويحذر الناس منها وماحدش يهاجمه من ملاكها ولا يكرهه
سواء كان فى رأى الطرف الاخر غلطان او لا
لازم نسيب كله يتكلم وفى الاخر القارئ هو صاحب القرار


الحمد لله غالبيتنا عندنا اكثر من عربيه او مسيرنا نغير العربيه واللى هايتبقالنا شخصيات مش عربيات ولا توكيلات
.
الحمد لله رغم كره العديد ليا بسبب حبهم الزائد للسياره والتوكيل واللى وصلهم لانهم مش مستحملين كلمه عليها ومستعدين يخسرو شخصيات بسببها
لكنى طلعت بأكثر من صديق حقيقيين بيحبونى وباحبهم رغم اختلاف وجهات نظرنا
ودى هى الفائده الحقيقيه للمنتدى

واكبر فائده طلعت بيها فى السنه ونصف اللى شاركت فيها فى نايل موتورز
هى التحكم فى الاعصاب والذكاء فى الرد
زمان كان اللى بيوصلنى لدرجه معينه من الاستفزاز بذكاؤه القانونى باغلط فيه من غير قصد وبتؤخذ عليا وارجع اتأسف ولم يغفر لى بردو
حاليا اتعلمت اتحكم فى اعصابى واتجاهل اى تلقيح كلام او استفزاز قانونى

واخيرا
ليس مهما ابدا ما ناخذه من التوكيل ومايمكن اخذه من تخفيضات وعروض بالحفاظ على العلاقات والمزايا المقدمه لنا منه

ولكن تحذير المقبلين على الشراء من عيوب التوكيل وعيوب السياره وايضا ذكر الاشياء الجميله اللى فيها
وكده نبئا بنفكر فى الغير مش فى نفسنا

بالنسبه لى افيد قسم فى المنتدى قسم شيفروليه
عشان حذرونى من شراء الافيو وعرفونى مشاكلها بالكامل قبل شراءها والحمد لله ربنا سطر
ومازلت اعاتب على اعضاء قسم بروتون عدم ذكر مشاكل مثل الطنابير وعلب الدريكسيون (التى تم الاعتراف بها من قبل التوكيل) قبل شرائى للسياره
وشايف ان التحذير منها بل تثبيت مواضيع فيها المشاكل المتكرره للسياره افيد كتييير من تثبيت مواضيع حب فى السياره
وتثبيت التقارير السيئه مهمه بردو زى تثبيت التقارير الشاكره فى السياره

شكرا على فتح هذا النقاش
تحياتى لكل الاعضاء اللى عمرى ماهخسرهم بسبب حديد وتوكيل
وياريت يرجعو اعضاء زمان يشاركو فعلا

المشاركة الأصلية كتبت بواسطة أبومريم

تاني يا محمد تاني؟ طنابير ايه وعلبة دريكسيون ايه؟
تقدر تقول كام في المية من عربيات بروتون فيها العيوب المذكورة؟
طبعا متعرفش يبقى متعممش يارب بقى يا محمد تفهم الناس كلها متضايقة منك ليه

ماشى يا استاذ محمد
ولاون نسبه مش قليله اللى غيرو طنابير قدامى وبيعملو التعديل دلوائتى بس اوك عشان ماحدش يزعل
وطبعا مش ممكن اعرف كام فى الميه

هابطل اعمم عشان خاطركو

بس طبعا هاتكلم عن المشاكل اللى شوفتها بردو لانى فى رأيى نسبة حدوثها مش قليله خالص
وبردو اكيد عن مميزات العربيه
وطبعا انتو عارفين ان اعتراضى على التوكيل وتعامله مع المشاكل مش عالعربيه خالص
العربيه ليها مميزاتها اكتر من عيوبها مقارنة بالسعر ولكن التوكيل كان قرب يكرهنى فيها

المشاركة الأصلية كتبت بواسطة momopersona

يا رب قسم بروتون يبئا احسن قسم فى المنتدى
بغض النظر عن سيارة بروتون او توكيل عز العرب
هوة احسن قسم فى المنتدى فعلا علشان سيارات بروتون دة اولا وعلشان الاعضاء ثانيا وعلشان التوكيل ثالثا مينفعش يبقى احسن قسم من غير التلات حجات دول

يارب يبئا افيد قسم بنصائح أعضاؤه
يعنى اللى شايف مميزات يفيد الناس ويذكرها وماحدش يهاجمه من غير ملاكها
وبردو اللى شايف عيوب يذكرها ويحذر الناس منها وماحدش يهاجمه من ملاكها ولا يكرهه
سواء كان فى رأى الطرف الاخر غلطان او لا
لازم نسيب كله يتكلم وفى الاخر القارئ هو صاحب القرار
لما يبقى الكلام منطقى والنقد بناء وعلى اسس وغير الاسس على اجماع معاك فى الكلام دة لكن لما يبقى من السمع وصاحب صاحب صاحب بابايا ابنو عندوا العربية وبيقول انها وحشة معلش دة يبقى كلام فاضى ومش حيتسكتلة عارف لية ؟؟؟ لان فى ناس كتير جدا فعلا متغاظين من ترابطنا وحبنا الغير طبيعى للعربية ايوة احنا بنحب عربياتنا اوى اكتر من اى حد تانى لية ؟؟ مش عارف بس دى الحقيقة وبالتالى الحقد لمجرد انك بتحب الحاجة دى ذيادة (مش لازم لانها احسن عربية بالعكس ممكن تكون اقل عربية كمان) بيخلى اى حد يحاول يهد جسور الحب دى وميوسعش القاعدة على اد ما يقدر والكلام دة من خبرة طويلة وسنين طويلة الواحد عاشها فى بلاد مختلفة ومع طبقات مختلفة اتعلم حجات كتير ولسة بيتعلم بس فعلا الواحد بقى بيعرف الناس دى اول ما بيقرا تعليقاتهم لانها من واقع الخبرة اللى الواحد بيبقى اكتسبها بتبقى باينة اوى وساذجة اوى وبالتالى دة لازم يقف عند حدة بدرى بدرى مش تقولى اسيبة براحتة والقارىء قارىء مين يا مومو احنا بنكتب فى مجلة ميكى ؟؟؟ دى سمعة كيان اسمة بروتون

الحمد لله غالبيتنا عندنا اكثر من عربيه او مسيرنا نغير العربيه واللى هايتبقالنا شخصيات مش عربيات ولا توكيلات
ربنا مرزقنيش غير بعربية واحدة ويديمها عليا نعمة ويحفظهالى من الزوال بس جايبها من دمى الحى زى ما بيقولوا ولو ربنا كرمنى بغيرها زى ما بتقول لية فى الفترة دى مبقاش باقى عليها لانها سترى وغطايا وسط بهدلة البلد والمواصلات اللى كلنا بنعانى منها .مش يمكن لو مراعتش ربنا فيها ومتحرتش الدقة فى الكلام اللى بكتبة عنها وهنتها وبعد كدة جيت زميت فيها وقلت العيب منها مش يمكن ربنا ميرزقنيش باللى احسن منها ؟؟؟لية محسسنى انى اعاملها على انها حتة حديدة وهى حديد اة بس وراها مدينة كاملة وكيان اسلامى رائع عملى وعملك حاجة تحفة علشان يرفع راسى وراسك وسط العالم ويقولوا احنا المسلمين بنعرف نعمل حاجة زيكوا اهو وان شاء الله حتبقى احسن كمان بس انا لسة يدوب 25 سنة محتاج كل صوت جنبى علشان اكبر متموتنيش بدرى بدرى
الحمد لله رغم كره العديد ليا بسبب حبهم الزائد للسياره والتوكيل واللى وصلهم لانهم مش مستحملين كلمه عليها ومستعدين يخسرو شخصيات بسببها
لكنى طلعت بأكثر من صديق حقيقيين بيحبونى وباحبهم رغم اختلاف وجهات نظرنا
ودى هى الفائده الحقيقيه للمنتدى
الفائدة الحقيقية للمنتدى التعارف واعلاء ما سمى المنتدى بة وليس مهاجمتة كل من هب ودب فى القسم
واكبر فائده طلعت بيها فى السنه ونصف اللى شاركت فيها فى نايل موتورز
هى التحكم فى الاعصاب والذكاء فى الرد
واضح من ذكائك فى الرد محبة الناس ليك فعلا واهنيك على كدة واتمنالك التقدم بس نصيحة من شخص اكبر منك سنا فقط وليس مقاما والعياز بالله غير من اسلوبك وعيش سنك افضل لان لن يتقبل منك احد اى نصح او ارشاد لان كل من بالمنتدى اكبر منك سنا وخبرة فى كل شىء ولا اقصد بهذا اى نوع من انواع الاهانة لك ولكنى واحد من الناس لن اتقبل باى حال من الاحوال ان يقنعنى اخى الصغير بما يراة صحيحا واراة انا غير صحيح
زمان كان اللى بيوصلنى لدرجه معينه من الاستفزاز بذكاؤه القانونى باغلط فيه من غير قصد وبتؤخذ عليا وارجع اتأسف ولم يغفر لى بردو
حاليا اتعلمت اتحكم فى اعصابى واتجاهل اى تلقيح كلام او استفزاز قانونى
شىء جيد بالفعل واستمر على ذلك ولكن ان غيرت اسلوبك فى محاولة توصيل انك تفهم مالا نفهمة وان هناك افضلية والمفترض ان بعض الاخوة يتوسمون فيك خيرا وانك استاذ جليل ذو خبرة ومعرفة سابقة نتيجة لاسلوب كتابة جيد جدا من رائى لسنك الصغير لن يكون هناك استفزاز او تلقيح من اى نوع وتاكد من ذلك
واخيرا
ليس مهما ابدا ما ناخذه من التوكيل ومايمكن اخذه من تخفيضات وعروض بالحفاظ على العلاقات والمزايا المقدمه لنا منه
هذا هو عيبك القاتل اخى الكريم طمس فائدة الغير وتفضيل النفس
اخى الكريم ولما لا تكون هذة هى من اهم الفوائد الحقيقية التى نحتاجها نحن الملاك .هل الفائدة انى اذكر للناس التى لم تشتر السيارة من الاساس بعرض المميزات والعيوب وفى النهاية يعرض عنها ما يعرض ويقبل عليها ما يقبل وانا صاحب النصيحة والتجربة وكل شىء لا تعود على اى منفعة حقيقية ان وجدت ؟؟؟ابتعد عن هذة المنطقة لانك تعرف جيدا عواقبها وحاولت قبل ذلك الاقتراب منها وكانت العواقب وخيمة واتمنى ان تفهم كلامى مثل ما تكتب باسلوب جيد (لا داعى لذكر اسم او تلميح مباشر حتى لا يتكرر ما حدث من قبل )
ولكن تحذير المقبلين على الشراء من عيوب التوكيل وعيوب السياره وايضا ذكر الاشياء الجميله اللى فيها
وكده نبئا بنفكر فى الغير مش فى نفسنا
لا يوجد تحذير لان انت الوحيد الذى يتصور ان سياراتنا جميعا بها تلك العيوب وانت الوحيد الذى يتصور انها ليست عيوب فردية وانت الوحيد الذى يرى التوكيل بصورة اسوأ من اسوأ صورة موجودة فى ذهن مالك لقى معاملة غير جيدة مرة واحدة من التوكيل وعزف عنة للنهاية
بالنسبه لى افيد قسم فى المنتدى قسم شيفروليه
عشان حذرونى من شراء الافيو وعرفونى مشاكلها بالكامل قبل شراءها والحمد لله ربنا سطر(ستر)
ومازلت اعاتب على اعضاء قسم بروتون عدم ذكر مشاكل مثل الطنابير وعلب الدريكسيون (التى تم الاعتراف بها من قبل التوكيل) قبل شرائى للسياره
[color="purple"]ولما قمت بشراء السيارة هل قرار الشراء بيدك انت ؟؟؟ هل هى سيارتك من الاساس ؟؟ هل انت السائق الوحيد لها ؟؟؟؟ كلنا نعرف وانت ذكرت ان قيادتك بها تهور ورعونة (لسة صغير ودة سنك عادى ) لماذا لا يكون نوع قيادتك من العوامل المساعدة لتفاقم المشاكل فى سيارتك ؟؟؟؟لماذا محاسبة الغير قبل محاسبة النفس ؟؟؟؟الا يوجد تعديل فى علبة الدريكسيون لمن لديهم هذا العيب ؟؟؟؟ الم ينجح التعديل بشهادة من اجروة ؟؟؟؟ لماذا انت الوحيد ولماذا سيارتك الوحيدة ؟؟؟؟ وجد تعديل هذا شىء جيد ويحسب للوكيل تم تركيب التعديل والنتيجة اكثر من مرضية هذا شىء جيد جدا للوكيل ويحسب لة .اذن اين المشكلة ؟؟؟

وشايف ان التحذير منها بل تثبيت مواضيع فيها المشاكل المتكرره للسياره افيد كتييير من تثبيت مواضيع حب فى السياره
وتثبيت التقارير السيئه مهمه بردو زى تثبيت التقارير الشاكره فى السياره
التثبيت ليس من قدرات اى منا ولو كان المشرف وجد ان الموضوع يستحق التثبيت لكان مثبت رغما عنى وعنك واعتقد ان هذا شىء واضح وضوح الشمس
شكرا على فتح هذا النقاش
تحياتى وارجو تقبل محادثتى معك على الرغم من حدة نقدى لك ولكنى حاولت بقدر الامكان ان اكون منطقيا بلا اى تجريح

تحياتى لكل الاعضاء اللى عمرى ماهخسرهم بسبب حديد وتوكيل
وياريت يرجعو اعضاء زمان يشاركو فعلا

[/color]

تحياتى وارجو تقبل محادثتى معك على الرغم من حدة نقدى لك ولكنى حاولت بقدر الامكان ان اكون منطقيا بلا اى تجريح
تحياتى